प्रस्थान 34:10 - परमेश्‍वरए ताँ तमु क्युइर

¹⁰ याहवेहजी मोशाने बिइ, “थेद्, ङ इस्राएलीमैंने बालु बाछा घ्रि फैम्। क्हिए म्हिमैंए ओंसों ङ औदिबै केमैं लब्मुँ। छाबै के पृथ्‍बीर्बै खाब् ह्रेंमैंए ङाँर आलइमुँ। ङ याहवेहजी क्हिए ल्हागिर छाबै औदिबै के लमना बिसि क्हिने बालु मुँबै म्हिमैंइ म्रोंब्मुँ।

प्रस्थान 34:10 ပူးပေါင်းရင်းမြစ်များ

भजनमैं 106:22

चमैंए ल्हागिर्न खीजी हामए ह्‍युलर औदिबै केमैं नेरो ओल्ग्‍या मा ङ्युँइर ङ्हिंन् ङ्हाँबै केमैं लल।

भजनमैं 136:4

खीजी मत्‍त्रे औदिबै थेब-थेबै केमैं लम्। खीए म्हाँया खोंयोंन् बिलै तरिम्।

भजनमैं 145:6

क्हिजी लबै औदिबै थे-थेबै केमैंए बारेर म्हिमैंइ बयन लब्मुँ, धै क्हि कति थेब मुँ बिसि ङज्यै या बिप्रब्मुँ।

भजनमैं 147:20

अरू ह्रेमैंए ल्हागिर खीजी छाबै केमैं आलइमुँ; खीए ठिममैं चमैंइ आसेइमुँ। हल्‍लेलूयाह! याहवेहए मिं क्वेद्!

भजनमैं 65:5

ओ ङिलाइ जोगेमिंबै परमेश्‍वर, क्हिजी ठिक के लमा थेब्-थेबै केमैंउँइँले ङिलाइ ज्वाफ पिंम्। पृथ्‍बीर्बै ताँन् साँदर टिबै ह्रेंमैं नेरो ह्रें-ह्रेंगोर्बै मा ङ्युँइए रेजरेबै ताँन म्हिमैंइ क्हिए फिर्न आशा थेंरिम्।

भजनमैं 66:3

“क्हिजी लबै केमैं औदिले छ्याँब मुँ!” बिसि परमेश्‍वरने बिद्। “क्हिए शक्ति बेल्‍ले थेब् मुँ, छतसि क्हिए शत्तुरमैं ङ्हिंसि क्हिए उँइँर कुरम्।

भजनमैं 66:5

खो, परमेश्‍वरजी लबै केमैं ङ्‍ह्‍योद्, म्हिमैंए ल्हागिर खीजी लबै केमैं औदिले छ्याँब् मुँ!

भजनमैं 68:35

ओ परमेश्‍वर, क्हि पबित्र क्‍ल्‍ह्‍योउँइँले युमा क्हि म्रोंसि ताँन् म्हिमैं ङ्हिंम्; इस्राएलए परमेश्‍वरजी ह्रोंसए म्हिमैंलाइ शक्ति नेरो भों पिंम्। परमेश्‍वरए मिं थेब् तरिगे!

भजनमैं 72:18

याहवेह परमेश्‍वरजी मत्‍त्रे औदिबै केमैं लम्, छतसि इस्राएलए परमेश्‍वरए मिं थेब तरिगे।

भजनमैं 76:12

थेब् प्हैंबै क्रथे मिंथेमैं खीजी कुरवाम्; पृथ्‍बीर्बै म्रुँमैं खीने ङ्हिंम्।

भजनमैं 77:14

क्हि औदिबै केमैं लबै परमेश्‍वर ग; क्हिजी ह्रोंसए शक्ति ह्रें-ह्रेंमैंए म्हाँजोर उँइँमिंइमुँ।

भजनमैं 78:12

चमैंए खेबाज्युमैंए उँइँर मिश्र ह्‍युलर्बै सोअन बिबै सहरए चेप्ला तबै क्ल्ह्‍योर खीजी औदि-औदिबै केमैं लल।

प्रस्थान 34:27

याहवेहजी मोशाने बिइ, “चु ताँमैं प्ह्रिद्, तलेबिस्याँ चु ताँ धोंलेन् क्हि नेरो इस्राएलीमैंने ङइ बाछा फैइमुँ।”

प्रस्थान 34:28

मोशा सिनै कोंर याहवेहने बालु प्लिच्यु त्हिंइ प्लिच्यु म्हुँइँस तोइ आचल्‍ले तोइ आथुँल्‍ले टिसि युँमाए प्लनामैंर बाछा फैबै ताँमैं, अथवा म्हिमैंइ ललन् त्हुबै “च्युउलो ताँमैं” प्ह्रिइ।