प्रस्थान 34:9 - परमेश्‍वरए ताँ तमु क्युइर

⁹ धै मोशाइ बिइ, “ओ याहवेह, क्हिए म्हाँया ङने मुँ बिस्याँ ङ यो छ्युँ लमुँ, क्हिन् ङिने बालु प्रमिंन्। चु म्हिमैं आच्योब्मैं मुँलेया ङिए दुष्‍ट केमैं नेरो पापए क्षमा लमिंसि ङिलाइ क्हिए म्हिमैं लमिंन्।”

प्रस्थान 34:9 ပူးပေါင်းရင်းမြစ်များ

भजनमैं 135:4

तलेबिस्याँ याहवेहजी याकूबलाइ ह्रोंसल् लबर, धै इस्राएलीमैंलाइ ह्रोंसए म्हिमैं तबर त्हाँइमुँ।

भजनमैं 25:11

ओ याहवेह, ङइ आछ्याँबै केमैं ल्हें लइ। ङलाइ क्षमा पिंन्, तलेबिस्याँ क्हि क्षमा पिंबै परमेश्‍वर ग।

भजनमैं 28:9

क्हिए म्हिमैं जोगेमिंन्, धै ह्रोंसजी त्हाँबै म्हिमैंलाइ आशिक पिंन्! चमैंए प्ह्रोंछैं तमिंनु, धै खोंयोंन् बिलै चमैंए वास्ता लमिंन्।

भजनमैं 33:12

याहवेहलाइ परमेश्‍वर बिसि म्हाँदिबै म्हिमैंइ आशिक योंम्। खीजी ह्रोंसए म्हिमैं लबर चमैंलाइ त्हाँइ।

भजनमैं 78:62

खीजी ह्रोंसए म्हिमैं सेलाँइ सैल् पिंइ, धै चमैंने बेल्‍ले ह्रिस खइ।

भजनमैं 94:14

तलेबिस्याँ याहवेहजी ह्रोंसए म्हिमैंलाइ भ्योंरिब् आरे; खीजी ह्रोंसजी त्हाँबै म्हिमैं पिरिब् आरे।

प्रस्थान 19:5

तारे ङए ताँ छेनाले थेसि ङने बाछा फैब् धोंले क्हेमैं प्रइ बिस्याँ, ताँन् ह्‍युल ङलन् तलेया ताँन् ह्रेंमैं न्होंरि क्हेमैं ङए म्हिमैं तब्मुँ।

प्रस्थान 32:9

याहवेहजी मोशाने बिइ, “चु म्हिमैं बेल्‍ले आच्योब्मैं मुँन बिसि ङइ म्रोंइ।

प्रस्थान 33:12

झाइले मोशाइ याहवेहने बिइ, “क्हिजी ङने ‘चु म्हिमैं बोसि ह्‍याद्,’ बिमुँ, दिलेया ङने बालु खा-खाब् कुलम् बिसि क्हिजी ङने आबिइमुँ। ‘ङइ क्हिलाइ क्हिए मिंइ सेम्: धै क्हिए फिर ङए म्हाँया मुँ,’ बिसि क्हिजी बिइमुँ।

प्रस्थान 34:7

ङइ हजार-हजार पुस्ताए फिर आशिक पिंमुँ, धै दुष्‍ट केमैं, प्होंगि कैगि लब नेरो पापए क्षमा लमिंम्। दिलेया दोषिलाइ खैले बिलेना सजैं पिंमुँ। आबा-आमाइ लबै पापए दण्ड चमैंए च्ह-च्हमिमैं, क्वें-क्वेंमिमैं पुस्ता सों प्लि समा पिंमुँ।”

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”