गलाती 2:20 - परमेश्वरए ताँ तमु क्युइर20 ङ ख्रीष्टने बालुन् क्रूसर च्योसि सिइमुँ। छतसि तारे पिरु सोब ङ आङिं, दिलेया ख्रीष्ट ङए सैं न्होंर तसि सोइमुँ। तोगो चु ज्युर ङ सोरिबै छ्ह परमेश्वरए च्ह येशू ख्रीष्टए फिर बिश्वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्पिदिइ। အခန်းကိုကြည့်ပါ။ |
गलाती 2:20
65 ပူးပေါင်းရင်းမြစ်များ
तलेबिस्याँ चु सैं तोंबै ताँउँइँलेन् परमेश्वरजी म्हिमैंलाइ ह्रोंसए उँइँरि खैले ठिक ठर्दिम् बिसि उँइँम्। झाइले ओंसोंउँइँले लिउँइँ समा बिश्वासइ मत्त्रे म्हिमैं परमेश्वरए उँइँर ठिक ठर्दिल् खाँम्। छलेन “बिश्वास लसिन् परमेश्वरए उँइँर ठिक ठर्दिबै म्हिइ खोंयोंइ आखाँबै छ्ह योंम्।” बिसि परमेश्वरए छ्वेर प्ह्रिइमुँ।
दिलेया ‘यहूदीमैंए ठिम म्हाँदिसि म्हि ठिक आठर्दि, येशू ख्रीष्टए फिर बिश्वास लसि मत्त्रे म्हिमैं परमेश्वरए उँइँर ठिक ठर्दिम्,’ बिसि ङ्योइ था सेइमुँ। ठिमइ लद् बिबै के लबर्न परमेश्वरए उँइँर खाबै या ठिक ठर्दिल् आखाँ। छतसि ख्रीष्टए फिर बिश्वास लसि मत्त्रे ङ्यो परमेश्वरए उँइँर ठिक ठर्दिरिगे बिसि ङ्योज्यै या ख्रीष्ट येशूए फिर बिश्वास लइ।
क्ह्रोंसेंन्बै परमेश्वरलाइ ङ्योइ ङो सेरिगे बिसि खीए च्ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्वरए च्ह येशू ख्रीष्टने घ्रिन् तसि क्ह्रोंसेंन्बै परमेश्वरने घ्रिन् तम् बिसे या सेइमुँ। क्ह्रोंसेंन्बै परमेश्वर खीन् ग धै खीउँइँले खोंयोंइ आखाँबै छ्ह योंम्।
ကြော်ငြာတွေ