गलाती 2:17 - परमेश्‍वरए ताँ तमु क्युइर

¹⁷ “ङ्यो यहूदीमैं येशू ख्रीष्‍टए फिर बिश्‍वास लसि परमेश्‍वरए उँइँर ठिक ठर्दिल् म्हैमा अझै ङ्योज्यै या ठिम म्हाँदिब् पिसि आछ्याँबै के लरिब् स्यास्याँ, ख्रीष्‍टजी म्हिमैंलाइ ‘तम् तम्, आछ्याँबै के ललेन् तम्’ बिम् रो वा? आबि! तिफुँइ आबि!

गलाती 2:17 ပူးပေါင်းရင်းမြစ်များ

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

लूका 20:16

च खसि च आधे लब्‍मैं सैवाब्मुँ, धै म्रों अरू म्हिमैंलाइन पिंवाब्मुँ।” चु ताँ थेसि म्हिमैंइ बिइ, “छाबम् खोंयोंइ आतरिगे!”

रोमी 11:7

छ बिस्‍याँ चु ताँए अर्थ तो तइ दि? खेंमैंइ म्‍हैबै मुक्‍ति ताँन् यहूदीमैंइ आयों। दिलेया परमेश्‍वरजी त्‍हाँबै यहूदीमैंइ मत्‍त्रे मुक्‍ति योंइ। अरू चैबै यहूदीमैंए सैं सारो तइ।

रोमी 15:8

तलेबिस्याँ ङ क्हेमैंने बिमुँ, यहूदीमैंए खेमैंने परमेश्‍वरजी फैबै बाछा पूरा लबै ल्हागिर परमेश्‍वर क्ह्रोंसेंन्ले भर लल् खाँब मुँ बिसि उँइँबर येशू ख्रीष्‍टजी यहूदीमैंलाइ ल्होमिंइ।

रोमी 3:4

ताँन् म्‍हिमैं स्‍योर्गु मुँलेया परमेश्‍वर क्ह्रोंसेंन्बै मुँ, खीजी स्योर आते। “क्‍हिजी क्ह्रोंसेंन्बै ताँ पोंमुँ, निसाफ तबै त्हेर क्‍हि ट्होगों तब्‍मुँ,” बिसि परमेश्‍वरए छ्वेर प्ह्रिइमुँ।

रोमी 3:6

छाबै ताँ कत्ति मैंल् आत! खी ठिक निसाफ लबै परमेश्‍वर ग! आस्याँ खीजी खैले ह्‍युलर्बै म्हिमैंए निसाफ छेनाले लल् खाँम्?

गलाती 2:11

दिलेया पत्रुस एन्‍टिओखियार खमा ङइ ताँनए उँइँर चए दोषमैं उँइँमिंइ, तलेबिस्याँ चइ गल्‍ति लल।

गलाती 2:15

ङइ पत्रुसने अझै बिइ, “ङ्योम् फिब् ओंनोंबै यहूदी ग, अरू ह्रेंमैं धोंबै पापिमैं ङ्यो आङिं।

गलाती 3:21

छ बिस्‍याँ ठिम परमेश्‍वरजी फैबै बाछाए बिरोधर तइ वा? आत, छाबै ताँ कत्ति तल् आखाँ! म्हिमैंइ खोंयोंइ आखाँबै छ्ह योंरिगे बिसि ठिम पिंब् ग बिस्याँ, ठिमइ लद् बिबै केमैं लसिन् म्हिमैं परमेश्‍वरए उँइँर ठिक ठर्दिमल।

गलाती 6:14

दिलेया ङ्योए प्रभु येशू ख्रीष्‍टए क्रूसए बारेर बाहेक तोइ सैरै या प्हैंबै ताँ ङ ङाँइँले ह्रेंगोन् तरिगे। खी ङ्योए ल्हागिर क्रूसर सिमिंबइले ह्‍युलर्बै सैमैं ङए ल्हागिर तोइ आङिं, ह्‍युलए ल्हागिर ङ क्रूसर च्योवासि सिब् धोंन् तइ।

हिब्रू 8:2

धै खेगि क्रथे तसि येशूजी स्‍वर्गर्बै क्ह्रोंसेंन्बै ताँन् भन्दा पबित्र क्ल्ह्‍योरि सेवा लम्। च पबित्र क्ल्ह्‍यो म्‍हिइ बनेब आङिं, दिलेया प्रभु परमेश्‍वरजी बनेब ग।

१ यूहन्‍ना 3:5

म्‍हिमैंए पाप त्होवाबर ख्रीष्‍ट युब् ग, खीने तिफुँइ पाप आरे बिब क्‍हेमैंइ सेइमुँ।