प्रस्थान 7:19 - परमेश्‍वरए ताँ तमु क्युइर

¹⁹ धबै याहवेहजी मोशाने बिइ, “‘मिश्ररर्बै स्यों, क्युखादुँ, ङ्‍ह्‍योखो, नेरो कुलोर्बै क्यु को तयारिगे बिसि क्हिए प्हरे किंसि च ताँनए फिर क्हिए यो स्योंन्,’ बिसि हारूनने बिद्। ‘छलस्याँ ताँन् मिश्रर मुँबै क्यु, सिं नेरो युँमाइ बनेबै छेदो न्होंर्बै क्युमैं या, को तयाब्मुँ।’”

प्रस्थान 7:19 ပူးပေါင်းရင်းမြစ်များ

उत्पत्ति 1:10

परमेश्‍वरजी ओबानो क्ल्‍ह्‍योने “पृथ्‍बी” बिइ, धै खागु तबै क्‍युने “मा ङ्युँइ” बिइ। धै परमेश्‍वरजी ङ्ह्‍योमा च छ्याँब मुँल।

प्रस्थान 10:12

छतमा याहवेहजी मोशाने बिइ, “तिरिमैं मिश्रर खसि तिस्युइ आस्याबै म्रोंर्बै प्याँ-पिं ट्हा-ट्हुमैं ताँन् चवारिगे बिसि मिश्र ह्‍युलउँइँ ह्रोंसए यो स्योंन्।”

प्रस्थान 10:21

याहवेहजी धबै मोशाने बिइ, “छुइमा या था सेबै मिछु खैब मिश्रर तयारिगे बिसि क्हिए यो मुउँइँ स्योंन्।”

प्रस्थान 14:16

ह्रोंसए योइ प्हरे क्वेसि मा ङ्युँइउँइँ (समुद्रउँइँ) स्योंन्। धै मा ङ्युँइ ङ्हिंबाँतमा इस्राएलीमैं चए म्हाँजोउँइँले ओबनो क्ल्ह्‍योर प्रसि ह्‍याल् खाँब्मुँ।

प्रस्थान 14:21

झाइले खीजी बिब् धोंलेन् मोशाइ ह्रोंसए यो मा ङ्युँइए फिर स्योंइ, धै याहवेहजी म्हुँइँसतिमि स्यारउँइँले खैं कुल्मिंसि मा ङ्युँइर्बै क्युलाइ लिग्याँइ स्योमिंमा क्यु ङ्हिंबाँ तसि मा ङ्युँइर (समुद्र) कारा क्ल्ह्‍यो तयाइ।

प्रस्थान 14:26

झाइले याहवेहजी मोशाने बिइ, “मिश्रीमैंए रथमैं नेरो घोडा क्रेब्मैंए फिर च क्यु धबै बडिइ युरिगे बिसि क्हिए यो मा ङ्युँइए (समुन्द्रए) फिर स्योंन्।”

प्रस्थान 4:9

चमैंइ चु चिनुमैं ङ्हिं म्रोंसेया आक्‍वेंसि, क्हिए ताँ या आथेस्याँ, नील स्योंर्बै च्युगुदे क्यु किंसि कारा क्ल्ह्‍योर ङेमिंन्। क्हिइ नील स्योंउँइँले पखबै क्यु सर को तयाब्मुँ।”

प्रस्थान 8:16

छतमा याहवेहजी धबै मोशाने बिइ, “त्हुलउँइँले मिश्र तिगोंन् मोसोमैं तयारिगे बिसि प्हरे किंसि त्हुलर प्रिंन् बिसि हारूनने बिद्।”

प्रस्थान 9:33

झाइले मोशा फारो ङाँइले त्होंसि सहर बैरु ह्‍यासि याहवेह ङाँइ ह्रोंसए यो स्योंमा मु ङ्‍हेब नेरो तिस्यु युब टियाइ, धै नाँ या टियाइ।