प्रस्थान 34:18 - परमेश्‍वरए ताँ तमु क्युइर

¹⁸ “प्लेढा आझोंब क्हें चबै चाड म्हाँदिद्। ङइ बिब् धोंले आबीब म्हैंनर ङिगैं समा प्लेढा आझोंब क्हें चद्, तलेबिस्याँ च म्हैंनर क्हेमैं मिश्र ह्‍युलउँइँले त्होंइ खब् ग।

प्रस्थान 34:18 ပူးပေါင်းရင်းမြစ်များ

प्रस्थान 12:2

“चु म्हैंन क्हेमैंए ल्हागिर बर्षए ओंसोंबै म्हैंन तब्मुँ।

प्रस्थान 12:42

मिश्रउँइँले चमैं तेइ पखबर च म्हुँइँसर याहवेह न्हरु आच्हुइल्‍ले चमैं म्रोंइ। छतसि इस्राएलीमैं या च म्हुँइँसर न्हरु आच्हुइल्‍ले पुस्ता पुस्ता समा याहवेहए मान लरिगे।

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 13:4

आबीब म्हैंनर्बै तिंयाँबै त्हिंइर क्हेमैं मिश्र ह्‍युलउँइँले त्होंइ ह्‍यासिन् मुँ।

प्रस्थान 23:14

“ङए मान लबर बर्षर सोंखे चाड म्हाँदिद्।

प्रस्थान 23:15

क्हेमैंइ प्लेढा आझोंबै क्हें चबै चाड म्हाँदिद्। ङइ क्हेमेंने बिब् धोंले आबीब म्हैंनर बिबै त्हेर ङिगैं समा प्लेढा आझोंबै क्हें चद्, तलेबिस्याँ चु म्हैंनर्न क्हेमैं मिश्र ह्‍युलउँइँले त्होंइ खब् ग। क्हेमैं ङ ङाँर खमा यो क्होत्‍ते आखो।

मर्कूस 14:1

दुःखने फ्रेबै चाड नेरो प्लेढा आझोंबै क्हें चबै त्हिंइ खब ङ्हिरो चैल। ख्रो पिंबै खेगि चिब्मैं नेरो शास्‍त्रिमैंइ खाबज्यै आसेल्‍‍ले येशूलाइ खैले क्हासि सैब् ङ्‍हे बिसि घ्‍याँ म्‍हैरिल।

लूका 22:1

च त्हेर प्लेढा आझोंबै क्‍हें चबै चाड खबि छेल। च त्हिंइने दुःखने फ्रेबै चाड बिमल।

चेला चिब्मैंए केमैं 12:3

छलमा यहूदीमैं सैं तोंब् म्रोंसि चइ पत्रुसलाज्यै या क्हाइ। (चु ताँमैं प्लेढा आझोंबै क्हें चबै चाडर तल।)