प्रस्थान 8:26 - परमेश्‍वरए ताँ तमु क्युइर

²⁶ दिलेया मोशाइ बिइ, “छ लब ठिक आत, तलेबिस्याँ ङिए याहवेह परमेश्‍वरए ल्हागिर ङिइ पिंबै ख्रो म्रोंसि मिश्रीमैं छेरम्। मिश्रीमैंइ आखोबै ख्रो चमैंए ओंसों पिंइ बिस्याँ चमैंइ ङिलाइ युँमाइ आप्रिं रो वा?

प्रस्थान 8:26 ပူးပေါင်းရင်းမြစ်များ

उत्पत्ति 43:32

झाइले चब् लब्मैंइ योसेफए ल्हागिर स्योले, आघें-अलिमैंए ल्हागिर स्योले धै चने बालु चबै अरू मिश्रीमैंए ल्हागिर स्योले कैं थेंइ, तलेबिस्याँ मिश्रीमैंइ हिब्रूमैंने बालु क्हुँसि चब् चब आतमल। छ लस्याँ मिश्रीमैंल मिं ह्‍यामल।

उत्पत्ति 46:34

छले ङ्योएमा ‘क्हिए केब्छैंमैं ङि आबा-च्हमैं ताँन् कोलोउँइँले तोगो समा खेदोमैं न्हब्मैं ग,’ बिद्। छ बिस्याँ क्हेमैं गोशेनर टिल् योंब्मुँ। तलेबिस्याँ मिश्रीमैं ताँनइ प्ह्रोंछैंमैंलाइ हेल् लम्।”

प्रस्थान 3:18

“इस्राएलर्बै चिबनाँबमैंइ क्हिए ताँ थेब्मुँ, धै क्हि नेरो चिबनाँबमैं मिश्रर्बै म्रुँ ङाँर ह्‍यासि क्हेमैंइ चने छ बिद्, ‘हिब्रूमैंए याहवेह परमेश्‍वरजी ङिने त्होइमुँ। छतसि तारे ङि क्हिने बिन्ति लमुँ, ङिए याहवेह परमेश्‍वरए ल्हागिर क्यु आयोंबै क्ल्ह्‍योर ख्रो पिंबर सोंरोबै घ्याँर ङि ह्‍याल् पिंन्।’

प्रस्थान 8:8

छतमा फारोइ मोशा नेरो हारूनलाइ हुइबर कुलसि बिइ, “याहवेहजी ङ नेरो ङए म्हिमैंउँइँले प्हद्गोमैं स्योमिंरिगे बिसि खीने बिन्ति लमिंन्। छलस्याँ खीए ल्हागिर ख्रो पिंबर क्हिए म्हिमैं ङइ ह्‍याल् पिंब्मुँ।”