गलाती 3:19 - परमेश्‍वरए ताँ तमु क्युइर

¹⁹ छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

गलाती 3:19 ပူးပေါင်းရင်းမြစ်များ

भजनमैं 106:23

छतसि खीजी चमैं नास लवाम् बिल, दिलेया खीए नास लबै ह्रिस म्हल् लबै ल्हागिर खीजी त्हाँबै मोशा खीए ओंसों राइ।

लूका 16:31

“दिलेया अब्राहामइ चने बिइ, ‘मोशा नेरो अगमबक्‍तामैंए ताँ आक्वेंस्याँ म्‍हि घ्रि सिबउँइँले सोगों तसि चमैं ङाँर ह्‍याना बिलेया चमैंइ क्‍वेंरिब् आरे।’”

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

यूहन्‍ना 15:22

ङ युसि चु ह्‍युलर्बै म्हिमैंने आबिमिंस्याँ चमैंने पापए दोष आतमल। दिलेया तारेम् चमैंए पापए ल्हागिरि चमैंने तोइ न्युँ आरे।

चेला चिब्मैंए केमैं 7:38

इस्राएलीमैं क्यु आयोंबै क्ल्ह्‍योर सिनै कोंर खागु तमा मोशा स्वर्गदूतने मुँल। च स्वर्गदूतइ ङ्योए खेमैंने सिनै कोंर पोंल। स्वर्गदूतउँइँले योंबै सोगों लमिंबै ताँमैं मोशाइ ङ्यो इस्राएलीमैंलाइ लोमिंल।

चेला चिब्मैंए केमैं 7:53

क्हेमैंइ स्वर्गदूतउँइँले परमेश्‍वरए ठिम योंल, दिलेया च ताँ क्हेमैंइ आम्हाँदि।”

रोमी 2:13

तलेबिस्याँ ठिमर प्ह्रिबै ताँमैं थेइरि मत्‍त्रे परमेश्‍वरए उँइँरि ठिक आठर्दि, चर प्ह्रिब् धोंले प्रब्मैं मत्‍त्रे परमेश्‍वरए उँइँर ठिक ठर्दिम्।

रोमी 4:15

तलेबिस्याँ ठिमर्बै ताँ आम्हाँदिब्मैं म्रोंसि परमेश्‍वर ह्रिस खम्, दिलेया ठिमन् आरेस्याँ पाप तो जा बिसेया आसेमल।

गलाती 3:16

छलेन अब्राहाम नेरो चए सन्‍तान न्होंर्बै म्हि घ्रिने परमेश्‍वरजी बाछा फैइमुँ। छ्वेर “ल्हें म्हिने बाछा फैइमुँ” आबि, बरु “क्‍हिए सन्‍तान न्होंर्बै म्हि घ्रि” बिसि म्‍हि घ्रिने मत्‍त्रे बाछा फैमुँ। च म्‍हि ख्रीष्‍ट ग।

हिब्रू 2:2

स्‍वर्गदूतमैंइ बिबै ताँ चारसि, आछ्याँबै के लब्मैंइ दण्ड योंइ बिस्याँ,

हिब्रू 2:5

ङ्योइ ताँ लबै तारे खबै ह्‍युल परमेश्‍वरजी स्‍वर्गदूतमैंए योर आपिं।