गलाती 2:6 - परमेश्‍वरए ताँ तमु क्युइर

⁶ च मिं कालदिब्मैं कति ह्रब् सेब् मुँलेया ङलाइ तोइ फरक आपर्दि, तलेबिस्याँ परमेश्‍वरजी म्हि ङ्ह्‍योसि आफेल! दिलेया ङइ बिबै ताँए फिर चमैंइ तोइ ताँ आथप्दिल।

गलाती 2:6 ပူးပေါင်းရင်းမြစ်များ

मत्ती 22:16

छतसि फरिसीमैंइ ह्रोंसए चेलामैं हेरोद म्रुँए टोलिर्बै म्हिमैंने येशू ङाँर कुलइ। चमैं ह्‍यासि खीने बिइ, “ओ गुरु, क्‍हिजी क्‍ह्रोंसेंन्‍बै ताँ पोंमुँ, धै म्‍हिमैंलाइ परमेश्‍वरए क्ह्रोंसेंन्बै घ्‍याँर छेनाले प्रबर लोमिंम् बिब ङिइ सेइमुँ। क्‍हि खाब् म्रोंसेया आङ्हिं, तलेबिस्याँ क्हिजी म्‍हि ङ्‍ह्‍योसि के आल।

मर्कूस 12:14

चमैं येशू ङाँर खसि बिइ, “ओ गुरु, क्‍हि क्‍ह्रोंसेंन्बै ताँ पोंम् बिब ङिइ सेइमुँ। क्‍हि खाब् म्रोंसेया आङ्हिं तलेबिस्याँ क्‍हिजी प्लोब, ङ्हाँब, खाबलाज्यै या आफेलल्‍ले परमेश्‍वरए घ्‍याँर प्रबर छेनाले लोमिंम्। छतसि ङिइ रोमी कैसर म्रुँलाइ बालि फोब तम् उ आत?” ङिने बिमिंन्।

लूका 20:21

चमैंइ येशूने बिइ, “ओ गुरु, क्‍हिइ छ्याँबै ताँ पोंमुँ धै खाबलाज्यै या आफेलल्‍ले परमेश्‍वरए क्‍ह्रोंसेंन्‍बै ताँ छेनाले लोमिंम् बिसि ङिइ सेइमुँ।

चेला चिब्मैंए केमैं 10:34

झाइले पत्रुस पोंबर होंइ, “क्ह्रोंसेंन परमेश्‍वरजी खाबलाज्यै आफेल बिसि ङइ तोगो क्होइमुँ।

चेला चिब्मैंए केमैं 5:36

तलेबिस्याँ चु त्हे भन्दा ओंसों थुदासइ ङम् ङन् ग बिसि थेब् प्हैंल, धै चए लिलि योदा-अयोदा प्लिब्रादे म्हिमैं प्रल। छान् तलेया च सैवाइ, धै चए लिलि प्रब्मैं या ताँन् प्हुँयाँइ। छतमा चइ लबै के फाक्‍कर्न तयाइ।

रोमी 2:11

तलेबिस्याँ परमेश्‍वरजी खाबलाज्यै आफेल।

२ कोरिन्थी 11:5

दिलेया “ङि कुल्मिंबै चेला चिब्मैं ग” बिसि थेब् प्हैंसि पोंब्मैं भन्दा ङ तोइ सैरै या च्योंरि आरे।

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।

२ कोरिन्थी 5:16

छतसि तारे ङिइ म्हिमैंलाइ ङ्ह्‍योमा चमैंने मुँबै बैरुबै सैमैंउँइँले आङ्ह्‍यो। ख्रीष्‍टलाज्यै ओंसों ङिइ छलेन् ङ्ह्‍योमल, तारे ङिइ खीलाइ छले आङ्ह्‍यो।

गलाती 2:2

परमेश्‍वरजी ङने चर ह्‍याद् बिबइले ङ ह्‍याइ। ङइ लरिबै के खेरो आह्‍यारिगे बिसि खाबज्यै आसेल्‍ले चर्बै चिब्मैंने मत्‍त्रे ङइ अरू ह्रेंमैंलाज्यै बिमिंबै सैं तोंबै ताँमैंए बारेर बिइ।

गलाती 6:3

तलेबिस्याँ तोइ आह्रबै म्हिइ “ङ थेबै म्हि ग” बिसि ह्रब् प्हैंस्याँ चइ ह्रोंसलाइन धोका पिंम्।

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

हिब्रू 13:7

ओंसों क्‍हेमैंने परमेश्‍वरए ताँ बिमिंबै अगुवामैं मैंन्। चमैंइ खैले छ्ह थोइ, चमैंए छ्हर तो-तो तइ धै चमैं खैले सिइ बिसि सैंर मैंन्, धै चमैंइ लब् धोंबै बिश्‍वास क्‍हेमैंज्यै या लद्।

१ पत्रुस 1:17

म्हिमैंइ लबै के ङ्‍ह्‍योसि खाबै आफेलनाले निसाफ लबै परमेश्‍वरलाइ आबा बिसि प्राथना लम् बिस्याँ, चु ह्‍युलर टिबै छ्ह तिगोंन् परमेश्‍वरने ङ्हिंसि टिद्।