प्रस्थान 8:8 - परमेश्‍वरए ताँ तमु क्युइर

⁸ छतमा फारोइ मोशा नेरो हारूनलाइ हुइबर कुलसि बिइ, “याहवेहजी ङ नेरो ङए म्हिमैंउँइँले प्हद्गोमैं स्योमिंरिगे बिसि खीने बिन्ति लमिंन्। छलस्याँ खीए ल्हागिर ख्रो पिंबर क्हिए म्हिमैं ङइ ह्‍याल् पिंब्मुँ।”

प्रस्थान 8:8 ပူးပေါင်းရင်းမြစ်များ

भजनमैं 66:3

“क्हिजी लबै केमैं औदिले छ्याँब मुँ!” बिसि परमेश्‍वरने बिद्। “क्हिए शक्ति बेल्‍ले थेब् मुँ, छतसि क्हिए शत्तुरमैं ङ्हिंसि क्हिए उँइँर कुरम्।

प्रस्थान 10:16

छतमा फारोइ मोशा नेरो हारून युनन् हुइबर कुलसि “ङइ क्हेमैंए याहवेह परमेश्‍वर नेरो क्हेमैंए बिरोधर पाप लइ,” बिइ।

प्रस्थान 10:17

“छतसि तारे ङ यो छ्युँ लमुँ, ङए पाप तोगोइन क्षमा लद्, धै ङए फिर तखबै चु दुःख खीजी स्योमिंरिगे बिसि क्हेमैंए याहवेह परमेश्‍वरने यो छ्युँ लसि प्राथना लद्।”

प्रस्थान 10:18

छबिमा मोशा फारो ङाँइँले त्होंइ ह्‍यासि याहवेहने यो छ्युँ लसि प्राथना लइ।

प्रस्थान 14:5

झाइले मिश्रर्बै म्रुँइ च म्हिमैं भौदिह्‍याबै ताँ थेसि च नेरो चए के लब्मैंए सैं प्लिंयाइ धै “ङ्योइ तो लगे? ङ्योइ इस्राएलीमैंलाइ ह्‍याल् पिंइ, ङ्योए केबछैंमैं ह्‍याइ!” बिइ।

प्रस्थान 32:11

दिलेया मोशाइ ह्रोंसए याहवेह परमेश्‍वरने यो छ्युँ लसि “ओ याहवेह!” बिइ। “क्हिइ ह्रोंसए थेबै भों मुँबै योइ मिश्रउँइँले तेइ पखबै ह्रोंसए म्हिमैंए फिर तले च्हौ थेबै ह्रिस खल?

प्रस्थान 5:2

दिलेया फारोइ बिइ, “याहवेह बिब खाब् रो? ङइ तले चए ताँ ङिंसि इस्राएलीमैं ह्‍याल् पिंब? याहवेह ङइ ङो आसे, छतसि इस्राएलीमैं ङइ ह्‍याल् आपिं।”

प्रस्थान 8:15

दिलेया फारोइ प्हद्गोमैं सियाब म्रोंलेया याहवेहजी बिब् धोंलेन् चइ ह्रोंसए सैं सारो लसि मोशा नेरो हारूनए ताँ आथे।

प्रस्थान 8:29

मोशाइ बिइ, “ङ क्हि ङाँइले बैरु ह्‍याबै तोंदोंन् क्हि, क्हिए के लब्मैं नेरो क्हिए म्हिमैंउँइँले प्हन्हाँगन् च च्युमिंमैं स्योह्‍यारिगे बिसि याहवेहने प्राथना लब्मुँ। दिलेया याहवेहए ल्हागिर ख्रो पिंबर ह्‍याल् पिंम् बिसि धबै स्योर आतेद्।”

प्रस्थान 8:32

छ तलेना चु लारै या फारोइ धबै सैं सारो लसि म्हिमैं ह्‍याल् आपिं।

प्रस्थान 8:9

मोशाइ फारोने बिइ, “प्हद्गोमैं क्हि नेरो क्हिए धिंउँइँले म्हह्‍यारिगे, नील स्योंर मत्‍त्रे तरिगे बिसि ङइ क्हि नेरो क्हिए के लब्मैं नेरो क्हिए म्हिमैंए ल्हागिर याहवेहने खोंयों बिन्ति लमिंल् त्हुम बिसि बिद्।”

प्रस्थान 9:27

छतमा फारोइ मोशा नेरो हारून हुइसि “चु लारै ङइ पाप लइ,” बिइ। “याहवेहजी ठिक लइमुँ, ङ नेरो ङए म्हिमैंज्यै आछ्याँबै केमैं लइमुँ!

प्रस्थान 9:28

छतसि याहवेहने प्राथना लमिंन्, तलेबिस्याँ चु मु ङ्‍हेब नेरो तिस्युइ सारुन् लइ। ङइ क्हेमैं ह्‍याल् पिंब्मुँ। तारे क्हेमैं अझै चुर टिल् आत्हु।”

प्रस्थान 9:33

झाइले मोशा फारो ङाँइले त्होंसि सहर बैरु ह्‍यासि याहवेह ङाँइ ह्रोंसए यो स्योंमा मु ङ्‍हेब नेरो तिस्यु युब टियाइ, धै नाँ या टियाइ।

चेला चिब्मैंए केमैं 8:24

चु ताँ थेसि सिमोनइ बिइ, “क्हेमैंइ बिबै तोइ ताँ या ङए फिर आतरिगे बिसि, ङए ल्हागिर प्रभुने प्राथना लमिंन्।”