प्रस्थान 6:1 - परमेश्‍वरए ताँ तमु क्युइर

¹ च त्हेर याहवेहजी मोशाने बिइ, “ङइ फारोलाइ तो लब्मुँ बिसि तारे क्हिइ म्रोंब्मुँ। ङए भोंबै योइ लमा चइ क्हेमैं ह्‍याल् पिंब्मुँ। ङए भोंबै योइ लमा चइ ह्रोंसए ह्‍युलउँइँले चमैंलाइ ल्हावाब्मुँ।”

प्रस्थान 6:1 ပူးပေါင်းရင်းမြစ်များ

भजनमैं 12:5

“आखाँम्मैं लुडिवाइमुँ, धै ङ्हाँदुमैंइ दुःखए सो हेंइमुँ। छतसि तारे ङ रेब्मुँ, धै चमैंए न्होह्रों लब्मैंउँइँले ङइ चमैं जोगेमिंब्मुँ,” बिसि याहवेहजी बिमुँ

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 136:12

खीए भोंबै यो नेरो पाखरइ चमैं तेसि पखइ। खीए म्हाँया खोंयोंन् बिलै तरिम्।

भजनमैं 89:13

क्हिए पाख्रर बेल्‍ले शक्ति मुँ; क्हिए यो भोंब मुँ, क्हिए क्योलो यो नुब मुँ।

प्रस्थान 11:1

झाइले याहवेहजी मोशाने बिइ, “ङइ धबै थेबै दुःख घ्रि फारो नेरो मिश्रफिर कुलब्मुँ। च लिउँइँ चइ क्हेमैं च ह्‍युलउँइँले छेनाले ह्‍याल् पिंब्मुँ।

प्रस्थान 12:31

छतमा फारोइ म्हुँइँसर्न मोशा नेरो हारून हुइबर कुलसि बिइ, “क्हेमैं नेरो इस्राएलीमैं ताँन् ङए म्हिमैंए म्हाँजोउँइँले त्होंइ ह्‍याद्, धै क्हेमैंइ बिब् धोंलेन् याहवेहए सेवा लद्।

प्रस्थान 12:33

मिश्रीमैंइ इस्राएलीमैंलाइ युनन् खेंमैंए ह्‍युलउँइँले कुलबै सैं लइ। “चुमैंलाइ युनन् आकुलस्याँ ङि ताँन् सिब्मुँ,” बिसि चमैंइ बिइ।

प्रस्थान 12:39

चमैंइ ह्रोंसने बालु मिश्रउँइँले पखबै चेंबै प्रोला प्लेढा आझोंल्‍ले क्हें बनेइ। तलेबिस्याँ चमैं मिश्रउँइँले ल्हामा ह्रोंसए ल्हागिर चबै सैमैं बनेबै त्हे आयोंल।

प्रस्थान 13:14

प्हँना लिउँइँ क्हेमैंए च्हमैंइ तले छ लब् जा बिसि क्हेमैंने ङ्योए बिस्याँ, च त्हेर क्हेमैंइ चमैंने छले बिद्, ‘याहवेहजी ङिलाइ केब्छैं तसि टिल् त्हुबै मिश्र ह्‍युलउँइँले ह्रोंसए शक्‍तिए योजी तेइ पखमिंइ।

प्रस्थान 13:16

चु याहवेहजी ङिलाइ ह्रोंसए शक्‍तोए योजी मिश्रउँइँले तेइ पखमिंइ बिसि क्हेमैंए ल्हागिर योर मुँबै चिनु, नेरो ङ्‍होर मुँबै चिनु घ्रि तब्मुँ।’”

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 13:9

याहवेहजी ह्रोंसए शक्‍तिए योजी मिश्रउँइँले क्हेमैं तेइ पखब् ग। छतसि याहवेहजी पिंबै ठिमर्बै ताँमैं क्हेमैंए सुँर तरिगे बिसि क्हेमैंए ल्हागिर योर नेरो ङ्‍होए ओंसों क्हेमैंलाइ मैंल् लमिंबै चिनु तब्मुँ।

प्रस्थान 14:13

मोशाइ इस्राएलीमैंने बिइ, “क्हेमैं आङ्हिंन्ले सैं भोंब लद्। ङ्ह्‍योद्! याहवेहजी तिंयाँ क्हेमैंलाइ मिश्रउँइँले फ्रेमिंब्मुँ। चु मिश्रीमैं क्हेमैंइ तिंयाँ म्रोंइमुँ, तारे क्हेमैंइ धबै चमैंलाइ खोंयोंन् बिलै म्रोंरिब् आरे।

प्रस्थान 15:6

“ओ याहवेह, क्हिए क्योलो यो बेल्‍ले भोंब् मुँल। ओ याहवेह, क्हिए क्योलो योइ शत्तुरमैं त्हुला भुँ लवाइ।

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

चेला चिब्मैंए केमैं 13:17

इस्राएली ह्रेंर्बै परमेश्‍वरजी ङ्योए खेमैं त्हाँइ। चमैं मिश्र ह्‍युलर टिमा खीजी चमैंलाइ थेबै ह्रें लमिंइ, धै खीए शक्‍ति मुँबै योजी चमैं च ह्‍युलउँइँले तेसि पखमिंइ।