प्रस्थान 8:25 - परमेश्‍वरए ताँ तमु क्युइर

²⁵ छतमा फारोइ मोशा नेरो हारून हुइसि बिइ, “क्हेमैं ह्‍यासि चु ह्‍युलए न्होंर्न ह्रोंसए परमेश्‍वरए ल्हागिर ख्रो पिंन्।”

प्रस्थान 8:25 ပူးပေါင်းရင်းမြစ်များ

प्रस्थान 10:16

छतमा फारोइ मोशा नेरो हारून युनन् हुइबर कुलसि “ङइ क्हेमैंए याहवेह परमेश्‍वर नेरो क्हेमैंए बिरोधर पाप लइ,” बिइ।

प्रस्थान 10:24

छतमा फारोइ मोशालाइ हुइसि बिइ, “क्हेमैं ह्‍यासि याहवेहए सेवा लद्! क्हेमैंए च्हमिरिमैं नेरो कोलोमैं या क्हेमैंने ह्‍यारिगे, दिलेया र-क्युमैं नेरो खेदोमैं मत्‍त्रे वाथेंन्।”

प्रस्थान 10:8

झाइले फारोए म्हिमैंइ मोशा नेरो हारून फारो ङाँर पखइ। फारोइ चमैंने बिइ, “ह्‍यासि क्हेमैंए याहवेह परमेश्‍वरए सेवा लद्। दिलेया ह्‍याब्मैं खा-खाब्मैं जा?”

प्रस्थान 12:31

छतमा फारोइ म्हुँइँसर्न मोशा नेरो हारून हुइबर कुलसि बिइ, “क्हेमैं नेरो इस्राएलीमैं ताँन् ङए म्हिमैंए म्हाँजोउँइँले त्होंइ ह्‍याद्, धै क्हेमैंइ बिब् धोंलेन् याहवेहए सेवा लद्।

प्रस्थान 8:8

छतमा फारोइ मोशा नेरो हारूनलाइ हुइबर कुलसि बिइ, “याहवेहजी ङ नेरो ङए म्हिमैंउँइँले प्हद्गोमैं स्योमिंरिगे बिसि खीने बिन्ति लमिंन्। छलस्याँ खीए ल्हागिर ख्रो पिंबर क्हिए म्हिमैं ङइ ह्‍याल् पिंब्मुँ।”

प्रस्थान 9:27

छतमा फारोइ मोशा नेरो हारून हुइसि “चु लारै ङइ पाप लइ,” बिइ। “याहवेहजी ठिक लइमुँ, ङ नेरो ङए म्हिमैंज्यै आछ्याँबै केमैं लइमुँ!

प्रस्थान 9:28

छतसि याहवेहने प्राथना लमिंन्, तलेबिस्याँ चु मु ङ्‍हेब नेरो तिस्युइ सारुन् लइ। ङइ क्हेमैं ह्‍याल् पिंब्मुँ। तारे क्हेमैं अझै चुर टिल् आत्हु।”

दर्शन 3:9

थेद्, को-कोइ दुष्‍टए न्होंर टिब्मैंइ ‘ङ यहूदी ग’ बिम् दिलेया चमैं क्ह्रोंसेंन्बै यहूदी आङिं। च स्‍योर्गुमैंलाइ ङइ क्‍हेमैंए प्‍हले फ्‍योबर ल्‍हैदिब्‍मुँ। झाइले ङइ क्‍हेमैंलाइ म्हाँया लरिमना बिब चमैं ताँनइ था सेब्‍मुँ।