प्रस्थान 32:13 - परमेश्‍वरए ताँ तमु क्युइर

¹³ ह्रोंसए केब्छैंमैं अब्राहाम, इसहाक नेरो याकूबलाइ मैंन्दि। चमैंने बालु क्हिजी ह्रोंसए मिंर कसम चसि ‘ङइ क्हेमैंए सन्तान मुर्बै सारमैं धोंले ल्हें लमिंब्मुँ। ङइ क्हेमैंए खेमैंलाइ पिंम् बिसि बाछा फैबै चु ताँन् ह्‍युल क्हेमैंए सन्तानलाइ पिंब्मुँ, धै क्हेमैंए सन्तानमैंइ च क्ल्ह्‍योर खोंयोंन् बिलै क्ल्हे लब्मुँ’ बिसि बिल।”

प्रस्थान 32:13 ပူးပေါင်းရင်းမြစ်များ

उत्पत्ति 12:2

ङइ क्हिउँइँले थेबै ह्रें लमिंब्मुँ, धै क्हिलाइ आशिक पिंसि। क्हिए मिं कालिदिब् लमिंब्मुँ, झाइले क्हि आशिकए मुल तब्मुँ।

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 15:18

च त्हिंइर्न याहवेहजी अब्रामने छ बिसि बाछा फैइ, “मिश्र ह्‍युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्‍युलै या ङइ क्हिए प्हसेमैंलाइ पिंइमुँ।

उत्पत्ति 15:5

खीजी चलाइ बैरु बोसि बिइ, “मुउँइँ ङ्योद्! मुर्बै मुसारमैं च्योल् खाँम् उ आखाँ? क्हिए प्हसेमैं या मुसारा धोंलेन् ल्हें तब्मुँ।”

उत्पत्ति 15:7

खीजी धबै चने बिइ, “चु ह्‍युल क्हिलाइ पिंबर कल्दिमैंए ऊरउँइँले क्हि पखबै याहवेह ङन् ग।”

उत्पत्ति 17:8

क्हि तोगो टिबै चु कनान ह्‍युल क्हि नेरो क्हिए लिउँइँ खबै सन्तानलाइ खोंयोंइ बिलै क्ल्हे तबर पिंब्मुँ, धै ङ चमैंए परमेश्‍वर तब्मुँ।”

उत्पत्ति 22:16

“ङ याहवेहजी बिइमुँ, ङइ ह्रोंसए मिंर बाछा फैइमुँ, क्हिए घ्रिदे मुँबै च्है या ङए मिंर ख्रो पिंबै सैं लइ। क्हिइ चु के लबइले ङइ क्हिलाइ आशिक पिंब्मुँ।

उत्पत्ति 22:17

क्हिए प्हसेमैं बडिसि मुर्बै सारमैं नेरो मा ङ्युँइर्बै बालुवा धोंलेन् ल्हें लमिंब्मुँ। क्हिए सन्तानइ खेंमैंए शत्तुरमैंए सहरमैं क्ल्हे लब्मुँ।

उत्पत्ति 24:7

ङए आबाए धिं नेरो ङए ह्‍युलउँइँले ङलाइ पखबै स्वर्ग नेरो पृथ्‍बीर्बै याहवेह परमेश्‍वरजी कसम चसि ‘ङइ क्हिए सन्तानलाइ चु ह्‍युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्‍योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।

उत्पत्ति 48:16

ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे! चु कोलोमैंने ङए बाज्यु अब्राहाम, ङए आबा इसहाक नेरो ङए मिं आम्हरिगे। पृथ्‍बीर चुमैंल ल्हें-ल्हें सन्तानमैं तरिगे।”

प्रस्थान 13:11

“याहवेहजी क्हेमैं नेरो क्हेमैंए खेमैंने कसम चसि क्रें (बाछा) लब् धोंले कनानीमैंए ह्‍युलर क्हेमैंलाइ बोसि च ह्‍युल क्हेमैंलाइ पिंसि।

प्रस्थान 13:5

याहवेहजी क्हेमैंने कनानी, हित्ती, एमोरी, हिव्वी नेरो यबूसीमैंए ह्‍युल अथवा ङ्‍हे नेरो क्वे खुदु बगेबै ह्‍यु‍लर पखब्मुँ, च ह्‍युल खीजी क्हेमैंए खेमैंने पिंम् बिसि ओंसों बाछा फैल, छतसि चु म्हैंनर चु चाड म्हाँदिद्।

प्रस्थान 33:1

याहवेहजी मोशाने बिइ, “क्हिए सन्तानलाइ पिंम् बिसि ङइ अब्राहाम, इसहाक नेरो याकूबने बाछा फैबै क्ल्ह्‍योर मिश्रउँइँले फखबै म्हिमैंने ह्‍याद्।

हिब्रू 6:13

परमेश्‍वरजी ङ्योए खे अब्राहामने बाछा फैमा ह्रोंस भन्दा थेब अरू खाबै आरेबइले खीजी ह्रोंसए मिंर्न छ बिसि कसम चइ,