प्रस्थान 7:17 - परमेश्‍वरए ताँ तमु क्युइर

¹⁷ छतसि “ङ्‍ह्‍योद्, ङइ नील स्योंर्बै क्यु ङए योर्बै प्हरेइ प्रिंब्मुँ। धै च को तयाब्मुँ। छले ङ याहवेह ग बिबै ताँ क्हिइ सेब्मुँ।

प्रस्थान 7:17 ပူးပေါင်းရင်းမြစ်များ

भजनमैं 105:29

खीजी चमैंए ह्‍युलर्बै स्योंमैं ताँन् को लवाइ, धै चर्बै ताँगमैं ताँन् सियाइ।

भजनमैं 78:44

च त्हेरि मिश्रीमैंए स्योंमैं खीजी को लवाइ, छतसि च स्योंमैंर्बै क्यु चमैंइ थुँल् आखाँल।

भजनमैं 83:18

चमैं खोंयोंन् बिलै फापिल् त्हुरिगे, चमैं ङ्हिंरिगे, धै चमैं आब्रु ह्‍याल्‍ले सियारिगे।

भजनमैं 9:16

याहवेहजी ठिक निसाफ लम् बिब ताँनइ सेइमुँ, दुष्‍टमैं बिस्याँ खेंमैंइ लबै केर खेंमैंन् फसेइमुँ। च्याँ तसि तिस्याँदे मैंन्

प्रस्थान 1:22

छतमा फारो म्रुँइ ह्रोंसए ताँन् म्हिमैंने “हिब्रूमैंला च्हमैं कति फिलेया चमैं ताँन् नील स्योंर भ्योंवाँन्, च्हमिंमैं बिस्याँ सोगोंन् थेंन्,” बिसि ल्हैदिइ।

प्रस्थान 10:2

छ लमा ङइ मिश्रीमैं म्हाँजोर खै-खैबै चिनुमैं उँइँइ बिसि क्हिए च्ह क्वेमैंने बिब्मुँ, झाइले याहवेह ङन् ग बिसि क्हेमैंइ सेब्मुँ।”

प्रस्थान 4:9

चमैंइ चु चिनुमैं ङ्हिं म्रोंसेया आक्‍वेंसि, क्हिए ताँ या आथेस्याँ, नील स्योंर्बै च्युगुदे क्यु किंसि कारा क्ल्ह्‍योर ङेमिंन्। क्हिइ नील स्योंउँइँले पखबै क्यु सर को तयाब्मुँ।”

प्रस्थान 5:2

दिलेया फारोइ बिइ, “याहवेह बिब खाब् रो? ङइ तले चए ताँ ङिंसि इस्राएलीमैं ह्‍याल् पिंब? याहवेह ङइ ङो आसे, छतसि इस्राएलीमैं ङइ ह्‍याल् आपिं।”

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

प्रस्थान 7:20

झाइले मोशा नेरो हारूनइ याहवेहजी बिब् धोंलेन् लइ। फारो नेरो चए के लब्हिमैंए उँइँर्न हारूनइ प्हरे नील स्योंए क्युर प्रिंमा ताँन् क्यु को तयाइ।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

दर्शन 11:6

खेंमैंइ परमेश्‍वरए ताँ छेनाले बिप्रल् योंबै ल्हागिर मुउँइँले नाँ युल् आलबै शक्‍ति चमैंने मुँ, चमैंइ स्योंमैं या को लवाल् खाँमुँ, छलेन चमैंए सैंर मैंबै त्हेर पृथ्‍बीर तब आतब दुःख पल् खाँबै शक्‍ति या चमैंने मुँ।

दर्शन 8:8

झाइले अर्को स्‍वर्गदूतइ ह्रोंसने मुँबै थुतुरु ह्रामा मि लुँरिबै थेबै कों घ्रि धों तबै सै परमेश्‍वरजी मा ङ्युँइर भ्‍योंवाइ। झाइले मा ङ्युँइर्बै क्‍यु सोंबाँर्बै तिबाँ को तयाइ,