प्रस्थान 8:17 - परमेश्‍वरए ताँ तमु क्युइर

¹⁷ याहवेहजी मोशाने बिब् धोंले हारूनइ प्हरे किंसि स त्हुलर प्रिंमा मिश्र ह्‍युलर्बै ताँन् स त्हुला मोसो मोसोन् तयासि म्हिमैं नेरो खेदोमैंने कुयाइ।

प्रस्थान 8:17 ပူးပေါင်းရင်းမြစ်များ

भजनमैं 105:31

खीजी पोंब् धोंलेन् चमैंए ह्‍युल तिगोंन् च्योमि नेरो मोसोइ प्लिंयाइ।

भजनमैं 78:45

चमैंलाइ च्हिरिगे बिसि चमैंए म्हाँजोर खीजी च्योमिमैं कुल्मिंइ, धै नास लबै प्हद्गोमैं या कुलइ।

प्रस्थान 4:23

चइ ङए सेवा लबर ङए च्ह ह्‍याल् पिंन् बिसि ङइ क्हिने बिइ, दिलेया क्हिइ चलाइ ह्‍याल् आपिं। छतसि ङइ क्हिए च्ह थेब सैवाब्मुँ।’”

प्रस्थान 5:1

च लिउँइँ मोशा नेरो हारून फारो म्रुँ ङाँर ह्‍यासि बिइ, “‘क्यु आयोंबै क्ल्ह्‍योर ङए ल्हागिर चाड म्हाँदिबर ङए म्हिमैं ह्‍याल् पिंन्,’ बिसि इस्राएलीमैंए याहवेह परमेश्‍वरजी बिइमुँ।”

प्रस्थान 8:16

छतमा याहवेहजी धबै मोशाने बिइ, “त्हुलउँइँले मिश्र तिगोंन् मोसोमैं तयारिगे बिसि प्हरे किंसि त्हुलर प्रिंन् बिसि हारूनने बिद्।”

चेला चिब्मैंए केमैं 12:23

दिलेया चइ परमेश्‍वरए मान आलबइले च त्हेर्न प्रभुए स्वर्गदूतइ चम्हिमैंए उँइँरलाइ ल्हिवाइ धै चए ज्युर प्हुँलुँ उजी उजी तसि च म्रुँ सियाइ।