गलाती 3:29 - परमेश्‍वरए ताँ तमु क्युइर

²⁹ छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।

गलाती 3:29 ပူးပေါင်းရင်းမြစ်များ

मत्ती 3:9

‘ङि यहूदीमैं परमेश्‍वरजी त्‍हाँबै म्‍हि अब्राहमए खलकर्बै तसेरो ङि परमेश्‍वरए सजैंउँइँले स्योल् योंब्‍मुँ,’ बिसि ह्रों-ह्रोंसन् बिआप्रद्। तलेबिस्याँ ङ क्हेमैंने बिमुँ, परमेश्‍वरजी अब्राहमए ल्हागिर चु युँमाउँइँले या सन्‍तान् लमिंल् खाँम्।

रोमी 8:17

ङ्यो परमेश्‍वरए च्‍ह-च्हमिमैं तसेरो परमेश्‍वरजी खीए च्‍ह-च्हमिमैंए ल्हागिर साँथेंबै अँश ङ्योइ योंब्‍मुँ, धै परमेश्‍वरजी ख्रीष्‍टए ल्हागिर साँथेंबै अँश या ङ्योइ खीने बालो योंब्‍मुँ। तलेबिस्याँ येशू ख्रीष्‍टजी दुःख नोब् धोंले ङ्योज्यै या छाबै दुःख नोस्‍याँ खीजी योंबै मान ङ्योज्यै या योंब्‍मुँ।

१ कोरिन्थी 15:23

दिलेया ताँन् खें-खेंमैंए पलोर सोगों तम्। ख्रीष्‍ट बिस्याँ धाँसे ओंसों सोगों तइ, धै खी एयुबै त्हेर खीए फिर बिश्‍वास लब्मैं सोगों तब्‍मुँ।

२ कोरिन्थी 10:7

क्‍हेमैंइ ह्रोंसए मिइ म्रोंबै सैमैं मत्‍त्रे ङ्ह्‍योम्। क्हेमैंए न्होंरि खाबज्यै या “ङ येशू ख्रीष्‍टए म्‍हि ग!” बिम् बिस्याँ च धोंलेन् ङि या ख्रीष्‍टए म्हिन् ग बिसि चइ क्होल् त्हुम्।

गलाती 3:16

छलेन अब्राहाम नेरो चए सन्‍तान न्होंर्बै म्हि घ्रिने परमेश्‍वरजी बाछा फैइमुँ। छ्वेर “ल्हें म्हिने बाछा फैइमुँ” आबि, बरु “क्‍हिए सन्‍तान न्होंर्बै म्हि घ्रि” बिसि म्‍हि घ्रिने मत्‍त्रे बाछा फैमुँ। च म्‍हि ख्रीष्‍ट ग।

गलाती 3:18

परमेश्‍वरउँइँले योंबै आशिक ठिमर बिब् धोंले केमैं लसि योंम् बिस्‍याँम्, परमेश्‍वरजी फैबै बाछाउँइँले आशिक आयोंमल। छ आङिं, तलेबिस्याँ परमेश्‍वरजी बाछा फैसिन् अब्राहामलाइ च आशिक छलेन् पिंइ।

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

गलाती 3:7

छतसि खा-खाबमैंइ बिश्‍वास लमुँ, चमैंन् अब्राहामए सन्‍तान ग बिसि क्‍हेमैंइ क्होल् त्‍हुम्।

गलाती 4:1

ङइ बिल् म्हैबै ताँ चुन् ग: हकवाला ताँन् सम्‍पत्तिए क्‍ल्‍हे तनाबिलेया च उमेर आयुन् समा केब्छैं धोंलेन् टिल् त्‍हुम्।

गलाती 4:7

छतसि तारे क्हेमैं केब्छैं आङिं, क्हेमैं परमेश्‍वरए प्हसेमैं ग। धै क्हेमैं खीए प्हसेमैं तबइले खीजी क्हेमैंलाइ हगवालामैं या लमिंइमुँ।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

गलाती 6:16

छतसि ङइ बिब् धोंले छ्ह थोब्मैंए फिर नेरो परमेश्‍वरए ताँन् म्‍हिमैंए फिर परमेश्‍वरए दयाम्हाँया नेरो शान्ति खोंयोंन् बिलै तरिगे।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

हिब्रू 11:18

तलेबिस्याँ “इसहाकउँइँलेन् क्हिए सन्तान तब्मुँ,” बिसि परमेश्‍वरजी ओंसोंन् अब्राहामने बिल।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

हिब्रू 6:17

परमेश्‍वरजी बाछा फैसि पिंम् बिबै सैमैं योंल् त्‍हुब्‍मैंलाइ “खीए ताँ खोंयोंइ आप्लिं,” बिसि उँइँमिंबै सैं लइ। छतसि खीजी कसम चसिन् च बाछा पक्‍का लइ।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

दर्शन 21:7

दुष्‍टए फिर ट्होब्मैंइ चु ताँन् आशिकमैं योंब्मुँ। धै ङ चमैंए परमेश्‍वर तब्‍मुँ, चमैं या ङए प्हसेमैं तब्‍मुँ।