प्रस्थान 32:32 - परमेश्‍वरए ताँ तमु क्युइर

³² दिलेया चमैंए पाप क्हिइ क्षमा लमिंन्। क्षमा आलमिंस्याँ क्हिजी ह्रोंसए म्हिमैंए मिं प्ह्रिबै कितबउँइँले ङए मिं मेटिमिन्।”

प्रस्थान 32:32 ပူးပေါင်းရင်းမြစ်များ

भजनमैं 139:16

क्हिजी ङए आबनेबै ज्यु म्रोंइ। ङ कति सोल् योंम् बिसि ङ फिब् भन्दा ओंसोंन् क्हिए कितबर प्ह्रिथेंल।

भजनमैं 56:8

ङइ योंबै दुःखए हिसाब-कितब थेंमिंन्, ङए मिग्लि खेरो ह्‍याल् आपिंन्। ङइ योंबै दुःखए हिसाब-कितब क्हिजी आप्ह्रिइमुँ वा?

भजनमैं 69:28

छ्ह योंब्‍मैंए मिं प्‍ह्रिथेंबै कितबउँइँले चमैंए मिं मेटियारिगे; धै ठिक के लब्मैंने बालु चमैंए मिं आप्ह्रिरिगे।

प्रस्थान 32:10

तारे ङने तोइ आबिद्, ङ चमैंने बेल्‍ले ह्रिस खइमुँ। तारे ङइ चमैं नास लवाब्मुँ। धै क्हि ङाँइँलेन् ङइ थेबै ह्रें घ्रि बनेब्मुँ।”

लूका 10:20

दिलेया क्‍हेमैंइ बिब मोंमैंइ ङिंना बिसि सैं आतोंन्, बरु परमेश्‍वरजी क्‍हेमैंए मिं स्वर्गर प्‍ह्रिथेंइमुँ बिसि सैं तोंन्।”

लूका 23:34

च्हमा येशूजी बिइ, “ओ आबा, चुमैं क्षमा लमिंन्, तलेबिस्याँ चुमैंइ तो लरिइमुँ बिब था आसे।” दिलेया सिपाइमैंइ येशूए क्वें चिट्ठा झोंसि खेंमैंए न्‍होंरि चुइ।

रोमी 9:3

ङए ह्रेंर्बै अलि अङाँमैंइ खोंयोंइ आखाँबै छ्ह योंबै ल्हागिर परमेश्‍वरजी ङलाइ सराप पिंसि ङन् ख्रीष्‍टउँइँले फ्रेवाल् त्‍हुलेया ङ सैं तोंमल।

फिलिप्पी 4:3

ओ ङइ भर लल् खाँबै ङए थु, ङ क्हिने बिमुँ: “च च्हमिरिमैंलासे या ल्होब्रें लद्।” तलेबिस्याँ सैं तोंबै ताँ म्हिमैंने बिप्रबै केर ङ, क्लेमेस नेरो अरू थुमैंने बालुन् चुमैंज्यै या बेल्‍ले के लइमुँ। चुमैंए मिं खोंयोंइ आखाँबै छ्ह योंबै कितबर मुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 21:27

दिलेया खोंयोंइ आखाँबै छ्ह योंब्मैंए मिं प्ह्रिबै क्‍यु च्हजने मुँबै कितबर मिं मुँब्‍मैं मत्‍त्रे च सहरर होंल् योंब्‍मुँ। चर आछ्याँबै सैं प्ह्‍याब्मैं, छेरन् ङ्हाँबै के लब्मैं नेरो स्‍योर ताँ पोंब्‍मैं खाबइ या होंल् योंरिब् आरे।

दर्शन 22:19

छलेन चु कितबर मुँबै ताँमैं थोबै म्हिउँइँले छ्ह पिंबै सिधुँउँइँले चइ योंल् त्हुबै रोए भाग परमेश्‍वरजी थोवाब्‍मुँ, धै खीए पबित्र सहरर टिबै हग या प्हेंवाब्‍मुँ। छले च छ्ह पिंबै सिंधुँ नेरो परमेश्‍वरए पबित्र सहरए बारेर्बै ताँ चु कितबर प्ह्रिइमुँ।

दर्शन 3:5

“शैतान दुष्‍टए फिर ट्होगों तब्मैंलाइ ङइ फोस्रे ब्योंबै क्‍वें खिमिंब्‍मुँ। झाइले छ्ह योंब्‍मैंए मिं प्‍ह्रिथेंबै कितबउँइँले ङइ चए मिं मेटिरिब आरे। ङए आबाए उँइँर नेरो खीए स्‍वर्गदूतमैंए उँइँर ‘च ङल् ग’ बिसि ङइ ग्वाइ पिंब्‍मुँ।