प्रस्थान 8:28 - परमेश्‍वरए ताँ तमु क्युइर

²⁸ छबिमा फारोइ बिइ, “तम्, ङइ क्हेमैंलाइ क्यु आयोंबै क्ल्ह्‍योर क्हेमैंए याहवेह परमेश्‍वरए ल्हागिर ख्रो पिंबर ह्‍यालम् पिंम्, दिलेया ह्रेंगो बिस्याँ आह्‍याद्। ङए ल्हागिरै या प्राथना लमिंन्।”

प्रस्थान 8:28 ပူးပေါင်းရင်းမြစ်များ

प्रस्थान 10:17

“छतसि तारे ङ यो छ्युँ लमुँ, ङए पाप तोगोइन क्षमा लद्, धै ङए फिर तखबै चु दुःख खीजी स्योमिंरिगे बिसि क्हेमैंए याहवेह परमेश्‍वरने यो छ्युँ लसि प्राथना लद्।”

प्रस्थान 3:19

दिलेया मिश्रर्बै म्रुँइ क्हेमैं आकुलै आतबै त्हे आखन् समा ह्‍याल् पिंब आरे बिब ङइ सेइमुँ।

प्रस्थान 7:13

दिलेया फारोए सैं सारो तइ। धै याहवेहजी बिब् धोंलेन् फारोइ चमैंए ताँ आथे।

प्रस्थान 8:15

दिलेया फारोइ प्हद्गोमैं सियाब म्रोंलेया याहवेहजी बिब् धोंलेन् चइ ह्रोंसए सैं सारो लसि मोशा नेरो हारूनए ताँ आथे।

प्रस्थान 8:29

मोशाइ बिइ, “ङ क्हि ङाँइले बैरु ह्‍याबै तोंदोंन् क्हि, क्हिए के लब्मैं नेरो क्हिए म्हिमैंउँइँले प्हन्हाँगन् च च्युमिंमैं स्योह्‍यारिगे बिसि याहवेहने प्राथना लब्मुँ। दिलेया याहवेहए ल्हागिर ख्रो पिंबर ह्‍याल् पिंम् बिसि धबै स्योर आतेद्।”

प्रस्थान 8:8

छतमा फारोइ मोशा नेरो हारूनलाइ हुइबर कुलसि बिइ, “याहवेहजी ङ नेरो ङए म्हिमैंउँइँले प्हद्गोमैं स्योमिंरिगे बिसि खीने बिन्ति लमिंन्। छलस्याँ खीए ल्हागिर ख्रो पिंबर क्हिए म्हिमैं ङइ ह्‍याल् पिंब्मुँ।”

प्रस्थान 9:28

छतसि याहवेहने प्राथना लमिंन्, तलेबिस्याँ चु मु ङ्‍हेब नेरो तिस्युइ सारुन् लइ। ङइ क्हेमैं ह्‍याल् पिंब्मुँ। तारे क्हेमैं अझै चुर टिल् आत्हु।”

चेला चिब्मैंए केमैं 8:24

चु ताँ थेसि सिमोनइ बिइ, “क्हेमैंइ बिबै तोइ ताँ या ङए फिर आतरिगे बिसि, ङए ल्हागिर प्रभुने प्राथना लमिंन्।”