गलाती 3:22 - परमेश्‍वरए ताँ तमु क्युइर

²² दिलेया “ताँन् म्‍हिमैं पापए न्होंर मुँ” बिसि छ्वेइ बिइमुँ। छतसि परमेश्‍वरजी बाछा फैसि पिंम् बिबै खोंयोंइ आनुबै छ्ह येशू ख्रीष्‍टए फिर बिश्‍वास लबइले मत्‍त्रेन् योंइमुँ।

गलाती 3:22 ပူးပေါင်းရင်းမြစ်များ

भजनमैं 143:2

ह्रोंसए केब्छैंए बिरोधर निसाफ आलमिंनु, तलेबिस्याँ क्हिए उँइँर सोगों म्हिमैं खाबै या ठिक ठर्दिल् आखाँ।

मर्कूस 16:16

ङए फिर बिश्‍वास लसि बप्‍तिस्‍मा किंब्मैंइ मुक्‍ति योंब्‍मुँ, दिलेया बिश्‍वास आलब्‍मैं परमेश्‍वरए उँइँर छ्याब् मुँबन् ठर्दिब्‍मुँ।

यूहन्‍ना 12:46

ङए फिर बि‍श्‍वास लब्मैं मिछु खैबर टिल् आत्हुरिगे बिसि ङ ह्‍युलर चारबै ह्‍वे तसि युइमुँ।

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

यूहन्‍ना 5:24

“क्ह्रोंसेंन ङ क्हेमैंने बिमुँ, खाबइ ङए ताँ थेसि ङ कुल्मिंबै आबाए फिर बिश्‍वास लमुँ, चइ खोंयोंइ आनुबै छ्ह योंम्। चए निसाफ आत, चइ सजैं योंल् आत्हु, बरु च म्हि सिबउँइँले धबै सोसि खोंयोंइ आखाँबै छ्ह योंइमुँ।

यूहन्‍ना 6:40

खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

चेला चिब्मैंए केमैं 16:31

झाइले चमैंइ बिइ, “प्रभु येशूए फिर बिश्‍वास लद्। छलस्याँ क्हि नेरो क्हिए परवाज्यै मुक्‍ति योंब्मुँ।”

रोमी 10:9

तलेबिस्याँ क्‍हिइ ह्रोंसए सुँइ “येशून् ङए प्रभु ग” बिसि अरूलाइ साक्षि पिंम् बिस्‍याँ, झाइले “परमेश्‍वरजी येशूलाइ सिबइले धबै सोगों लमिंइ” बिसि सैंर बिश्‍वास लम् बिस्‍याँ क्‍हिइ मुक्‍ति योंब्‍मुँ।

रोमी 11:32

तलेबिस्याँ खीए दयाम्हाँया ताँन् म्‍हिमैंइ योंरिगे बिसि परमेश्‍वरजी चमैं ताँनए सैं सारो लवासि बिब् आङिंब्मैं तल् पिंइ।

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

रोमी 3:23

तलेबिस्याँ ताँन् म्‍हिइ पाप लइमुँ, छतसि खी ङाँर फेनेल् आखाँइमुँ।

रोमी 5:12

ताँन् भन्दा ओंसोंबै म्‍हि आदमइ परमेश्‍वरजी बिब् आङिंबइले ह्‍युलर पाप तखइ, च पापइ लमा म्हिमैं सिल् त्‍हुइ। ताँन् म्‍हिमैंइ पाप लबइले म्‍हिमैं ताँन् सिल् त्हुइ।

गलाती 3:14

परमेश्‍वरजी अब्राहामने पिंबै आशिक येशू ख्रीष्‍टउँइँले अरू ह्रेंमैंज्यै या योंरिगे धै खीजी बाछा फैसि पिंम् बिबै पबित्र प्ल्ह ङ्योए बिश्‍वासउँइँले ङ्योइ योंरिगे बिसि ख्रीष्‍टजी सै फोसि ङ्योलाइ खामिंइ।

गलाती 3:17

ङइ बिल् म्हैबै ताँ चुन् ग: परमेश्‍वरजी अब्राहामने फैबै बाछा प्लिब्रासे सोंच्‍यु बर्ष लिउँइँ पिंबै ठिमइ प्लिंल् आखाँ, आस्याँ बाछा केर आफेब् तयामल।

गलाती 3:23

ङ्योइ ख्रीष्‍टउँइँले खबै सैं तोंबै ताँ आथेन् समा ङ्यो ठिमए न्होंर्न मुँल। ठिमइ ङ्योलाइ कैदिमैं धोंलेन् च्‍युथेंल।

गलाती 3:29

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।

२ तिमोथी 1:1

ङ पावलउँइँले तिमोथीलाइ जय मसीह मुँ। परमेश्‍वरए इच्छा अनुसार येशू ख्रीष्‍टजी ङ कुल्मिंबै चेला चिब तबर त्हाँइ। येशू ख्रीष्‍टउँइँले छ्ह योंम् बिसि परमेश्‍वरजी फैबै बाछाए ताँ बिप्रबै ल्हागिर खीजी ङलाइ कुलइमुँ।

हिब्रू 9:15

छतसि ख्रीष्‍टजी छारा बाछा लमिंबइले परमेश्‍वरजी त्‍हाँबै म्‍हिमैंइ खीजी फैबै बाछार्बै खोंयोंन् बिलै तरिबै आशिक योंल् खाँम्। तलेबिस्याँ ओंसोंबै बाछाए न्‍होंर टिमा चमैंइ पाप लइ, दिलेया चमैंए पापए ल्हागिर ख्रीष्‍ट सिमिंसि चमैंलाइ जोगेमिंइमुँ।

२ पत्रुस 1:4

छलेन ह्रोंसए सैंउँइँले खबै आछ्याँबै केमैं लब् पिरिगे, धै क्हेमैंइ छ्याँबै बानि ब्योरउँइँले परमेश्‍वरजी लब् धोंबै छ्याँबै केमैं लरिगे बिसि खीजी बाछा फैब् धोंले ङ्योलाइ सै ल्हें फेबै बरदानमैं पिंइमुँ।

२ पत्रुस 3:13

दिलेया ङ्यो बिस्याँ खीजी ङ्योने बाछा फैसि पिंम् बिबै छारा स्वर्ग नेरो छारा ह्‍युलन् ह्रेरिब्मुँ। चर खीजी ठिक ठर्दिमिंब्मैं टिल् योंब्मुँ।

१ यूहन्‍ना 2:25

धै ख्रीष्‍टजी ङ्योने बाछा फैसि पिंम् बिबै सै खोंयोंइ आखाँबै छ्ह ग!