प्रस्थान 6:6 - परमेश्‍वरए ताँ तमु क्युइर

⁶ “छतसि ‘ङ याहवेह ग’ बिसि इस्राएलीमैंने बिद्। ‘ङइ क्हेमैंलाइ मिश्रीमैंइ पिंबै दुःखउँइँले फ्रेमिंब्मुँ, धै चमैंए केब्छैं तसि टिल् त्हुबइले तेइ पखब्मुँ। ङए भों मुँबै यो रेसि चमैंए फिर ङ्हिंन् ङ्हाँबै दुःख पिंसि क्हेमैंलाइ जोगेमिंब्मुँ।

प्रस्थान 6:6 ပူးပေါင်းရင်းမြစ်များ

भजनमैं 77:16

ओ परमेश्‍वर, मा ङ्युँइर्बै क्युइ क्हि म्रोंइ, क्युइ क्हि म्रोंमा चमैं ङ्हिंयाँइ, धै थेबै मा ङ्युँइ त्हारइ।

भजनमैं 81:11

“दिलेया ङ‍ए म्हिमैंइ ङइ बिबै ताँ थेल् आङिं; इस्रएल ङए न्होंर टिल् आङिं।

भजनमैं 81:6

“क्हेमैंए प्हैंदउँइँले ङइ ल्हिबै ति तमिंइ; ल्हिबै ट्हलोउँइँले क्हेमैंए यो तेमिंइ।

भजनमैं 81:7

दुःख तमा क्हेमैंइ ङने ग्वार ह्रिइ, धै क्हेमैंए दु:खउँइँले ङइ फ्रेमिंइ। मु ङ्हेबै क्‍ल्‍ह्‍योउँइँले खाबज्यै आम्रोंल्‍ले ङइ क्हेमैंलाइ ज्वाफ पिंइ; मेरिबार त्होंखबै क्युर ङइ क्हेमैंए जाँच लइ। तियाँदे मैंन्

प्रस्थान 1:11

छतसि मिश्रीमैंइ इस्राएलीमैंलाइ बेल्‍ले गारो के ल्हैदिबै चिब्मैं त्हाँइ। धै चमैंइ फारोए ल्हागिर पिताम नेरो रामसेस बिबै म्ल्ह नारिमै खुथेंबै सहरमैं बनेइ।

प्रस्थान 12:41

प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 12:51

याहवेहजी इस्राएलीमैंलाइ टोलि-टोलि लसि मिश्रउँइँले च त्हिंइर्न तेसि पखइ।

प्रस्थान 13:14

प्हँना लिउँइँ क्हेमैंए च्हमैंइ तले छ लब् जा बिसि क्हेमैंने ङ्योए बिस्याँ, च त्हेर क्हेमैंइ चमैंने छले बिद्, ‘याहवेहजी ङिलाइ केब्छैं तसि टिल् त्हुबै मिश्र ह्‍युलउँइँले ह्रोंसए शक्‍तिए योजी तेइ पखमिंइ।

प्रस्थान 13:16

चु याहवेहजी ङिलाइ ह्रोंसए शक्‍तोए योजी मिश्रउँइँले तेइ पखमिंइ बिसि क्हेमैंए ल्हागिर योर मुँबै चिनु, नेरो ङ्‍होर मुँबै चिनु घ्रि तब्मुँ।’”

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 15:13

क्हिए खोंयोंन् बिलै आखाँबै म्हाँयार क्हिजी मिश्रउँइँले फ्रेमिंबै म्हिमैं डोरेब्मुँ। क्हिजी ह्रोंसए भोंउँइँले चमैं क्हिए पबित्र क्ल्ह्‍योर डोरेब्मुँ।

प्रस्थान 16:6

छतसि मोशा नेरो हारूनइ ताँन् इस्राएलीमैंने बिइ, “याहवेहजीन् क्हेमैंलाइ मिश्रउँइँले तेइ पखब् ग बिसि क्हेमैंइ तिंयाँबै ङेसर था सेब्मुँ,

प्रस्थान 18:1

परमेश्‍वरजी मोशा नेरो खीए इस्राएली म्हिमैं मिश्रउँइँले तेइ पखमा चमैंए ल्हागिर तोन्दोंरि लबै केमैं मिद्यानर्बै खेगि यित्रो, मोशाए क्येंइ थेइ।

प्रस्थान 2:11

मोशा फ्रेंसि तबै लिउँइँ ह्रोंसए म्हिमैं हिब्रूमैं ङाँर ह्‍याइ। चर चमैंइ ल्हें ल्हें दुःख योंरिब् म्रोंइ। च्हमन ह्रोंसए हिब्रू म्हि घ्रिलाइ मिश्रीइ धोंरिबै या चइ म्रोंइ।

प्रस्थान 3:17

ङइ क्हेमैंलाइ मिश्रर्बै दुःखउँइँले ‍तेसि छ्याँब नेरो थेबै ह्‍युलर अथवा ङ्‍हे नेरो खुदु ल्हेंयाबै ह्‍युलर पखबर ङइ बाछा लइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।’

प्रस्थान 3:8

छतसि चमैं मिश्रीमैंए योउँइँले फ्रेसि च ह्‍युलउँइँले छ्याँब नेरो थेबै ह्‍युलर, अथवा ङ्‍हे नेरो खुदु ल्हें योंबै ह्‍युलर पखबर ङ तयुइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।

प्रस्थान 32:11

दिलेया मोशाइ ह्रोंसए याहवेह परमेश्‍वरने यो छ्युँ लसि “ओ याहवेह!” बिइ। “क्हिइ ह्रोंसए थेबै भों मुँबै योइ मिश्रउँइँले तेइ पखबै ह्रोंसए म्हिमैंए फिर तले च्हौ थेबै ह्रिस खल?

प्रस्थान 6:2

झाइले परमेश्‍वरजी मोशाने धबै बिइ, “ङ याहवेह ग!

प्रस्थान 6:29

“ङ याहवेह ग। ङइ क्हिने तो-तो ताँ बिबर ल्हैदिइमुँ, च ताँन् मिश्रर्बै फारो म्रुँने बिद्,” बिइ।

प्रस्थान 6:8

धै ङइ अब्राहाम, इसहाक नेरो याकूबने बाछा फैसि पिंम् बिबै ह्‍युलर क्हेमैंलाइ पखब्मुँ, धै च ह्‍युल क्हेमैंलाइ क्ल्हे तबर पिंब्मुँ। ङन् याहवेह ग।’ बिसि चमैंलाइ बिद्।”

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

चेला चिब्मैंए केमैं 13:17

इस्राएली ह्रेंर्बै परमेश्‍वरजी ङ्योए खेमैं त्हाँइ। चमैं मिश्र ह्‍युलर टिमा खीजी चमैंलाइ थेबै ह्रें लमिंइ, धै खीए शक्‍ति मुँबै योजी चमैं च ह्‍युलउँइँले तेसि पखमिंइ।