प्रस्थान 38:9 - परमेश्‍वरए ताँ तमु क्युइर

⁹ छेनाले ख्रिंबै सुति क्वेंए पर्दामैं बनेसि याहवेहए पबित्र तम्बु थोइ। पर्दाए माइ हारबै भाग (दक्षिण) प्र क्रुल मुँल।

प्रस्थान 38:9 ပူးပေါင်းရင်းမြစ်များ

भजनमैं 100:4

धन्यबाद पिंदै खीए तगरउँइँले न्होंर होंन्, धै खीए मिं क्वेदै खीए ह्‍युमैंर ह्‍याद्! धै खीए मिं थेब् लदै धन्यबाद पिंन्,

भजनमैं 84:10

अरू क्‍ल्‍ह्‍योजरे हजार त्हिंइमैं थोब् भन्दा क्हिए ह्‍युमैंर तिगें टिब छ्याँब तम्। दुष्‍टमैंए तम्बुमैंर टिब् भन्दा बरु ङए परमेश्‍वरए धिंर रुँबै म्हि तब ङलाइ खोम्।

भजनमैं 84:2

याहवेहए धिंर टिबै ल्हागिर ङए सोइ थेबै इच्छा लम्, धै मूर्छ तम्; ङए खों नेरो ज्युइ सैं तोंसि खोंयोंन् बिलै तरिबै परमेश्‍वरलाइ क्वे प्रिंम्।

भजनमैं 89:7

स्वर्गदूतमैं च्होंबै क्ल्ह्‍योर परमेश्‍वरने बेल्‍ले ङ्हिंल् त्हुम्, धै खीए खागु मुँब्मैंइ खीए मान लल् त्हुम्।

भजनमैं 92:13

याहवेहजी च म्हिमैंलाइ ह्रोंसए धिंर रुँइँइमुँ; चमैं ङ्योए परमेश्‍वरए मन्दिरर मौलिदिब्मुँ।

प्रस्थान 26:1

“क्हिइ पर्दा च्युउलो झोंबै पबित्र तम्बु बनद्। च पर्दामैं छेनाले रोबै सुति क्वेंला तल् त्हुम्। च क्वेंमैं मु रङ (नीलो), कलेजी नेरो ओल्ग्या रङर्बै रुइ रोब तल् त्हुम्। माराए के लल् ह्रब्मैंइ बनेबै करूबमैं चर थेंन्।

प्रस्थान 38:10

च पर्दा च्योबै त्होमैं ङ्हिस्यु, चए क्योबै क्ल्ह्‍यो या ङ्हिस्युन् काँसाल मुँल। त्होए अङ्‍कुसिमैं नेरो छोमैं चाँदिल मुँल।

प्रस्थान 40:33

मोशाइ पबित्र तम्बु नेरो ख्रो पिंबै क्ल्ह्‍योए कारग्युले गेरा झोंसि ह्‍युए धेरा बनेइ, धै ह्‍युर्बै म्रार पर्दा झोंइ। छले मोशाइ ताँन् केमैं खाँइ।

प्रस्थान 40:8

ह्‍युर कारग्युले बार थोसि ह्‍युर्बै म्रार पर्दा झोंन्।