गलाती 3:16 - परमेश्‍वरए ताँ तमु क्युइर

¹⁶ छलेन अब्राहाम नेरो चए सन्‍तान न्होंर्बै म्हि घ्रिने परमेश्‍वरजी बाछा फैइमुँ। छ्वेर “ल्हें म्हिने बाछा फैइमुँ” आबि, बरु “क्‍हिए सन्‍तान न्होंर्बै म्हि घ्रि” बिसि म्‍हि घ्रिने मत्‍त्रे बाछा फैमुँ। च म्‍हि ख्रीष्‍ट ग।

गलाती 3:16 ပူးပေါင်းရင်းမြစ်များ

उत्पत्ति 12:3

क्हिए फिर आशिक पिंब्मैंलाइ ङइ आशिक पिंब्मुँ, क्हिए फिर सराप पिंब्मैंलाइ ङइ सराप पिंब्मुँ। क्हिउँइँलेन् पृथ्‍बीर्बै ताँन् म्हिमैंइ आशिक योंब्मुँ।”

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 15:5

खीजी चलाइ बैरु बोसि बिइ, “मुउँइँ ङ्योद्! मुर्बै मुसारमैं च्योल् खाँम् उ आखाँ? क्हिए प्हसेमैं या मुसारा धोंलेन् ल्हें तब्मुँ।”

उत्पत्ति 21:12

दिलेया परमेश्‍वरजी अब्राहामने बिइ, “च कोलो नेरो क्हिए केब्स्यो हागारए ल्हागिरि क्हिइ न्हुँ आलद्। ङइ क्हिने बाछा फैब् धोंले क्हिए सन्तान इसहाकउँइँलेन् तब्मुँ। छतसि साराई क्हिने खै बिमुँ छान् लद्।

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

लूका 1:55

ङ्योए खे अब्राहाम नेरो खीए कुलर्बै सन्तानमैंने खीजी खोंयोंन् बिलै ल्हयो खरिम्।”

चेला चिब्मैंए केमैं 3:25

अगमबक्‍तामैं नेरो परमेश्‍वरजी क्हेमैंए खेमैंने फैबै बाछा क्हेमैंए ल्हागिर्न ग। खीजी अब्राहामने बिइ, ‘क्हिए सन्तानउँइँलेन् ह्‍युलर्बै ताँन् ह्रेंमैंइ आशिक योंब्मुँ।’

रोमी 12:5

छलेन ङ्यो ल्‍हेंन् मुँनबिलेया येशूए फिर बिश्‍वास लसेरो खीने घ्रिन् तसि ज्यु घ्रिन् ग। झाइले ङ्यो ताँन् ज्यु घ्रिर्बै स्‍यो स्‍योबै भाग तसि घ्रि घ्रिने गैंदिइमुँ।

रोमी 4:13

अब्राहाम नेरो चए सन्तान ह्‍युलर्बै हकवालामैं तम् बिसि परमेश्‍वरजी फैबै बाछा अब्राहामइ ठिमर बिब् धोंले लसि बाछा फैब् आङिं, परमेश्‍वरए फिर बिश्‍वास लसि ठिक ठर्दिबइले परमेश्‍वरजी च नेरो चए सन्‍तानने चु बाछा फैइ।

रोमी 4:16

परमेश्‍वरजी पिंम् बिसि फैबै बाछा अब्राहामए सन्‍तानमैंइ योंरिगे बिसि म्‍हिमैंइ बिश्‍वास लबइले परमेश्‍वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्‍तानए ल्हागिर मत्‍त्रे आङिं, अब्राहामइ धोंले बिश्‍वास लब्‍मैंए ल्हागिरै ग। तलेबिस्याँ ङ्यो ताँनए खे अब्राहाम ग।

रोमी 9:4

परमेश्‍वरजी चमैंलाइ ह्रोंसए म्‍हिमैं तबै ल्हागिर त्‍हाँइ। खीजी चमैंलाइ ह्रोंसए प्‍हसेमैं लसि खीए औदिबै केमैं उँइँमिंइ। खीजी चमैंए खेमैंने बाछा फैसि ठिम पिंइ, धै खीए सेवा लबै या लोमिंइ, छले खीजी फैबै बाछामैं चमैंइ योंइ।

१ कोरिन्थी 12:12

ज्यु घ्रि मुँ, दिलेया चर ल्हें भागमैं तम्, ज्युर ल्हें भाग मुँलेया ज्यु घ्रिन् तम्, च धोंले येशू ख्रीष्‍ट या छाबन् ग।

१ कोरिन्थी 12:27

क्‍हेमैं ताँन् ख्रीष्‍टए ज्यु ग। झाइले ताँन् म्‍हिमैं च ज्युर्बै भागमैं ग।

२ कोरिन्थी 11:22

चमैं हिब्रू क्‍युइ पोंल् खाँम्‍मा? ङै या पोंल् खाँम्। चमैं इस्राएलीमैं वा? ङै या इस्राएली ग। चमैंए खे अब्राहाम वा? ङए खे या अब्राहाम ग।

गलाती 3:19

छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

गलाती 3:8

परमेश्‍वरजी अरू ह्रेंमैंलासेया खीए फिर्बै बिश्‍वासर्न ठिक ठर्दिमिंब्‍मुँ बिबै ताँ ओंसोंन् छ्वेर प्ह्रिथेंल। छतसि परमेश्‍वरजी अब्राहामलाइ “क्‍हिउँइँलेन् ताँन् ह्रेंमैंइ आशिक योंब्‍मुँ” बिसि सैं तोंबै ताँ बिल।

एफिसी 5:32

चुर बेल्‍ले थेबै क्‍ह्रोंसेंन्‍बै ताँ ग। धै चु ताँ ख्रीष्‍ट नेरो बिश्‍वासीमैंए न्होंर्बै ताँ ग बिसि ङइ बिम।

कलस्सी 2:19

छाबै म्‍हिमैं ख्रीष्‍टए लिलि आप्र। ख्रीष्‍ट क्र ग, झाइले बिश्‍वासीमैं ताँन् खीए ज्यु ग, धै ख्रीष्‍टउँइँलेन् ताँन् ज्युइ भों योंम्। छले मत्‍त्रे अँख्ला बाख्लमैं त्हुँसि ज्यु तम्। छतसि परमेश्‍वरए सैंर मैंब् धोंलेन् ज्यु बडिदै ह्‍याम्।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।