प्रस्थान 9:4 - परमेश्‍वरए ताँ तमु क्युइर

⁴ दिलेया ङइ इस्राएलीमैंए खेदोमैं नेरो मिश्रीमैंए खेदोमैं फेलब्मुँ। धै इस्राएलीमैंल खेदोमैं घ्रि या सिरिब् आरे।

प्रस्थान 9:4 ပူးပေါင်းရင်းမြစ်များ

प्रस्थान 10:23

सोंगैं समा मिश्रीमैंइ खाबै म्रोंल् आखाँ, खाबै या ह्रोंसए क्ल्ह्‍योउँइँले प्रल् आखाँ दिलेया इस्राएलीमैं टिबै क्ल्ह्‍योर बिस्याँ मि म्रोंरिल।

प्रस्थान 12:13

क्हेमैं टिबै धिंजरे च को क्हेमैंए ल्हागिर चिनु तब्मुँ। ङइ च को म्रोंसि क्हेमैंलाइ तोइ आलल्‍ले पिवाब्मुँ, ङइ मिश्रीमैं नास लमा क्हेमैंए फिर तोइ दुःख तरिब् आरे।

प्रस्थान 8:19

छतमा जादु लब्मैंइ फारोने बिइ, “चु के परमेश्‍वरजीन् लब् ग।” छबिलेना याहवेहजी बिब् धोंलेन् फारोए सैं सारो तसि चमैंए ताँ आथे।

प्रस्थान 8:22

दिलेया च त्हिंइर याहवेह चु ह्‍युलर मुँ बिब् क्हिइ सेरिगे बिसि ङए म्हिमैं टिबै गोशेन ह्‍युललाइ बिस्याँ ङइ जोगेमिंब्मुँ, चर च्युमिं तरिब् आरे।

प्रस्थान 9:26

दिलेया इस्राएलीमैं मत्‍त्रे टिबै गोशेन ह्‍युलर तिस्यु आयु।

प्रस्थान 9:5

ङइ प्हन्हाँगन् चु के लब्मुँ बिसि त्हे तौदिइ,’ बिसि फारोने बिद।”

प्रस्थान 9:6

चए प्हँन्हाँग्धों याहवेहजी च के लइ, धै मिश्रर्बै खेदोमैं ताँन् सिइ, इस्राएलीमैंल बिस्याँ खेदो घ्रि या आसि।