प्रस्थान 32:16 - परमेश्‍वरए ताँ तमु क्युइर

¹⁶ परमेश्‍वर खीजीन च युँमाए पलानमैं बनेसि खीजी लद् बिबै ताँमैं चर प्ह्रिथेंल।

प्रस्थान 32:16 ပူးပေါင်းရင်းမြစ်များ

प्रस्थान 31:18

याहवेहजी सिनै कोंर मोशाने ताँ लल् खाँबै लिउँइँ खीए योरिंइ प्ह्रिबै युँमाए प्लना ङ्हिं खीजी मोशालाइ पिंइ।

प्रस्थान 32:15

झाइले परमेश्‍वरजी लद् बिबै ताँमैं हार ङ्हिर्न प्ह्रिबै युँमाए प्लना ङ्हिं योर किंसि मोशा कोंउँइँले तयुइ।

प्रस्थान 32:17

म्हिमैं कै तेब् थेसि यहोशूइ मोशाने “ब्यारेक न्होंर म्हिमै प्होंब् धों तबै कै थेइमुँ,” बिइ।

प्रस्थान 34:1

याहवेहजी मोशाने बिइ, “ओंसोंबै धोंलेन् युँमाए प्लना ङ्हिं थोसि पखो। क्हिइ ओंसों तिवाबै युँमाए प्लनार प्ह्रिबै ताँमैं च युँमाए प्लनार ङइ प्ह्रिब्मुँ।

प्रस्थान 34:4

छतसि मोशाइ धबै युँमाए प्लना ङ्हिं थोसि याहवेहजी बिब् धोंलेन् न्हाँकर्न युँमाए प्लना किंसि सिनै कोंर ह्‍याइ।

२ कोरिन्थी 3:3

ङिइ लबै केमैंए रो नेरो ख्रीष्‍टजी प्‍ह्रिबै प्ह्रिछ्या क्‍हेमैंन् ग। मसिइ प्‍ह्रिबै प्ह्रिछ्या क्हेमैं आङिं, क्हेमैंने मुँबै प्ह्रिछ्या खोंयोंन् बिलै तरिबै परमेश्‍वरए प्ल्हजी प्‍ह्रिब् ग। चु युँमा प्‍लानर प्ह्रिब् धोंबै प्ह्रिछ्या आङिं, क्‍हेमैंए खोंर्न प्‍ह्रिथेंबै प्ह्रिछ्या ग।

२ कोरिन्थी 3:7

परमेश्‍वरजी मोशालाइ पिंबै ठिम युँमा प्‍लानर कुन्दिथेंल। च युँमार प्‍ह्रिबै ठिम म्‍हिमैंलाइ पिंमा परमेश्‍वरए थेबै ह्‍वे चारइ। च थेबै ह्‍वे मदुरो तदै ह्‍यालेया इस्राएलीमैंइ मोशाए लि ङ्ह्‍योल् आखाँमल।

हिब्रू 8:10

“दिलेया चु त्‍हिंइ लिउँइँ, बिसि याहवहजी बिइमुँ। ङ इस्राएलए सन्तानमैंने छाबै बाछा फैब्‍मुँ: चमैंए सैंर ङए ठिम थेंमिंब्‍मुँ, धै चमैंए खोंर च ठिममैं प्‍ह्रिमिंब्‍मुँ। ङ चमैंए परमेश्‍वर तब्‍मुँ, धै चमैं ङए म्हिमैं तब्‍मुँ।