प्रस्थान 8:18 - परमेश्‍वरए ताँ तमु क्युइर

¹⁸ धै जादु लब्मैंज्यै ह्रोंसए न्होंर्बै सिपउँइँले मोसो बनेल् म्हैइ, दिलेया बनेल् आखाँ। दिलेया म्हिमैं नेरो खेदोमैंने मोसो तरिइ।

प्रस्थान 8:18 ပူးပေါင်းရင်းမြစ်များ

उत्पत्ति 41:8

न्हाँगर चए सैंर बेल्‍ले न्हुँ तसि चइ मिश्र ह्‍युलर्बै ताँन् जादु लब्मैं नेरो ह्रब-सेब्मैं हुइसि चमैंने चइ म्रोंबै म्होंडमैं सेइ। दिलेया फारोए म्होंडए अर्थ बिमिंब चर खाबै आत्हों।

प्रस्थान 10:23

सोंगैं समा मिश्रीमैंइ खाबै म्रोंल् आखाँ, खाबै या ह्रोंसए क्ल्ह्‍योउँइँले प्रल् आखाँ दिलेया इस्राएलीमैं टिबै क्ल्ह्‍योर बिस्याँ मि म्रोंरिल।

प्रस्थान 7:11

छतमा फारोज्यै या ह्रोंसए ह्रब सेब्मैं नेरो टुना मुना लब्मैं हुइबर कुलइ। धै च मिश्रर्बै जादु लब्मैंज्यै या ह्रों-ह्रोंसए न्होंर्बै सिपउँइँले छान् लइ।

प्रस्थान 7:12

ताँनइ ह्रों-ह्रोंसए प्हरे भ्योंवामा प्हुरि तयाइ। दिलेया हारूनए प्हरेइ चमैंए प्हरे क्ल्ह्‍योंवाइ।

प्रस्थान 8:7

छलेन जादु लब्मैंज्यै ह्रोंसए न्होंर्बै सिपउँइँले छान् लसि मिश्रर प्हद्गोमैं तेवाइ।

प्रस्थान 9:11

जादु लब्मैं पोरइ लमा मोशाए उँइँर राल् आखाँ। तलेबिस्याँ जादु लब्मैंए ज्युर नेरो मिश्रीमैं ताँनए ज्युर पोर खल।

लूका 10:18

छबिमा येशूजी चमैंने बिइ, “ओं, काम्‍लि-तिम्‍लि युब् धोंले मोंमैंए म्रुँ दुष्‍ट स्‍वर्गउँइँले क्युरु खारयुब ङइ म्रोंइ।