गलाती 2:14 - परमेश्‍वरए ताँ तमु क्युइर

¹⁴ सैं तोंबै ताँइ बिब् धोंले चमैं आप्रब् म्रोंसि ताँन् म्हिमैंए उँइँर ङइ पत्रुसने बिइ, “क्‍हि यहूदी तसेया यहूदीमैंए छ्यार आप्रल्‍ले अरू ह्रेंमैं धोंले प्रइमुँ। छतसि अरू ह्रेंर्बै म्‍हिमैंने यहूदीमैंए छ्यार प्रल् त्‍हुम् बिसि क्हिइ खैले कर ल्‍हैदिम्?”

गलाती 2:14 ပူးပေါင်းရင်းမြစ်များ

भजनमैं 141:5

ठिक के लबै म्हिइ ङलाइ धोंरिगे, छ लमा ङए ल्हागिर म्हाँया लब् धोंन् तब्मुँ, चइ ङ हौदिरिगे, छले हौदिमा ङए क्रए ल्हागिर छ्युगु तब्मुँ। ङए क्रइ च छ्युगु स्योवारिब् आरे। दिलेया आछ्याँबै के लब्मैंए बिरोधर ङइ खोंयोंइ बिलै प्राथना लब्मुँ।

भजनमैं 15:2

क्हिजी प्रद् बिबै घ्याँर प्रब, धै ठिक केमैं लब, खों न्होउँइँलेन् क्ह्रोंसेंन्बै ताँ पोंब,

भजनमैं 58:1

ओ क्रथे मिंथेमैं, क्ह्रोंसेंन्लेन् क्हेमैंइ स्योर आतेल्‍ले ठिक ताँमैं मत्‍त्रे पोंम्‍मा? क्हेमैंइ म्हिमैंए फिर ठिक निसाफ लम्‍मा?

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 10:9

भर लल् खाँबै म्हि खनिर ह्‍यालै ढुक्‍कले प्रम्, दिलेया छलु म्हिलु लबै म्हिलाइ बिस्याँ म्हिमैंइ स्याब्मुँ।

हितोपदेश 2:7

सोजो म्हिमैंलाइ खीजी ट्होगो लमिंम्; धै स्योर आतेल्‍ले प्रब्मैंलाइ रक्षा लम्।

चेला चिब्मैंए केमैं 10:28

छतमा पत्रुसइ चमैंने बिइ, “यहूदीए ल्हागिर अरू ह्रेंमैंने त्होसि प्रब-टिब् लब बेल्‍ले आछ्याँबै ताँ ग बिसि क्हेमैंइ सेइमुँ। दिलेया ‘म्हिमैं खाबै या चोखो आरे आङ्हाँन्,’ बिसि परमेश्‍वरजी ङने उँइँमिंइँमुँ।

चेला चिब्मैंए केमैं 15:1

छले एन्टिओखियार टिरिमा यहूदीया ह्‍युलउँइँले को-कोइ म्हिमैं चर युसि येशूए फिर बिश्‍वासीमैंने, “मोशाए ठिमर प्ह्रिब् धोंले क्हमैंलाइ ज्युर चिनु आललै बिस्याँ क्हेमैंइ खोंयोंन् बिलै आखाँबै छ्ह योंल् आखाँ,” बिसि लोमिंबर होंइ।

चेला चिब्मैंए केमैं 15:24

ङिए न्होंर्बै को-कोइ म्हिमैं चर ह्‍यासि स्योलिबै ताँमैं क्हेमैंलाइ लोमिंसि क्हेमैंए सैं ङ्हिरि लवासि दुःख पिंइ बिब ङिइ थेइमुँ। च म्हिमैं ङिंइ कुलब आङिं।

चेला चिब्मैंए केमैं 15:5

दिलेया फरिसीमैं न्होंर्बै प्रभुए फिर बिश्‍वास लबै को-कोइ म्हिमैं रासि बिइ, “ज्युर चिनु लसि चमैंइ मोशाए ठिमर प्ह्रिबै ताँ लद् बिसि अरू ह्रेंमैंलाज्यै या ल्‍हैदिल् त्‍हुम्।”

रोमी 14:14

प्रभु येशूए फिर बिश्‍वास लबइले ङइ चु ताँ पक्‍का सेइमुँ, चबै सै तो मुँले चल् आतब आरे। दिलेया खाबज्‍यै तो मुँले चबै सै अशुद्धन् मैंइ बिस्याँ च सै चए ल्हागिर अशुद्धन् तयाम्।

गलाती 1:18

सोंदि लिउँइँ ङ पत्रुसने त्होबर यरूशलेम सहरउँइँ ह्‍याइ। धै चने बालु च्युसे ङ्‍हगें समा टिइ।

गलाती 1:6

ङ क्‍हेमैं म्रोंसि ङ अचम्‍म म्‍हाँदिइमुँ। येशू ख्रीष्‍टए दयाम्हाँयाउँइँले क्‍हेमैंलाइ त्‍हाँबै परमेश्‍वरलाइ च्हौ युनन् पिसि क्‍हेमैं अर्कोन् “सैं तोंबै ताँए” लिलि प्ररिइमुँ।

गलाती 2:3

ङने बालु मुँबै तीतस ग्रिक मुँलेया ट्हुबि क्ह्‍याल् त्हुम् बिसि खाबज्यै कर आल्हैदि।

गलाती 2:5

सैं तोंबै ताँउँइँले योंबै आशिक क्‍हेमैंए लागिर जोगेल् खाँरिगे बिसि चमैंए उँइँर ङि तिफुँइँ आकुर।

गलाती 2:7

बरु सैं तोंबै ताँ बिप्रबर यहूदीमैंए ल्हागिर परमेश्‍वरजी पत्रुसलाइ त्हाँब् धोंले अरू ह्रेंमैंए ल्हागिर खीजी ङलाइ त्हाँइमुँ बिसि चमैंइ क्होइ।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

गलाती 6:12

क्हेमैंलाइ ज्युर चिनु लल् त्‍हुम् बिसि कर ल्‍हैदिब्मैं बैरुबै सै म्रोंसि प्हैंदा ङ्हाँब्मैं ग। “परमेश्‍वरउँइँले खटिदिबै ख्रीष्‍ट म्रुँ क्रूसर च्योसि सिइ,” बिबै ताँ बिप्रमा यहूदीमैंउँइँले खेंमैंलाइ तोइ दुःख आतरिगे बिब् मैंसि चमैंइ “ज्युर चिनु लल् त्‍हुम्” बिब् ग।

कलस्सी 1:5

क्हेमैंइ योंल् त्हुबै सैमैं परमेश्‍वरजी क्हेमैंए ल्हागिर स्वर्गर जोगेथेंइमुँ बिबै आशा लसि क्हेमैंइ छाबै बिश्‍वास नेरो म्हाँया लब् ग। चु आशाए ताँ ओंसोंन् ख्रीष्‍टउँइँले खबै सैं तोंबै ताँउँइँले सेल।

१ तिमोथी 5:20

खोंयोंइ बिलै पाप के लरिब्‍मैंलाइ ताँन् म्‍हिमैंए उँइँर हौदिद्। छ लस्‍याँ अरूमैं या ङ्हिंब्मुँ।

हिब्रू 12:13

डुड् प्हले आथुररिगे, बरु सयारिगे बिसि क्हेमैं प्रबै घ्‍याँ सोद् लद्।

हिब्रू 9:10

तलेबिस्याँ चु सैमैं ताँन् चब्, थुँबै ल्हागिर नेरो ज्यु ख्रुसि चोखो लबै रोसमैं मत्त्रे ग। परमेश्‍वरउँइँले अर्को छारा ठिम आयुन् समा चु रोसमैंइ ज्युए ल्हागिर मत्‍त्रे के लम्।