प्रस्थान 32:15 - परमेश्‍वरए ताँ तमु क्युइर

¹⁵ झाइले परमेश्‍वरजी लद् बिबै ताँमैं हार ङ्हिर्न प्ह्रिबै युँमाए प्लना ङ्हिं योर किंसि मोशा कोंउँइँले तयुइ।

प्रस्थान 32:15 ပူးပေါင်းရင်းမြစ်များ

भजनमैं 19:7

याहवेहए ठिम खोट आरेब मुँ, च ठिमइ सैं सिब्मैंलाइ भों पिंम्। खीजी बिबै ताँमैं भर लल् खाँब मुँ, आह्र आसेब्मैंलाइ च ताँइ बुद्धि पिंम्।

प्रस्थान 16:34

याहवेहजी मोशाने बिब् धोंलेन् च मन्‍न खोंयोंइ बिले तरिगे बिसि हारूनइ ठिम थेंबै मुदुसए ओंसों मन्‍न थेंइ। च मन्‍न यहवेइ फैबै बाछा मुँबै युमा ङ्हि ओंसों थेंइ।

प्रस्थान 24:12

याहवेहजी मोशाने बिइ, “कोंर ङ ङाँर खसि टिद्। क्हिइ म्हिमैंलाइ लोमिंरिगे बिसि ङइ ठिम नेरो लल् त्हुबै ताँमैं युँमाए प्लनार प्ह्रिइमुँ। च युँमा क्हिलाइ पिंब्मुँ।”

प्रस्थान 24:18

मोशा न्हाँम्स्यो न्होंउँइँले कोंर ह्‍याइ, धै प्लिच्यु त्हिंइ प्लिच्यु म्हुँइँस चर टिइ।

प्रस्थान 31:18

याहवेहजी सिनै कोंर मोशाने ताँ लल् खाँबै लिउँइँ खीए योरिंइ प्ह्रिबै युँमाए प्लना ङ्हिं खीजी मोशालाइ पिंइ।

प्रस्थान 32:16

परमेश्‍वर खीजीन च युँमाए पलानमैं बनेसि खीजी लद् बिबै ताँमैं चर प्ह्रिथेंल।

प्रस्थान 34:29

म्हिमैंइ ललन् त्हुबै ताँमैं प्ह्रिबै युँमाए प्लना ङ्हिं योर किंसि कोंउँइँले तयुमा परमेश्‍वर चने बालु ताँ सेरिबइले ह्रोंसए लि चाररिइमुँ बिबै ताँ मोशाइ था आसेल।

प्रस्थान 40:20

झाइले लद् बिबै च्युउलो ताँ प्ह्रिबै युँमाए प्लना ङ्हिं बाछाए मुदुसर झोंसि चइ चए क्हा मुदुसए फिर थेंइ।

२ कोरिन्थी 3:3

ङिइ लबै केमैंए रो नेरो ख्रीष्‍टजी प्‍ह्रिबै प्ह्रिछ्या क्‍हेमैंन् ग। मसिइ प्‍ह्रिबै प्ह्रिछ्या क्हेमैं आङिं, क्हेमैंने मुँबै प्ह्रिछ्या खोंयोंन् बिलै तरिबै परमेश्‍वरए प्ल्हजी प्‍ह्रिब् ग। चु युँमा प्‍लानर प्ह्रिब् धोंबै प्ह्रिछ्या आङिं, क्‍हेमैंए खोंर्न प्‍ह्रिथेंबै प्ह्रिछ्या ग।

२ कोरिन्थी 3:7

परमेश्‍वरजी मोशालाइ पिंबै ठिम युँमा प्‍लानर कुन्दिथेंल। च युँमार प्‍ह्रिबै ठिम म्‍हिमैंलाइ पिंमा परमेश्‍वरए थेबै ह्‍वे चारइ। च थेबै ह्‍वे मदुरो तदै ह्‍यालेया इस्राएलीमैंइ मोशाए लि ङ्ह्‍योल् आखाँमल।

हिब्रू 9:4

च क्‍ल्‍होरी माराइ बनेबै धुप झोंबै ख्रो पिंबै क्ल्ह्‍यो नेरो माराइ म्‍होरबै बाकस मुँल। च बाकसर बाछा मैंबै ल्हागिर चिनुमैं झोंथेंल, अथवा मन्‍ना बिबै क्हें झोंबै माराए भाँडो नेरो स्‍योंम्‍बै हारून बिबै म्‍हिइ छेबै पलुवा खबै प्‍हरे, नेरो बाछार्बै ठिममैं प्‍ह्रिथेंबै युँम् प्ला ‍ङ्हिं मुँल।

दर्शन 5:1

ङइ राजगद्दिर क्हुँबै परमेश्‍वरए क्‍योलो योरि दोहोरोन् प्‍ह्रिबै काउद प्हैं म्रोंइ। च काउद प्हैं लसि छाप ङि झोंल।