प्रस्थान 40:10 - परमेश्‍वरए ताँ तमु क्युइर

¹⁰ छलेन मिर ख्रोंसि ख्रो पिंबै क्ल्ह्‍यो नेरो चर्बै तोन्दोंरि सैमैं या छ्युगु फोसि पबित्र लद्। छलमा च ताँन् पबित्र तब्मुँ।

प्रस्थान 40:10 ပူးပေါင်းရင်းမြစ်များ

प्रस्थान 30:29

च सैमैं बेल्‍ले पबित्र तरिगे बिसि छले अभिषेक लसि पबित्र लद्। च सैमैं तो सैइ छुइलेया च पबित्र तब्मुँ।

प्रस्थान 40:11

झाइले क्यु झोंबै बाटा नेरो बाटाए प्हले या छ्युगु फोसि पबित्र लद्।

लूका 1:35

स्‍वर्गदूतइ चने बिइ, “पबित्र प्ल्ह क्‍हिए फिर युब्‍मुँ, धै ताँन् भन्दा थेबै परमेश्‍वरए शक्‍तिए छरिउँइँले क्‍हिइ प्‍हसे नोब्मुँ। छतसि क्‍हिए प्‍हसे पबित्र तब्मुँ, म्‍हिमैंइ खीने परमेश्‍वरए च्‍ह बिब्‍मुँ।

यूहन्‍ना 17:19

चमैं क्ह्रोंसेंन्बै पबित्र म्हिमैं तरिगे बिसि ङ चमैंए ल्हागिर ह्रोंसलाइ पबित्र लम्।

यूहन्‍ना 3:34

परमेश्‍वरजी कुल्मिंबै म्हिइ परमेश्‍वरए ताँ पोंम्, तलेबिस्याँ परमेश्‍वरजी खीए पबित्र प्ल्हइ प्लिमिंम्।

१ कोरिन्थी 1:30

तलेबिस्याँ ख्रीष्‍टउँइँलेन् परमेश्‍वरजी ङ्योलाइ छ्ह पिंइमुँ, ख्रीष्‍टउँइँले ङ्योइ बुद्धि योंइमुँ, ख्रीष्‍टउँइँलेन् ङ्योइ ठिक के लल् खाँमुँ, ख्रीष्‍टउँइँलेन् ङ्यो पबित्र तइमुँ, ख्रीष्‍टउँइँलेन् परमेश्‍वरजी ङ्योलाइ जोगेमिंइमुँ।

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।