प्रस्थान 5:21 - परमेश्‍वरए ताँ तमु क्युइर

²¹ झाइले चमैंइ बिइ, “क्हेमैंइ तो तो लइमुँ? याहवेहजी म्रोंसि क्हेमैंए निसाफ लरिगे, तलेबिस्याँ क्हेमैंइ फारो नेरो चए के लबै चिब्मैंइ ङिलाइ आखोब्मैं लमिंइमुँ। छतसि ङिलाइ सैबर क्हेमैइ चमैंए योर सेलाँ पिंइमुँ।”

प्रस्थान 5:21 ပူးပေါင်းရင်းမြစ်များ

उत्पत्ति 16:5

छतमा साराई अब्रामने बिइ, “ङए फिर खबै अनिया क्हिए फिर खरिगे। ङइ ह्रोंसए केब्स्यो क्हिने बालु तबर पिंब् ग, च प्हसे नोबै तोदोंन् ङलाइ म्हि आच्हिबर होंइ। छतसि याहवेहजी क्हि नेरो ङए म्हाँजोरि निसाफ लमिंरिगे।”

उत्पत्ति 31:53

क्हिए बाज्यु अब्राहाम नेरो ङए बाज्यु नाहोर नेरो चमैंए आबा तेराहए परमेश्‍वरजी ङ्योए म्हाँजोर निसाफ लरिगे।” छतसि याकूबइ ह्रोंसए आबा इसहाकए परमेश्‍वर साक्षि थेंसि कसम चइ।

उत्पत्ति 34:30

झाइले याकूबइ शिमियोन नेरो लेबीने बिइ, “कनानी नेरो परिज्जीथेंमैंए उँइँर क्हेमैंइ ङ खाबज्यै आखोब नेरो आक्वेंब लमिंसि दुःख योंल् लमिंइ। ङए म्हिमैं च्युगुदे मुँ। खनिज्यै चुर्बै म्हिमैं ताँन् त्हुँसि ङने नेखस्याँ ङ नेरो ङए परवामैं ताँन् सैवाब्मुँ।”

प्रस्थान 14:11

चमैंइ मोशाने बिइ, “मिश्रर छगोंमैं आरेल् वा? क्हिइ चु क्यु आयोंबै क्ल्ह्‍योर ङि सिबर पखल् वा? ङि मिश्रउँइँले पखसि खैइ तब् ङे?

प्रस्थान 15:24

छतसि म्हिमैंइ “ङि तो थुँब?” बिसि मोशाने गनगन लबर होंइ।

प्रस्थान 16:2

चर फेखमा ताँन् म्हिमैं मोशा नेरो हारूनने गनगन लबर होंइ।

प्रस्थान 4:31

छले उँइँमा हारूनइ बिबै ताँ म्हिमैंइ क्वेंइ। धै याहवेहजी इस्राएलीमैंए न्हुँ लमना धै चमैंए दुःख या म्रोंइमुँ बिसि चमैंइ थेमा चमैंइ क्र कुरसि याहवेहलाइ फ्योसि खीए मिं क्वेइ।

प्रस्थान 5:20

झाइले च नाइकेमैं फारो ङाँइँले त्होंखमा मोशा नेरो हारूनलाइ घ्याँर पैंरिब स्याइ।

प्रस्थान 6:9

मोशाइ इस्राएलीमैंने छान् बिसि बिमिंइ, दिलेया चमैं आगुए केब्छैं तसि टिल् त्हुबइले चमैंए सैं सियाल। छतसि चमैंइ मोशाए ताँ थेल् आङिं।