प्रस्थान 8:27 - परमेश्‍वरए ताँ तमु क्युइर

²⁷ ङि सोंरोबै घ्याँ ह्‍यासि क्यु आयोंबै क्ल्ह्‍योर ह्रोंसए परमेश्‍वरजी बिब् धोंलेन् खीए ल्हागिर ङिइ ख्रो पिंल् त्हुम्।”

प्रस्थान 8:27 ပူးပေါင်းရင်းမြစ်များ

प्रस्थान 10:26

खेदोमैं न्होंर्बै को-कोइ ङिइ ह्रोंसए याहवेह परमेश्‍वर म्हाँदिबर ख्रो पिंल् त्हुम्। ङि चर आफेन् समा याहवेहए मिंर तो तो ख्रो पिंल् त्हुम् बिसि ङिइ आसे। छतसि ङिए खेदोमैं ङिने बालुन् बोयाब्मुँ।”

प्रस्थान 3:12

छबिमा परमेश्‍वरजी धबै बिइ, “ङ क्हिने बालु तब्मुँ। ङइ क्हिलाइ कुलब् ग बिबै चिनु चु तब्मुँ: क्हिइ च म्हिमैं मिश्रउँइँले तेइ पखमा क्हेमैंइ चु कोंर ङए सेवा लब्मुँ।”

प्रस्थान 3:18

“इस्राएलर्बै चिबनाँबमैंइ क्हिए ताँ थेब्मुँ, धै क्हि नेरो चिबनाँबमैं मिश्रर्बै म्रुँ ङाँर ह्‍यासि क्हेमैंइ चने छ बिद्, ‘हिब्रूमैंए याहवेह परमेश्‍वरजी ङिने त्होइमुँ। छतसि तारे ङि क्हिने बिन्ति लमुँ, ङिए याहवेह परमेश्‍वरए ल्हागिर क्यु आयोंबै क्ल्ह्‍योर ख्रो पिंबर सोंरोबै घ्याँर ङि ह्‍याल् पिंन्।’

प्रस्थान 34:11

ङइ क्हिने बिबै ताँ म्हाँदिद्। ङइ क्हिए उँइँर्न एमोरी, कनानी, हित्ती, परिज्जी, हिव्वी नेरो यबूसीमैं ल्हाब्मुँ।

प्रस्थान 5:1

च लिउँइँ मोशा नेरो हारून फारो म्रुँ ङाँर ह्‍यासि बिइ, “‘क्यु आयोंबै क्ल्ह्‍योर ङए ल्हागिर चाड म्हाँदिबर ङए म्हिमैं ह्‍याल् पिंन्,’ बिसि इस्राएलीमैंए याहवेह परमेश्‍वरजी बिइमुँ।”

प्रस्थान 5:3

झाइले चमैंइ बिइ, “हिब्रूमैंए परमेश्‍वर ङिने त्होइमुँ। यो छ्युँ लमुँ, क्यु आयोंबै क्ल्ह्‍योर सोंरोबै घ्याँर ह्‍यासि ङिए परमेश्‍वरए ल्हागिर ख्रो पिंबर ङि ह्‍याल् पिंन्। आस्याँ खीजी ङिलाइ नब छब लसि, सेलाँइ (तरवारइ) ल्हिसि सैब्मुँ।”

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”