गलाती 2:12 - परमेश्‍वरए ताँ तमु क्युइर

¹² याकूबइ कुल्मिंबै म्हिमैं एन्‍टिओखियार युब् भन्दा ओंसों चइ अरू ह्रेंमैंने बालु चब् थुँब् लमल। दिलेया च “अरू ह्रेंमैंए बिश्‍वासीमैंलाज्यै या ज्युर चिनु लल् त्‍हुम्” बिबै म्हिमैं चर फेनेबै त्हेर अरू ह्रेंमैंने बालु चब आचल्‍ले स्‍योले टिल। तलेबिस्याँ [ज्युर चिनु लल् त्हुम् बिबै यहूदीमैंइ चिनु आलब्‍मैंने चब्-टिब् लल् आत बिमल।]

गलाती 2:12 ပူးပေါင်းရင်းမြစ်များ

हितोपदेश 29:25

म्हि म्रोंसि ङ्हिंब्मैं ङोर फेम्, दिलेया याहवेहए फिर भर लब्मैं तोइ सैने ङ्हिंल् आत्हु।

लूका 15:2

छाब् म्रोंसि फरिसीमैं नेरो शास्‍त्रिमैंइ “चु म्‍हिइमि आछ्याँबै के लब्मैं या खोमन। झाइले चमैंने बालुन् चब् थुँब् लमन बिसि,” गनगन लबर होंइ।

लूका 5:38

छतसि भर्खर त्होंबै अँगुरए खु ट्हुबिए भोंबै नेंदोंर झोंल् त्‍हुम्।

चेला चिब्मैंए केमैं 10:28

छतमा पत्रुसइ चमैंने बिइ, “यहूदीए ल्हागिर अरू ह्रेंमैंने त्होसि प्रब-टिब् लब बेल्‍ले आछ्याँबै ताँ ग बिसि क्हेमैंइ सेइमुँ। दिलेया ‘म्हिमैं खाबै या चोखो आरे आङ्हाँन्,’ बिसि परमेश्‍वरजी ङने उँइँमिंइँमुँ।

चेला चिब्मैंए केमैं 12:17

पत्रुसइ तोइ आबिद् बिसि योइ हस्त लइ, झाइले प्रभुजी च झेलउँइँले खैले बैरु तेमिंइ बिबै ताँ चमैंने बिइ। धै “चु ताँ याकूब नेरो अरू आघें-अलिमैंने या बिद् ओ,” बिसि च छाइले अर्को क्ल्ह्‍योर छ्युडिह्‍याइ।

गलाती 2:14

सैं तोंबै ताँइ बिब् धोंले चमैं आप्रब् म्रोंसि ताँन् म्हिमैंए उँइँर ङइ पत्रुसने बिइ, “क्‍हि यहूदी तसेया यहूदीमैंए छ्यार आप्रल्‍ले अरू ह्रेंमैं धोंले प्रइमुँ। छतसि अरू ह्रेंर्बै म्‍हिमैंने यहूदीमैंए छ्यार प्रल् त्‍हुम् बिसि क्हिइ खैले कर ल्‍हैदिम्?”

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

एफिसी 2:15

खीजी यहूदी नेरो अरू ह्रेंर्बै म्हिमैंलाइ क्ह्रिमिंसि छारा ह्रें घ्रि लबर खीए ज्युर यहूदीमैंए ठिम नेरो ठिमइ लद् बिबै ताँन् छ्यामैं म्हाँदिल् आत्हुब लमिंइ।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।

१ थेसलोनिकी 5:22

ताँन् आछ्याँबै केमैंउँइँले स्यो तद्।