प्रस्थान 8:15 - परमेश्‍वरए ताँ तमु क्युइर

¹⁵ दिलेया फारोइ प्हद्गोमैं सियाब म्रोंलेया याहवेहजी बिब् धोंलेन् चइ ह्रोंसए सैं सारो लसि मोशा नेरो हारूनए ताँ आथे।

प्रस्थान 8:15 ပူးပေါင်းရင်းမြစ်များ

प्रस्थान 14:5

झाइले मिश्रर्बै म्रुँइ च म्हिमैं भौदिह्‍याबै ताँ थेसि च नेरो चए के लब्मैंए सैं प्लिंयाइ धै “ङ्योइ तो लगे? ङ्योइ इस्राएलीमैंलाइ ह्‍याल् पिंइ, ङ्योए केबछैंमैं ह्‍याइ!” बिइ।

प्रस्थान 4:21

याहवेहजी धबै मोशाने बिइ, “क्हि मिश्रर एह्‍यामा ङइ क्हिए योर थेंमिबै भोंउँइँले औदिबै केमैं फारो म्रुँए उँइँर लद्। दिलेया ङइ चए सैं सारो लब्मुँ। छतसि चइ ङए म्हिमैंलाइ ह्‍याल् पिंरिब् आरे।

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

प्रस्थान 8:14

म्हिमैंइ चमैं खुसि क्ल्ह्‍यो घ्रिर थेंमा, मिश्र ह्‍युल आछ्याँबै थाँ नाँबर प्लिंयाइ।

प्रस्थान 8:16

छतमा याहवेहजी धबै मोशाने बिइ, “त्हुलउँइँले मिश्र तिगोंन् मोसोमैं तयारिगे बिसि प्हरे किंसि त्हुलर प्रिंन् बिसि हारूनने बिद्।”

प्रस्थान 8:28

छबिमा फारोइ बिइ, “तम्, ङइ क्हेमैंलाइ क्यु आयोंबै क्ल्ह्‍योर क्हेमैंए याहवेह परमेश्‍वरए ल्हागिर ख्रो पिंबर ह्‍यालम् पिंम्, दिलेया ह्रेंगो बिस्याँ आह्‍याद्। ङए ल्हागिरै या प्राथना लमिंन्।”

प्रस्थान 8:29

मोशाइ बिइ, “ङ क्हि ङाँइले बैरु ह्‍याबै तोंदोंन् क्हि, क्हिए के लब्मैं नेरो क्हिए म्हिमैंउँइँले प्हन्हाँगन् च च्युमिंमैं स्योह्‍यारिगे बिसि याहवेहने प्राथना लब्मुँ। दिलेया याहवेहए ल्हागिर ख्रो पिंबर ह्‍याल् पिंम् बिसि धबै स्योर आतेद्।”

प्रस्थान 8:32

छ तलेना चु लारै या फारोइ धबै सैं सारो लसि म्हिमैं ह्‍याल् आपिं।

प्रस्थान 8:8

छतमा फारोइ मोशा नेरो हारूनलाइ हुइबर कुलसि बिइ, “याहवेहजी ङ नेरो ङए म्हिमैंउँइँले प्हद्गोमैं स्योमिंरिगे बिसि खीने बिन्ति लमिंन्। छलस्याँ खीए ल्हागिर ख्रो पिंबर क्हिए म्हिमैं ङइ ह्‍याल् पिंब्मुँ।”

हितोपदेश 26:11

नगिइ ह्रोंसए रुइ चबर एसि ह्‍यामुँ छलेन बुद्धि आरेबै म्हिइ बुद्धि आरेबै कमैं लब्रें लम्।

हितोपदेश 29:1

कतिन् हौदिसेया पोथाँइ आनबै म्हि थाइ आसेल्‍ले नास तयाम्।

हिब्रू 3:15

परमेश्‍वरए छ्वेर छले बिइमुँ, “तिंयाँ क्‍हेमैंइ परमेश्‍वरजी बिबै ताँ थेइ बिस्‍याँ, क्हेमैंए खेमैंइ परमेश्‍वरए बिरोध लब् धोंले ह्रोंसए सैं सारो आलद्।”

हिब्रू 3:8

क्‍हेमैंए खेमैंइ क्यु आयोंबै क्ल्ह्‍योरि परमेश्‍वरए बिरोध लब् धोंले क्‍हेमैंए सैं सारो आलद्, च त्हेर चमैंइ परमेश्‍वरए सैं फो (जाँच) किंब् धोंलेन् क्‍हेमैंइ खीए सैं फो किंबै के आलद्।

दर्शन 16:9

छतसि त्‍हिंयाँ बेल्‍ले छसि म्‍हिमैंलाइ ख्रोंवाइ। धै चमैंइ च्हौ थेबै दुःख पिंल् खाँबै परमेश्‍वरए मिं स्यारइ। दिलेया चमैंइ खेंमैंइ लबै पापउँइँले अझै सैं आए, धै परमेश्‍वरए मानै या आल।