प्रस्थान 33:9 - परमेश्‍वरए ताँ तमु क्युइर

⁹ मोशा न्होंर होंमा न्हाँम्स्योए त्हो रासि च तम्बुए म्रार रामल। झाइले न्हाँम्स्योए म्हाँजोउँइँले याहवेहजी मोशाने ताँ सेमल।

प्रस्थान 33:9 ပူးပေါင်းရင်းမြစ်များ

उत्पत्ति 17:22

चने बालु ताँ लल् खाँबै लिउँइँ परमेश्‍वर अब्राहामउँइँले ह्‍याइ।

उत्पत्ति 18:33

छले याहवेह अब्राहामने ताँ सेल् खाँबै लिउँइँ छाइले ह्‍याइ। अब्राहाम बिस्याँ ह्रोंसए तम्बुर एखइ।

भजनमैं 99:7

न्हाँम्स्योए त्हो तसि खी चमैंने पोंइ; खीजी बिबै ताँमैं नेरो ठिममैं चमैंइ म्हाँदिइ।

प्रस्थान 25:22

चर्न ङ क्हिने त्होब्मुँ। ठिम थेंबै मुदुसए क्हा फिर्बै करूबमैंए म्हाँजोउँइँले इस्राएलथेंमैंए ल्हागिर ङए ताँन् ठिममैं क्हिलाइ पिंब्मुँ।

प्रस्थान 31:18

याहवेहजी सिनै कोंर मोशाने ताँ लल् खाँबै लिउँइँ खीए योरिंइ प्ह्रिबै युँमाए प्लना ङ्हिं खीजी मोशालाइ पिंइ।

प्रस्थान 33:10

म्हिमैंइ न्हाँम्स्योए त्हो तम्बुए म्रार राब् म्रोंमा चमैं रेसि ह्रों-ह्रोंसए तम्बुर्बै म्रार कुरसि फ्योमल।

प्रस्थान 33:11

म्हिमैं ह्रोंसए थुमैंने ताँ सेब् धोंले याहवेह या मोशाने बालु सुँ-सुँ ह्‍वेंसि ताँ सेमल। झाइले मोशा ब्यारेकर एखमा चलाइ ल्होबै फ्रेंसि नुनए च्ह यहोशू च तम्बुर टिमल।

प्रस्थान 33:8

मोशा च तम्बुर ह्‍यामा ताँन् म्हिमैं ह्रोंसए तम्बुए म्रार रासि मोशा याहवेहने त्होबै तम्बु न्होंर आहोंन् समा च ङाँइन ङ्‍ह्‍योरिमल।

प्रस्थान 34:3

क्हिने खाबै या आखरिगे, कोंर खनिरै या म्हिमैं आम्रोंरिगे। र-क्यु नेरो खेदोमैं या चर आरेंरिगे।”

प्रस्थान 34:5

झाइले याहवेह न्हाँम्स्यो न्होंउँइँले तयुइ, धै मोशाने बालु रासि ह्रोंसए मिं “याहवेह” बिसि ओरइ।

प्रस्थान 34:9

धै मोशाइ बिइ, “ओ याहवेह, क्हिए म्हाँया ङने मुँ बिस्याँ ङ यो छ्युँ लमुँ, क्हिन् ङिने बालु प्रमिंन्। चु म्हिमैं आच्योब्मैं मुँलेया ङिए दुष्‍ट केमैं नेरो पापए क्षमा लमिंसि ङिलाइ क्हिए म्हिमैं लमिंन्।”