प्रस्थान 40:34 - परमेश्‍वरए ताँ तमु क्युइर

³⁴ च लिउँइँ न्हाँम्स्योइ पबित्र तम्बु हुवामा याहवेहए चारबै ह्‍वेइ पबित्र तम्बु चारइ।

प्रस्थान 40:34 ပူးပေါင်းရင်းမြစ်များ

भजनमैं 26:8

ओ याहवेह, क्हि टिबै धिं, क्हिए चारबै ह्‍वे मुँबै क्‍ल्‍ह्‍योलाइ ङइ म्हाँया लम्।

प्रस्थान 14:24

झाइले च म्हुँइँसर याहवेहजी मिश्रीमैंए सिपाइमैंलाइ मि नेरो न्हाँम्स्योए त्होउँइँले ङ्‍ह्‍योइ, धै मिश्रीमैंए सिपाइमैं अलमल् लमिंइ।

प्रस्थान 16:10

झाइले इस्राएलर्बै ताँन् म्हिमैंने हारून छले पोंमा चमैंइ क्यु आयोंबै क्ल्ह्‍योउँइँ ङ्ह्‍योइ। छले ङ्ह्‍योमा न्हँम्स्योर याहवेहए चारबै ह्‍वे म्रोंइ।

प्रस्थान 25:8

“ङ चमैंए म्हाँजोर टिबर चमैंइ ङए ल्हागिर पबित्र तम्बु घ्रि टौंदिल् त्हुम्।

प्रस्थान 29:43

इस्राएलीमैंने ङ चर्न त्होब्मुँ। ङए चारबै ह्‍वेइ च तम्बु पबित्र लब्मुँ।

प्रस्थान 33:9

मोशा न्होंर होंमा न्हाँम्स्योए त्हो रासि च तम्बुए म्रार रामल। झाइले न्हाँम्स्योए म्हाँजोउँइँले याहवेहजी मोशाने ताँ सेमल।

रोमी 9:4

परमेश्‍वरजी चमैंलाइ ह्रोंसए म्‍हिमैं तबै ल्हागिर त्‍हाँइ। खीजी चमैंलाइ ह्रोंसए प्‍हसेमैं लसि खीए औदिबै केमैं उँइँमिंइ। खीजी चमैंए खेमैंने बाछा फैसि ठिम पिंइ, धै खीए सेवा लबै या लोमिंइ, छले खीजी फैबै बाछामैं चमैंइ योंइ।

दर्शन 15:8

च त्हेर परमेश्‍वरए चारबै ह्‍वे नेरो शक्‍तिउँइँले त्होंबै मिखुइ मन्‍दिर प्‍लिंयाइ। छतसि च स्‍वर्गदूत ङिउँइँले खबै थेबै दुःख ङि आखाँन् समा खाबै या च मन्‍दिर न्‍होंर ह्‍याल् आखाँ।

दर्शन 21:3

धै राजगद्दिउँइँले थेबै कैले छ बिब ङइ थेइ, “तारे परमेश्‍वर म्‍हिमैंने टिब्‍मुँ, झाइले चमैं खीए म्‍हिमैं तब्‍मुँ। परमेश्‍वर खीन् चमैंने तब्‍मुँ, धै खी चमैंए परमेश्‍वर तब्मुँ।