प्रस्थान 34:5 - परमेश्‍वरए ताँ तमु क्युइर

⁵ झाइले याहवेह न्हाँम्स्यो न्होंउँइँले तयुइ, धै मोशाने बालु रासि ह्रोंसए मिं “याहवेह” बिसि ओरइ।

प्रस्थान 34:5 ပူးပေါင်းရင်းမြစ်များ

भजनमैं 102:21

छले सियोनर चमैंइ याहवेहए मिंए बयन लरिगे, धै यरूशलेमर खीए मिं थेब् लरिगे।

प्रस्थान 19:18

याहवेह मि तसि चर युबइले सिनै कों मिखु-मिखुइ प्लिंयाँइ। मिए भट्टिउँइँले मिखु त्होंब् धोंलेन् मिखु त्होंमा कोंमैं बेल्‍ले त्हारबर होंइ।

प्रस्थान 19:9

याहवेहजी मोशाने बिइ, “थेद्, ङ क्हिने ताँ लब म्हिमैंइ थेरिगे धै खोंयोंन् बिलै या क्हिए फिर बिश्‍वास लरिगे बिसि ङ क्हि ङाँर रुँदो न्हाँम्स्योर युब्मुँ।” म्हिमैंइ बिबै ताँ मोशाइ याहवेहने बिमा

प्रस्थान 23:21

क्हेमैंइ चए ताँ छेनाले थेद्, तलेबिस्याँ चलाइ ङइ कुलब् ग। छतसि चए बिरोध आलद्, आस्याँ चइ क्हेमैंए पापमैं क्षमा लरिब् आरे।

प्रस्थान 33:19

याहवेहजी बिइ, “ङ क्हिए उँइँर्न ङए औदिबै छ्याँबै केमैं उँइँमिंसि ‘याहवेहए’ मिं ओरसि पोंब्मुँ। खाबलाइ ङ दयाम्हाँया लदा ङ्हाँमुँ चलाइ ङ दयाम्हँया लमुँ, खाबलाइ ल्हयो खदा ङ्हाँमुँ चलाइ ङ ल्हयो खमुँ।

प्रस्थान 33:9

मोशा न्होंर होंमा न्हाँम्स्योए त्हो रासि च तम्बुए म्रार रामल। झाइले न्हाँम्स्योए म्हाँजोउँइँले याहवेहजी मोशाने ताँ सेमल।

हितोपदेश 18:10

याहवेहए मिं बेल्‍ले भोंबै धरर धों ग; छतसि ठिक के लब्मैं चर ह्‍यामा ग्वार योंम्।