प्रस्थान 5:1 - परमेश्‍वरए ताँ तमु क्युइर

¹ च लिउँइँ मोशा नेरो हारून फारो म्रुँ ङाँर ह्‍यासि बिइ, “‘क्यु आयोंबै क्ल्ह्‍योर ङए ल्हागिर चाड म्हाँदिबर ङए म्हिमैं ह्‍याल् पिंन्,’ बिसि इस्राएलीमैंए याहवेह परमेश्‍वरजी बिइमुँ।”

प्रस्थान 5:1 ပူးပေါင်းရင်းမြစ်များ

भजनमैं 119:46

म्रुँमैंए उँइँर क्हिजी बिबै ताँमैंए बारेर ङ पोंब्मुँ, धै ङ फापिल् त्हुरिब् आरे।

प्रस्थान 10:3

छतसि मोशा नेरो हारून फारो ङाँर ह्‍यासि चने बिइ, “हिब्रूमैंए याहवेह परमेश्‍वरजी क्हिने ‘खोंयों समा क्हि च्योंने तसि ङइ बिब् आङिं?’ बिइ। ‘ङए सेवा लरिगे बिसि ङए म्हिमैं ह्‍याल् पिंन्।

प्रस्थान 10:4

क्हिइ ङए म्हिमैं ह्‍याल् आपिंस्याँ प्हन्हाँग ङइ क्हिए ह्‍युलर तिरिमैं पखब्मुँ।

प्रस्थान 10:9

मोशाइ बिइ, “ङि, ङिए कोलोमैं, खेब् माँब्मैं, च्ह च्हमिमैं, र-क्युमैं नेरो खेदोमैं किंसि ह्‍याब्मुँ, तलेबिस्याँ ङिइ याहवेहए ल्हागिर चाड म्हाँदिल् त्हुम्।”

प्रस्थान 3:18

“इस्राएलर्बै चिबनाँबमैंइ क्हिए ताँ थेब्मुँ, धै क्हि नेरो चिबनाँबमैं मिश्रर्बै म्रुँ ङाँर ह्‍यासि क्हेमैंइ चने छ बिद्, ‘हिब्रूमैंए याहवेह परमेश्‍वरजी ङिने त्होइमुँ। छतसि तारे ङि क्हिने बिन्ति लमुँ, ङिए याहवेह परमेश्‍वरए ल्हागिर क्यु आयोंबै क्ल्ह्‍योर ख्रो पिंबर सोंरोबै घ्याँर ङि ह्‍याल् पिंन्।’

प्रस्थान 33:13

क्हिए म्हाँया ङए फिर मुँ बिस्याँ, ङइ क्हिलाइ ङो सेल् खाँरिगे धै क्हिए उँइँर छ्याँबै केमैं लसि क्हिलाइ सैं तोंन् लल् खाँरिगे बिसि ङलाइ क्हिए घ्याँ उँइँमिंन्। चु ह्रें (जात) क्हिलन् ग बिसि मैंमिंन्।”

प्रस्थान 4:23

चइ ङए सेवा लबर ङए च्ह ह्‍याल् पिंन् बिसि ङइ क्हिने बिइ, दिलेया क्हिइ चलाइ ह्‍याल् आपिं। छतसि ङइ क्हिए च्ह थेब सैवाब्मुँ।’”

प्रस्थान 6:11

“ह्‍याद्, मिश्रर्बै फारो म्रुँने ‘इस्राएलीमैं क्हिए ह्‍युलउँइँले ह्‍याल् पिंन्!’ बिसि बिद्।”

प्रस्थान 6:27

मिश्रर्बै फारो म्रुँने “इस्राएलीमैंलाइ मिश्रउँइँले ह्‍याल् पिंन्!” बिब चु मोशा नेरो हारून मुँल।

प्रस्थान 7:16

झाइले चने छ बिद्, ‘हिब्रूमैंए याहवेह परमेश्‍वरजी ङलाइ क्हि ङाँर कुलइमुँ। खीजी क्हिने “ङए म्हिमैंलाइ क्यु आयोंबै क्ल्ह्‍योर ङए सेवा लबर ह्‍याल् पिंन्!” बिइ। दिलेया तोगो समा क्हिइ ह्‍याल् आपिं।

प्रस्थान 7:2

ङइ क्हिने बिबै ताँन् ताँमैं क्हिइ क्हिए आघें हारूनने बिद्, धै क्हिए आघें हारूनइ इस्राएलीमैंलाइ ह्रोंसए ह्‍युलर ह्‍याल् पिंन् बिसि फारोने बिब्मुँ।

प्रस्थान 8:1

धबै याहवेहजी मोशाने बिइ, “फारो ङाँर ह्‍यासि ‘ङए म्हिमैं ङए सेवा लबर ह्‍याल् पिंन् बिसि याहवेहजी बिइमुँ,’ बिद्।

प्रस्थान 8:16

छतमा याहवेहजी धबै मोशाने बिइ, “त्हुलउँइँले मिश्र तिगोंन् मोसोमैं तयारिगे बिसि प्हरे किंसि त्हुलर प्रिंन् बिसि हारूनने बिद्।”

प्रस्थान 8:17

याहवेहजी मोशाने बिब् धोंले हारूनइ प्हरे किंसि स त्हुलर प्रिंमा मिश्र ह्‍युलर्बै ताँन् स त्हुला मोसो मोसोन् तयासि म्हिमैं नेरो खेदोमैंने कुयाइ।

प्रस्थान 8:20

धबै याहवेहजी मोशाने बिइ, “प्हन्हाँग न्हाँकर्न ह्‍यासि फारो स्योंर ह्‍याबै त्हेर चने त्होसि बिद्, ‘ङए सेवा लबर ङए म्हिमैं ह्‍याल् पिंन् बिसि याहवेहजी बिइमुँ’ बिद्।

प्रस्थान 8:27

ङि सोंरोबै घ्याँ ह्‍यासि क्यु आयोंबै क्ल्ह्‍योर ह्रोंसए परमेश्‍वरजी बिब् धोंलेन् खीए ल्हागिर ङिइ ख्रो पिंल् त्हुम्।”

प्रस्थान 9:1

याहवेहजी धबै मोशाने बिइ, “फारो ङाँर ह्‍यासि चने ‘ङए म्हिमैं ङए सेवा लबर ह्‍याल् पिंन् बिसि हिब्रूमैंए याहवेह परमेश्‍वरजी बिइमुँ,’ बिद्।

प्रस्थान 9:2

‘क्हिइ अझै चमैंलाइ ह्‍याल् आपिंल्‍ले क्वेइ थेंस्याँ

मत्ती 10:18

क्‍हेमैं ङए चेलामैं तबइले म्हिमैंइ क्‍हेमैं क्हासि क्रथेमैं नेरो म्रुँमैंए उँइँर राल् पिंब्‍मुँ। च त्हेर क्‍हेमैंइन चमैं नेरो अरू ह्रेंमैंने ङए ताँमैं बिमिंल् त्‍हुब्‍मुँ।

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

चेला चिब्मैंए केमैं 4:29

ओ प्रभु तारे, चमैंइ ङिलाइ हौदिमा क्हिजी ङ्ह्‍योमिंन्, धै क्हिए केब्छैंमैंइ आङ्हिंन्ले क्हिए ताँ पोंबै भों पिंन्।

१ कोरिन्थी 5:8

छतमा तारे ङ्योइ प्लेढा झोंबै क्हें धों तबै ओंसोंबै आछ्याँबै बानि ब्योर पिवासि छ्याँबै केमैं लदै क्ह्रोंसेंन्बै ताँमैं पोंदै प्लेढा आझोंबै क्हें चसि चाड म्हाँदिले।