गलाती 3:23 - परमेश्‍वरए ताँ तमु क्युइर

²³ ङ्योइ ख्रीष्‍टउँइँले खबै सैं तोंबै ताँ आथेन् समा ङ्यो ठिमए न्होंर्न मुँल। ठिमइ ङ्योलाइ कैदिमैं धोंलेन् च्‍युथेंल।

गलाती 3:23 ပူးပေါင်းရင်းမြစ်များ

यूहन्‍ना 3:34

परमेश्‍वरजी कुल्मिंबै म्हिइ परमेश्‍वरए ताँ पोंम्, तलेबिस्याँ परमेश्‍वरजी खीए पबित्र प्ल्हइ प्लिमिंम्।

रोमी 11:32

तलेबिस्याँ खीए दयाम्हाँया ताँन् म्‍हिमैंइ योंरिगे बिसि परमेश्‍वरजी चमैं ताँनए सैं सारो लवासि बिब् आङिंब्मैं तल् पिंइ।

रोमी 3:19

ठिमर्बै ताँ ठिम म्हाँदिब्मैंए ल्हागिर्न बिब ङिइ सेइमुँ। छतमा ताँन् ह्‍युलर्बै म्‍हिमैं परमेश्‍वरए उँइँर निसाफर रामा खाबज्‍यै या तोइ पोंबै घ्‍याँ आरे।

गलाती 3:19

छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

गलाती 4:21

क्‍हेमैं ठिमए न्होंर टिदा ङ्हाँब्‍मैंइ ङने चु ताँ बिद्: ठिमइ तो बिइमुँ बिसि क्‍हेमैंइ आसेइमुँ वा?

गलाती 5:18

दिलेया पबित्र प्ल्हजी बिब् धोंले क्‍हेमैं प्रइ बिस्याँ क्‍हेमैं ठिमए न्होंर टिल् आत्‍हु।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।