गलाती 1:8 - परमेश्‍वरए ताँ तमु क्युइर

⁸ दिलेया ङिइ बिप्रबै येशू ख्रीष्‍टउँइँले खबै सैं तोंबै ताँ भन्दा स्‍योबै ताँ ङिइ लोमिंलेया, स्‍वर्गउँइँले युबै स्‍वर्गदूतइ लोमिंलेया च म्हिइ परमेश्‍वरउँइँले सराप योंरिगे।

गलाती 1:8 ပူးပေါင်းရင်းမြစ်များ

उत्पत्ति 9:25

झाइले चइ बिइ, “कनानइ सराप योंरिगे। च ह्रोंसए आघेंमैंए केब्छैंमैंए केब्छैं तब्मुँ।”

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मर्कूस 14:71

चमैंइ छबिमा पत्रुसइ कसम चसि बिबर होंइ, “ङइ स्‍योर तेस्‍याँ परमेश्‍वरजी ङलाइ सराप पिंरिगे! क्हेमैंइ बिबै म्‍हि ङइ ङो आसे।”

चेला चिब्मैंए केमैं 23:14

च लिउँइँ चमैं ख्रो पिंबै खेगि चिब्मैं नेरो चिबनाँब्मैं ङाँर ह्‍‍यासि बिइ, “पावल आसैन् समा ङि तोइ आच बिसि कसम चइमुँ।

रोमी 16:17

ओ अलि-अङाँमैं, ङ क्‍हेमैंने यो छ्युँ लमुँ, भाँडिदिब्‍मैं नेरो क्हेमैंलाइ लोमिंबै परमेश्‍वरए ताँए बिरोधर पोंसि आक्ह्रिल् लब्‍मैंउँइँले न्ह क्रों मि क्रोंले स्‍योले टिद्।

रोमी 9:3

ङए ह्रेंर्बै अलि अङाँमैंइ खोंयोंइ आखाँबै छ्ह योंबै ल्हागिर परमेश्‍वरजी ङलाइ सराप पिंसि ङन् ख्रीष्‍टउँइँले फ्रेवाल् त्‍हुलेया ङ सैं तोंमल।

१ कोरिन्थी 12:3

छतसि क्‍हेमैंइ चु ताँ क्होरिगे बिब ङए सैं मुँ, परमेश्‍वरए प्ल्हउँइँले पोंबै म्हिइ येशूलाइ स्यारल् आखाँ, झाइले अर्को ताँ पबित्र प्ल्हउँइँले मत्‍त्रे “येशून् प्रभु ग” बिल् खाँम्।

१ कोरिन्थी 16:22

प्रभुलाइ म्हाँया आलबै म्हिइ सराप योंरिगे। ओ प्रभु यु।

गलाती 1:9

ङिइ ओंसोंन् बिब् धोंले तोगो या धबै बिमुँ, क्‍हेमैंइ बिश्‍वास लबै सैं तोंबै ताँ भन्दा स्‍योबै ताँ खाबज्यै क्हेमैंने बिम् बिस्याँ च म्‍हिइ परमेश्‍वरउँइँले सराप योंरिगे।

गलाती 3:10

दिलेया ठिमइ बिब् धोंले के लसि परमेश्‍वरए उँइँर ठिक ठर्दिबै आशा लब्मैंइ सराप योंम्, तलेबिस्याँ “ठिमर प्‍ह्रिबै ताँन् ताँमैं छेनाले आम्हाँदिब्मैंइ सराप योंम्।” बिसि परमेश्‍वरए छ्वेर प्‍ह्रिइमुँ।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।

तीतस 3:10

म्‍हिमैंए न्होंरि आक्ह्रिसि फ्रेवाबै म्हिलाइ तिखे ङ्हिखे समा “छाबै के आलद्” बिद्, च्‍हौ बिसेया आङिं बिस्‍याँ चने तोइ केरै या बालु आप्रद्।

२ पत्रुस 2:14

चमैंए सैं खोंयोंन् बिलै म्रिंस्योमैं ङाँइन तमुँ। आछ्याँबै केमैं लसि चमैं खोंयोंइ आम्रें, सैं फैल् आखाँब्मैंलाइ चमैंइ फस्ला फुस्लु लवाम्, छाबै केमैं लबर चमैं तालिम् योंबै म्हिमैं धोंन् तब् मुँ, छतसि चमैं सराप योंल् त्हुबै म्हिमैं ग।