प्रस्थान 8:22 - परमेश्‍वरए ताँ तमु क्युइर

²² दिलेया च त्हिंइर याहवेह चु ह्‍युलर मुँ बिब् क्हिइ सेरिगे बिसि ङए म्हिमैं टिबै गोशेन ह्‍युललाइ बिस्याँ ङइ जोगेमिंब्मुँ, चर च्युमिं तरिब् आरे।

प्रस्थान 8:22 ပူးပေါင်းရင်းမြစ်များ

उत्पत्ति 46:34

छले ङ्योएमा ‘क्हिए केब्छैंमैं ङि आबा-च्हमैं ताँन् कोलोउँइँले तोगो समा खेदोमैं न्हब्मैं ग,’ बिद्। छ बिस्याँ क्हेमैं गोशेनर टिल् योंब्मुँ। तलेबिस्याँ मिश्रीमैं ताँनइ प्ह्रोंछैंमैंलाइ हेल् लम्।”

भजनमैं 110:2

“क्हिजी भोंन्ले ग्याल्स लब सियोनउँइँले ल्हें क्ल्ह्‍योर फेनेरिगे,” बिसि याहवेहजी क्हिलाइ हग पिंब्मुँ। “क्हिए शत्तुरमैंए फिर क्ल्हे लद्!

भजनमैं 74:12

दिलेया ओ परमेश्‍वर, क्हि स्योंम् ओंनोंन् ङए म्रुँ ग, क्हिजी पृथ्‍बीर मुक्ति पुयुमुँ।

प्रस्थान 10:23

सोंगैं समा मिश्रीमैंइ खाबै म्रोंल् आखाँ, खाबै या ह्रोंसए क्ल्ह्‍योउँइँले प्रल् आखाँ दिलेया इस्राएलीमैं टिबै क्ल्ह्‍योर बिस्याँ मि म्रोंरिल।

प्रस्थान 12:13

क्हेमैं टिबै धिंजरे च को क्हेमैंए ल्हागिर चिनु तब्मुँ। ङइ च को म्रोंसि क्हेमैंलाइ तोइ आलल्‍ले पिवाब्मुँ, ङइ मिश्रीमैं नास लमा क्हेमैंए फिर तोइ दुःख तरिब् आरे।

प्रस्थान 19:5

तारे ङए ताँ छेनाले थेसि ङने बाछा फैब् धोंले क्हेमैं प्रइ बिस्याँ, ताँन् ह्‍युल ङलन् तलेया ताँन् ह्रेंमैं न्होंरि क्हेमैं ङए म्हिमैं तब्मुँ।

प्रस्थान 20:11

तलेबिस्याँ टुगैंर ङ याहवेहजी मु, पृथ्‍बी, मा ङ्युँइ (समुन्द्र) नेरो चर मुँबै तोन्दोंरि सैमैं बनेइ, धै ङिगैंर भों न्हइ। छतसि प्रिबै त्हिंइलाइ याहवेहजी आशिक पिंसि पबित्र लइ।

प्रस्थान 7:17

छतसि “ङ्‍ह्‍योद्, ङइ नील स्योंर्बै क्यु ङए योर्बै प्हरेइ प्रिंब्मुँ। धै च को तयाब्मुँ। छले ङ याहवेह ग बिबै ताँ क्हिइ सेब्मुँ।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

प्रस्थान 8:10

फारोइ “प्हन्हाँग” बिइ। मोशाइ बिइ, “क्हिइ बिब् धोंलेन् तब्मुँ, धै ङिए याहवेह परमेश्‍वर धोंब अरू खाबै आरे बिसि क्हिइ सेब्मुँ।

प्रस्थान 8:21

‘ङए म्हिमैं ह्‍याल् आपिंस्याँ, ङ्‍ह्‍योद्, क्हि, क्हिए के लब्मैं फिर, क्हि म्हिमैं नेरो क्हिए धिंर ङइ बेल्‍ले ल्हें च्युमिंमैं कुल्मिंब्मुँ, छलेन मिश्रीमैंए धिं-धिंर नेरो चमैं टिबै क्ल्ह्‍योजरै या च्युमिंइ प्लिंब्मुँ।

प्रस्थान 8:23

छले ङए म्हिमैं नेरो क्हिए म्हिमैंए म्हाँजोर ङइ स्यो-स्योबै केमैं लब्मुँ। चु औदिबै चिनुमैं प्हन्हाँग तब्मुँ।’”

प्रस्थान 9:26

दिलेया इस्राएलीमैं मत्‍त्रे टिबै गोशेन ह्‍युलर तिस्यु आयु।

प्रस्थान 9:29

मोशाइ म्रुँने बिइ, “ङ सहरउँइँ त्होंह्‍याबै तोंदोंन् ङइ याहवेह ङाँइ ह्रोंसए यो स्योंब्मुँ, झाइले मु ङ्‍हेब नेरो तिस्यु युब टियाब्मुँ। छले पृथ्‍बी याहवेहलन् ग बिसि क्हिइ सेब्मुँ।

प्रस्थान 9:4

दिलेया ङइ इस्राएलीमैंए खेदोमैं नेरो मिश्रीमैंए खेदोमैं फेलब्मुँ। धै इस्राएलीमैंल खेदोमैं घ्रि या सिरिब् आरे।

प्रस्थान 9:6

चए प्हँन्हाँग्धों याहवेहजी च के लइ, धै मिश्रर्बै खेदोमैं ताँन् सिइ, इस्राएलीमैंल बिस्याँ खेदो घ्रि या आसि।