प्रस्थान 6:4 - परमेश्‍वरए ताँ तमु क्युइर

⁴ चमैं आगुए ह्‍युलर ह्‍यासि टिबै कनान बिबै ह्‍युल ङइ चमैंलाइ पिंम् बिसि चमैंने बाछा फैइ।

प्रस्थान 6:4 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 15:13

च लिउँइँ याहवेहजी अब्रामने बिइ, “क्हिए प्हसेमैं आगुए ह्‍युलर बसैं ह्‍यासि टिब्मुँ, च ह्‍युलर्बै म्हिमैंए केब्छैंमैं तब्मुँ, छले प्लिब्ब्रा बर्ष समा चमैंइ ल्हें दुःख योंल् त्हुब्मुँ बिसि खैलसेया मैंथेंन्।

उत्पत्ति 15:18

च त्हिंइर्न याहवेहजी अब्रामने छ बिसि बाछा फैइ, “मिश्र ह्‍युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्‍युलै या ङइ क्हिए प्हसेमैंलाइ पिंइमुँ।

उत्पत्ति 17:13

छलमा ङए बाछा क्हेमैंए ट्हुबिर खोंयोंइ बिलै तरिब्मुँ।

उत्पत्ति 17:4

“थेद्! ङइ फैबै बाछा क्हिने बालुन् मुँ। क्हि ल्हें ह्रेंमैंए खे तब्मुँ।

उत्पत्ति 23:4

“ङ अरू ह्‍युलउँइँले खसि क्हेमैंए म्हाँजोर टिइमुँ। ङए प्ह्रेंस्यो सियाइ। छतसि सिनु पाबै छगोंए ल्हागिर क्ल्ह्‍यो घ्रि ङने चुँन् ओ।”

उत्पत्ति 26:3

ङ क्हिने बालु तब्मुँ, धै क्हिए फिर आशिक पिंब्मुँ। चु ताँन् ह्‍युल क्हि नेरो क्हिए सन्तानमैं पिंब्मुँ। क्हिए आबा अब्राहामने बालु फैबै बाछा ङइ पूरा लब्मुँ।

उत्पत्ति 26:4

मुर्बै सारमैं धोंले क्हिए सन्तानमैं ल्हें लमिंब्मुँ। धै चु ताँन् ह्‍युल चमैंलाइ पिंब्मुँ। क्हिए सन्तानमैंउँइँलेन् ह्‍युलर्बै ताँन् ह्रेंमैंइ आशिक योंब्मुँ।

उत्पत्ति 28:13

याहवेह चए रेर रासि याकूबने बिइ, “ङ याहवेह, क्हिए बाज्यु अब्राहामए परमेश्‍वर नेरो क्हिए आबा इसहाकए परमेश्‍वर ग। क्हि तोगो रोरिबै क्ल्ह्‍यो क्हि नेरो क्हिए सन्तानमैं ङइ पिंब्मुँ।

उत्पत्ति 28:4

क्हि तोगो चुर आगुए ह्‍युलर टिरिइमुँ, दिलेया परमेश्‍वरजी चु ह्‍युल अब्राहामलाइ पिंब् ग। क्हि चु ह्‍युलर्बै क्ल्हे तरिगे बिसि परमेश्‍वरजी अब्राहामए फिर पिंबै आशिक क्हि नेरो क्हिए प्हसेंमैंलाज्यै या पिंरिगे।”

उत्पत्ति 6:18

दिलेया ङइ क्हिने बाछा फैब्‍मुँ। क्हि, क्हिए प्ह्रेंस्यो नेरो क्हिए च्ह-चोंमैं ताँन् क्यु झाज न्‍‍होंर होंब्मुँ।

भजनमैं 105:11

खीजी याकूबने च क्ह्रोंसेंन्बै निसाफ बनेइ, छले इस्राएलने खोंयोंन् बिलै तरिबै बाछा खीजी फैइ।

भजनमैं 105:12

कनान ह्‍युलरि चमैं च्योमा च्युगुदे मत्‍त्रे मुँल, सारय च्युगुदे, चमैं आगुए ह्‍युलर्बै म्हिमैं धों मुँल,

प्रस्थान 13:4

आबीब म्हैंनर्बै तिंयाँबै त्हिंइर क्हेमैं मिश्र ह्‍युलउँइँले त्होंइ ह्‍यासिन् मुँ।

प्रस्थान 13:5

याहवेहजी क्हेमैंने कनानी, हित्ती, एमोरी, हिव्वी नेरो यबूसीमैंए ह्‍युल अथवा ङ्‍हे नेरो क्वे खुदु बगेबै ह्‍यु‍लर पखब्मुँ, च ह्‍युल खीजी क्हेमैंए खेमैंने पिंम् बिसि ओंसों बाछा फैल, छतसि चु म्हैंनर चु चाड म्हाँदिद्।

प्रस्थान 6:8

धै ङइ अब्राहाम, इसहाक नेरो याकूबने बाछा फैसि पिंम् बिबै ह्‍युलर क्हेमैंलाइ पखब्मुँ, धै च ह्‍युल क्हेमैंलाइ क्ल्हे तबर पिंब्मुँ। ङन् याहवेह ग।’ बिसि चमैंलाइ बिद्।”

चेला चिब्मैंए केमैं 7:5

च त्हेर परमेश्‍वरजी चलाइ चु ह्‍युलर धिं नाँ तोइ आपिंल, प्हले म्हैबै क्ल्ह्‍यो या आपिंल। च्हमा चला प्हसेमैं आतलेया परमेश्‍वरजी खीने ‘चु ह्‍युल ङइ क्हिए सन्तान्‍मैं पिंब्मुँ’ बिसि बाछा फैल।