गलाती 1:12 - परमेश्‍वरए ताँ तमु क्युइर

¹² ङइ चु सैं तोंबै ताँ म्‍हिउँइँले योंब आङिं, खाबज्यै या ङलाइ चु ताँ लोमिंब आङिं, येशू ख्रीष्‍टन् ङलाइ खीए शक्ति उँइँमिंइ। धै चु सैं तोंबै ताँ खि ङाँइँले योंब् ग।

गलाती 1:12 ပူးပေါင်းရင်းမြစ်များ

१ कोरिन्थी 11:23

तलेबिस्याँ प्रभुजी ङने लोमिंबै ताँमैंन् क्हेमैंलाज्यै या ङइ लोमिंइमुँ। खीलाइ क्हाबै म्‍हुँइँसर खीजी क्‍हें छेइ,

१ कोरिन्थी 2:10

चुन् क्होल् आखाँबै ताँमैं परमेश्‍वरजी खीए पबित्र प्ल्हउँइँले ङ्योलाइ क्होल् लमिंइ। तलेबिस्याँ पबित्र प्ल्हजी परमेश्‍वरए ताँन् सै म्हैमुँ, तिफुँइ क्होल् आखाँबै परमेश्‍वरए गैरु-गैरु ताँमैं या खीजी म्हैमुँ।

२ कोरिन्थी 10:7

क्‍हेमैंइ ह्रोंसए मिइ म्रोंबै सैमैं मत्‍त्रे ङ्ह्‍योम्। क्हेमैंए न्होंरि खाबज्यै या “ङ येशू ख्रीष्‍टए म्‍हि ग!” बिम् बिस्याँ च धोंलेन् ङि या ख्रीष्‍टए म्हिन् ग बिसि चइ क्होल् त्हुम्।

२ कोरिन्थी 12:1

खाबलाइ तोइ फायदा आतलेया ङइ ङ्‍हो लोंबै के लल् त्‍हुम्। तोगो ङइ प्रभुउँइँले योंबै दर्शनमैं नेरो क्होसे क्होल् आखाँबै ताँमैंए बारेर बिरिइमुँ।

गलाती 1:1

कुल्मिंबै चेला चिब ङ पावलउँइँले जय मसीह मुँ। कुल्मिंबै चेला चिब (तसि परमेश्‍वरए के लबर) ङलाइ म्‍हिमैंइ त्हाँसि कुलब् आङिं, म्‍हिमैंइ खटिदिब आङिं। येशू ख्रीष्‍टलाइ सिबउँइँले सोगों लमिंबै परमेश्‍वर आबा नेरो येशू ख्रीष्‍टजीन् ङलाइ त्‍हाँसि कलब् ग।

गलाती 1:16

झाइले ङइ अरू ह्रेंमैं ङाँर सैं तोंबै ताँ बिप्ररिगे बिसि परमेश्‍वरजी ङलाइ खीए च्‍हए दर्शन पिंइ। खीजी छाबै दर्शन पिंबइले ङइ “सैं तोंबै ताँ खैब जा?” बिसि खाब्ने या सल्‍ला किंल् आत्हु।

गलाती 2:2

परमेश्‍वरजी ङने चर ह्‍याद् बिबइले ङ ह्‍याइ। ङइ लरिबै के खेरो आह्‍यारिगे बिसि खाबज्यै आसेल्‍ले चर्बै चिब्मैंने मत्‍त्रे ङइ अरू ह्रेंमैंलाज्यै बिमिंबै सैं तोंबै ताँमैंए बारेर बिइ।

एफिसी 3:3

परमेश्‍वरजी खीए सैंर्बै लोथेंबै चाँजो ङने बिइमुँ। चु ताँए बारेर ङइ ओंसों या च्युगुदे ताँ प्‍ह्रिल् खाँइमुँ।

१ थेसलोनिकी 4:15

प्रभुजी बिबै ताँउँइँले ङिइ क्‍हेमैंने बिमुँ, ङ्यो प्रभु युबै त्हिंइ समा सोरिब्मैं खीए फिर बिश्‍वास लसि ओंसों सियाब्‍मैं भन्दा ओंसों ह्‍याल् आयों,