प्रस्थान 7:16 - परमेश्‍वरए ताँ तमु क्युइर

¹⁶ झाइले चने छ बिद्, ‘हिब्रूमैंए याहवेह परमेश्‍वरजी ङलाइ क्हि ङाँर कुलइमुँ। खीजी क्हिने “ङए म्हिमैंलाइ क्यु आयोंबै क्ल्ह्‍योर ङए सेवा लबर ह्‍याल् पिंन्!” बिइ। दिलेया तोगो समा क्हिइ ह्‍याल् आपिं।

प्रस्थान 7:16 ပူးပေါင်းရင်းမြစ်များ

प्रस्थान 10:3

छतसि मोशा नेरो हारून फारो ङाँर ह्‍यासि चने बिइ, “हिब्रूमैंए याहवेह परमेश्‍वरजी क्हिने ‘खोंयों समा क्हि च्योंने तसि ङइ बिब् आङिं?’ बिइ। ‘ङए सेवा लरिगे बिसि ङए म्हिमैं ह्‍याल् पिंन्।

प्रस्थान 13:15

च त्हेर फारोइ सैं सारो लसि ङिलाइ ह्‍याल् आपिं, छतमा याहवेहजी मिश्रर ताँन् म्हि नेरो खेदोए ओंसों फिब्मैं सैवाइ। छतसि ओंसों फिबै त्होबामैं याहवेहए ल्हागिर ख्रो पिंमुँ, धै ङए च्हमैं न्होंर्बै च्ह थेबलाइ या ख्रो पिंसि खाम्।

प्रस्थान 14:5

झाइले मिश्रर्बै म्रुँइ च म्हिमैं भौदिह्‍याबै ताँ थेसि च नेरो चए के लब्मैंए सैं प्लिंयाइ धै “ङ्योइ तो लगे? ङ्योइ इस्राएलीमैंलाइ ह्‍याल् पिंइ, ङ्योए केबछैंमैं ह्‍याइ!” बिइ।

प्रस्थान 3:12

छबिमा परमेश्‍वरजी धबै बिइ, “ङ क्हिने बालु तब्मुँ। ङइ क्हिलाइ कुलब् ग बिबै चिनु चु तब्मुँ: क्हिइ च म्हिमैं मिश्रउँइँले तेइ पखमा क्हेमैंइ चु कोंर ङए सेवा लब्मुँ।”

प्रस्थान 3:13

मोशाइ परमेश्‍वरने बिइ, “ङ इस्राएलीमैं ङाँर ह्‍यासि चमैंने छले बिमा, ‘क्हेमैंए खेमैंए परमेश्‍वरजी ङ क्हेमैं ङाँर कुलब् ग।’ बिसि, चमैंइ ‘खीए मिं तो जा?’ बिसि ङ्योएस्याँ ङइ चमैंने तो बिब?”

प्रस्थान 3:18

“इस्राएलर्बै चिबनाँबमैंइ क्हिए ताँ थेब्मुँ, धै क्हि नेरो चिबनाँबमैं मिश्रर्बै म्रुँ ङाँर ह्‍यासि क्हेमैंइ चने छ बिद्, ‘हिब्रूमैंए याहवेह परमेश्‍वरजी ङिने त्होइमुँ। छतसि तारे ङि क्हिने बिन्ति लमुँ, ङिए याहवेह परमेश्‍वरए ल्हागिर क्यु आयोंबै क्ल्ह्‍योर ख्रो पिंबर सोंरोबै घ्याँर ङि ह्‍याल् पिंन्।’

प्रस्थान 4:22

च त्हेर क्हिइ फारो म्रुँने छले बिद्, ‘याहवेहजी बिइमुँ, इस्राएल ङए च्ह थेब ग।

प्रस्थान 4:23

चइ ङए सेवा लबर ङए च्ह ह्‍याल् पिंन् बिसि ङइ क्हिने बिइ, दिलेया क्हिइ चलाइ ह्‍याल् आपिं। छतसि ङइ क्हिए च्ह थेब सैवाब्मुँ।’”

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

प्रस्थान 8:1

धबै याहवेहजी मोशाने बिइ, “फारो ङाँर ह्‍यासि ‘ङए म्हिमैं ङए सेवा लबर ह्‍याल् पिंन् बिसि याहवेहजी बिइमुँ,’ बिद्।

प्रस्थान 8:20

धबै याहवेहजी मोशाने बिइ, “प्हन्हाँग न्हाँकर्न ह्‍यासि फारो स्योंर ह्‍याबै त्हेर चने त्होसि बिद्, ‘ङए सेवा लबर ङए म्हिमैं ह्‍याल् पिंन् बिसि याहवेहजी बिइमुँ’ बिद्।

प्रस्थान 9:1

याहवेहजी धबै मोशाने बिइ, “फारो ङाँर ह्‍यासि चने ‘ङए म्हिमैं ङए सेवा लबर ह्‍याल् पिंन् बिसि हिब्रूमैंए याहवेह परमेश्‍वरजी बिइमुँ,’ बिद्।

प्रस्थान 9:13

याहवेहजी धबै मोशाने बिइ, “प्हन्हाँग न्हाँकर्न रेसि फारो ङाँर ह्‍यासि चने, ‘ङए सेवा लबर ङए म्हिमैं ह्‍याल् पिंन्!’ बिसि हिब्रूमैंए याहवेह परमेश्‍वरजी बिइमुँ बिद्।