प्रस्थान 34:7 - परमेश्‍वरए ताँ तमु क्युइर

⁷ ङइ हजार-हजार पुस्ताए फिर आशिक पिंमुँ, धै दुष्‍ट केमैं, प्होंगि कैगि लब नेरो पापए क्षमा लमिंम्। दिलेया दोषिलाइ खैले बिलेना सजैं पिंमुँ। आबा-आमाइ लबै पापए दण्ड चमैंए च्ह-च्हमिमैं, क्वें-क्वेंमिमैं पुस्ता सों प्लि समा पिंमुँ।”

प्रस्थान 34:7 ပူးပေါင်းရင်းမြစ်များ

उत्पत्ति 19:16

दिलेया लोतइ क्हैल् लरिमा याहवेहजी चमैंए फिर ल्हयो खसि स्वर्गदूतमैंइ लोत, चए प्ह्रेंस्यो नेरो च्हमि ङ्हिंए यो क्हासि च क्ल्ह्‍योउँइँले बैरु पखइ।

भजनमैं 103:3

क्हिइ लबै ताँन् छेरन् ङ्हाँबै केमैं खीजी क्षमा लमिंम्; धै क्हिए ताँन् नब-छब सल् लमिंम्,

भजनमैं 109:14

चए खेबाज्युइ लबै आछ्याँबै केमैं याहवेहजी मैंरिगे, धै चए आमाइ लबै पाप खोंयोंइ आमेटिरिगे!

भजनमैं 130:4

दिलेया क्हिजी क्षमा पिंम्, छतसि ङइ क्हिलाइ मान लम्।

भजनमैं 136:10

खीजी मिश्र ह्‍युलर्बै च्ह थेब ताँन् सैवाइ। खीए म्हाँया खोंयोंन् बिलै तरिम्।

भजनमैं 136:15

मिश्रर्बै म्रुँ फारो नरो चए सेनालाइ खीजी ओल्ग्या मा ङ्युँइर भ्योंवाइ। खीए म्हाँया खोंयोंन् बिलै तरिम्।

भजनमैं 25:11

ओ याहवेह, ङइ आछ्याँबै केमैं ल्हें लइ। ङलाइ क्षमा पिंन्, तलेबिस्याँ क्हि क्षमा पिंबै परमेश्‍वर ग।

भजनमैं 86:15

दिलेया ओ प्रभु, क्हि ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 99:8

ओ ङिए याहवेह परमेश्‍वर, क्हिजी चमैंलाइ ज्वाफ पिंइ; क्हिजी चमैंइ लबै आछ्याँबै केमैंए दण्ड पिंलेया चमैंलाइ क्षमा पिंबै परमेश्‍वर क्हि ग।

प्रस्थान 23:21

क्हेमैंइ चए ताँ छेनाले थेद्, तलेबिस्याँ चलाइ ङइ कुलब् ग। छतसि चए बिरोध आलद्, आस्याँ चइ क्हेमैंए पापमैं क्षमा लरिब् आरे।

प्रस्थान 23:7

“स्योर ताँ तिफुँइ पोंसि छ्याब आल्हैदिद्। छ्याब् आरेबै म्हि नेरो स्योर आतेबै म्हिलाइ सिबै दण्ड आपिंन्, तलेबिस्याँ छ्याब् मुँबै म्हिलाइ ङइ खोंयोंन् बिलै छ्याब् आरे बिल् आखाँ।

प्रस्थान 33:19

याहवेहजी बिइ, “ङ क्हिए उँइँर्न ङए औदिबै छ्याँबै केमैं उँइँमिंसि ‘याहवेहए’ मिं ओरसि पोंब्मुँ। खाबलाइ ङ दयाम्हाँया लदा ङ्हाँमुँ चलाइ ङ दयाम्हँया लमुँ, खाबलाइ ल्हयो खदा ङ्हाँमुँ चलाइ ङ ल्हयो खमुँ।

प्रस्थान 34:9

धै मोशाइ बिइ, “ओ याहवेह, क्हिए म्हाँया ङने मुँ बिस्याँ ङ यो छ्युँ लमुँ, क्हिन् ङिने बालु प्रमिंन्। चु म्हिमैं आच्योब्मैं मुँलेया ङिए दुष्‍ट केमैं नेरो पापए क्षमा लमिंसि ङिलाइ क्हिए म्हिमैं लमिंन्।”

मत्ती 12:31

छतसि ङ क्हेमैंने बिमुँ, म्हिमैंइ लबै पाप केमैं नेरो परमेश्‍वर स्यारबै ताँमैं क्षमा योंल् खाँम्, दिलेया पबित्र प्ल्हए बिरोधर पोंबै ताँमैं नेरो आछ्याँबै केमैंए क्षमा योंरिब् आरे।

मत्ती 6:12

ङिए फिर आछ्याँब् लब्मैंलाइ ङिइ क्षमा पिंल् खाँब् धोंले ङिइ लबै आछ्याँबै केमैंउँइँले ङि क्षमा पिंनु।

लूका 7:42

ङ्हिंना-ङ्हिंनइ च छे फोल् आखाँमा प्लबै म्हिइ चमैं ङ्हिंए छे माफ लमिंइ। छतसि लु बित्ति! तारे चमैं ङ्हिंए न्‍होंरि खाबइ च म्हिलाइ ल्हें म्‍हाँया ललै?”

लूका 7:48

झाइले येशूजी च च्हमिरिने “क्‍हिए पाप क्षमा तयाइमुँ,” बिइ।

चेला चिब्मैंए केमैं 13:38

“छतसि, ओ आघें-अलिमैं, चु येशूउँइँलेन् पापए क्षमा तम् बिसि क्हेमैंइ सेल् त्हुम्।

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

एफिसी 4:32

धै परमेश्‍वरजी ख्रीष्‍टर क्हेमैंलाइ क्षमा लब् धोंले क्हेमैंज्यै या घ्रिइ घ्रिलाइ क्षमा लसि घ्रिइ घ्रिए फिर सैं प्ल्हसि ल्हयो खद्।

हिब्रू 12:29

तलेबिस्याँ ङ्योए परमेश्‍वर नास लवाबै मि ग।

१ यूहन्‍ना 1:9

दिलेया खीजी फैबै बाछाइ बिब् धोंले परमेश्‍वरजी लम् धै ठिक निसाफ लम्। छतसि “ङिइ पाप केमैं लइमुँ” बिसि ङ्योइ खी ङाँइ सैं एइबिस्‍याँ खीजी ङ्योए पापमैं क्षमा लमिंसि ताँन् पापउँइँले ख्रुमिंम्।

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”