प्रस्थान 32:34 - परमेश्‍वरए ताँ तमु क्युइर

³⁴ तारे ह्‍याद्! ङइ बिबै क्ल्ह्‍योर म्हिमैंलाइ घ्याँ तेंसि बोद्। ङए दूतमैं क्हिए ओंसों-ओंसों ह्‍याब्मुँ। दिलेया चमैंलाइ सजैं पिंबै त्हे खबै लिउँइँ चमैंए पापए दण्ड ङ पिंब्मुँ।”

प्रस्थान 32:34 ပူးပေါင်းရင်းမြစ်များ

भजनमैं 99:8

ओ ङिए याहवेह परमेश्‍वर, क्हिजी चमैंलाइ ज्वाफ पिंइ; क्हिजी चमैंइ लबै आछ्याँबै केमैंए दण्ड पिंलेया चमैंलाइ क्षमा पिंबै परमेश्‍वर क्हि ग।

प्रस्थान 15:17

क्हिजी क्हिए म्हिमैं पखसि ह्रोंसए कोंर थेंब्मुँ। ओ याहवेह, च क्ल्ह्‍योर्न क्हिए ल्हागिर टिबै क्ल्ह्‍यो बनेइ, ओ याहवेह, च पबित्र क्ल्ह्‍यो क्हिए योजीन् बनेइ।

प्रस्थान 20:5

चमैंए ओंसों आकुरद्, चमैंए पूजा आलद्, तलेबिस्याँ क्हेमैंए याहवेह परमेश्‍वर ङ ह्रिस लबै परमेश्‍वर ग। ङलाइ छेरब्मैंए पुस्ता सों, प्लि समा दण्ड पिंब्मुँ,

प्रस्थान 23:20

“ङ्‍ह्‍योद्, क्हेमैंलाइ घ्याँर जोगेबर नेरो ङइ तयार लबै क्ल्ह्‍योर क्हेमैंलाइ सथेंनेबर ङइ क्हेमैंए ओंसो-ओंसो स्वर्गदूत घ्रि कुलब्मुँ।

प्रस्थान 3:17

ङइ क्हेमैंलाइ मिश्रर्बै दुःखउँइँले ‍तेसि छ्याँब नेरो थेबै ह्‍युलर अथवा ङ्‍हे नेरो खुदु ल्हेंयाबै ह्‍युलर पखबर ङइ बाछा लइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।’

प्रस्थान 33:12

झाइले मोशाइ याहवेहने बिइ, “क्हिजी ङने ‘चु म्हिमैं बोसि ह्‍याद्,’ बिमुँ, दिलेया ङने बालु खा-खाब् कुलम् बिसि क्हिजी ङने आबिइमुँ। ‘ङइ क्हिलाइ क्हिए मिंइ सेम्: धै क्हिए फिर ङए म्हाँया मुँ,’ बिसि क्हिजी बिइमुँ।

प्रस्थान 33:2

क्हेमैंए ओंसों-ओंसों दूत घ्रि कुल्मिंब्मुँ, धै कनानी, एमोरी, हित्ती, परिज्जी, हिव्वी नेरो यबूसीमैंलाइ ल्हाब्मुँ।

मत्ती 23:35

ओंसों ओंनोंबै छ्याब् आरेबै म्‍हिमैं सैवाबै सजैं क्‍हेमैंए फिर्न तरिगे बिसि ङए ताँ बिमिंब्मैं कुल्मिंब्‍मुँ। तोइ छ्याब् आरेबै हाबिल नेरो बेरेक्याहए च्‍ह जकरिया सैवाबै पापए सजैं क्‍हेमैंए फिर्न खब्मुँ। मन्दिर नेरो होम् पिंबै क्‍ल्‍ह्‍योए म्‍हाँजोर क्‍हेमैंइ जकरिया सैवाइ।