प्रस्थान 6:3 - परमेश्‍वरए ताँ तमु क्युइर

³ अब्राहाम, इसहाक नेरो याकूब ङाँर ङ तोन्दोंरि सै लल् खाँबै परमेश्‍वरए क्हो किंसि म्रोंयुइ। दिलेया याहवेह बिबै ङए मिंउँइँले चमैं ङाँर आम्रोंयु।

प्रस्थान 6:3 ပူးပေါင်းရင်းမြစ်များ

उत्पत्ति 13:18

झाइले अब्रामइ ह्रोंसए तम्बु सार्दिसि हेब्रोनर मुँबै मम्रेए फलाँटए सिंधुमैं ङाँर खसि चर्न टिइ। चइ चर याहवेहए ल्हागिर ख्रो पिंबै क्ल्ह्‍यो घ्रि बनेइ।

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

उत्पत्ति 22:14

छतसि अब्राहामइ च क्ल्ह्‍योए मिं “याहवेहजी जुरेमिंब्मुँ” थेंइ। “याहवेहए कोंर खीजी जुरेमिंब्मुँ” बिसि तिंजरो या म्हिमैंइ बिरिम्।

उत्पत्ति 28:3

तोन्दोंरि सै लल् खाँबै परमेश्‍वरजी क्हिए फिर आशिक पिंरिगे, धै क्हिइ प्हसेमैं ल्हें योंसि क्हिए सन्तान बेल्‍ले ल्हें तरिगे। धै क्हि ल्हें ह्रेंमैंए खे तरिगे।

उत्पत्ति 35:11

परमेश्‍वरजी चने धबै बिइ, “ङ तोन्दोंरि सै लल् खाँबै परमेश्‍वर ग। क्हिए सन्तानमैं ल्हें तब्मुँ। क्हिउँइँलेन् ल्हें ह्रेंमैं तखब्मुँ। धै क्हि म्रुँमैंए खे तब्मुँ।

उत्पत्ति 48:3

याकूबइ योसेफने बिइ, “कनान ह्‍युलर्बै लूजरि तोन्दोंरि सै लल् खाँबै परमेश्‍वर ङ ङाँर म्रोंयुइ।

भजनमैं 68:4

परमेश्‍वरए मिंर क्वे प्रिंन्, खीए मिं थेब् लबै क्वे प्रिंन्; न्हाँम्स्योमैंए फिर क्रेसि स्युरबै परमेश्‍वरलाइ थेब् लद्; खीए मिं याहवेह ग; खीए उँइँर सैं तोंन्!

भजनमैं 83:18

चमैं खोंयोंन् बिलै फापिल् त्हुरिगे, चमैं ङ्हिंरिगे, धै चमैं आब्रु ह्‍याल्‍ले सियारिगे।

प्रस्थान 15:3

याहवेहन् ल्हडेंर नेमुँ, खीए मिं याहवेह ग।

प्रस्थान 23:21

क्हेमैंइ चए ताँ छेनाले थेद्, तलेबिस्याँ चलाइ ङइ कुलब् ग। छतसि चए बिरोध आलद्, आस्याँ चइ क्हेमैंए पापमैं क्षमा लरिब् आरे।

प्रस्थान 3:14

छबिमा परमेश्‍वरजी मोशाने बिइ, “ङ ग, च ङन् ग।” धबै खीजी बिइ, “इस्राएलीमैंने क्हिइ छ बिद्, ‘ङ ग’ बिबजी क्हेमैं ङाँर ङ कुलब् ग।”

यूहन्‍ना 8:58

येशूजी चमेंने बिइ, “क्ह्रोंसेंन ङ क्हेमैंने बिमुँ, अब्राहाम मुँब् भन्दा ओंसों ओंनोंन् ङम् ङन् ग।”

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।

रूथ 1:20

नाओमीइ चमैंने बिइ, “अँ ङ नाओमीन् ग, दिलेया क्हेमैंइ ङने नाओमी आबिद्; ङलाइ मारा बिद्, तलेबिस्याँ ताँन् भन्दा थेबै परमेश्‍वरजी ङए छ्ह बेल्‍ले काँब लइमुँ।