प्रस्थान 31:13 - परमेश्‍वरए ताँ तमु क्युइर

¹³ “क्हिइ इस्राएलीमैंने चु या बिद्, प्रिबै त्हिंइ ङए भों न्हबै त्हिंइ ग। छतसि क्हेमैंइ खैले बिलेना प्रिबै त्हिंइर के आलद्। क्हेमैंलाइ पबित्र लमिंम् बिसि क्हेमैंइ सेरिगे बिसि, क्हेमैं नेरो ङए म्हाँजोर चु प्रिबै त्हिंइ खोंयोंन् बिलै चिनु घ्रि तब्मुँ।

प्रस्थान 31:13 ပူးပေါင်းရင်းမြစ်များ

प्रस्थान 31:12

च लिउँइँ याहवेहजी मोशाने बिइ,

प्रस्थान 31:17

इस्राएलीमैंए म्हाँजोर चु प्रिबै त्हिंइ खोंयोंन् बिलै तबै चिनु घ्रि तब्मुँ, तलेबिस्याँ याहवेहजी टुगैं न्होंर मु नेरो पृथ्‍बी बनेइ, धै ङिगैंर भों न्हइ।”

मत्ती 23:17

ओ बुद्धि आरेबै कनमैं, मारा थेब उ, मारालाइ पबित्र लबै मन्दिर थेब् जा?

यूहन्‍ना 17:17

क्हिए ताँ क्ह्रोंसेंन्ब ग। छतसि क्हिए क्ह्रोंसेंन्बै ताँउँइँले चमैं क्हिए पबित्र म्हिमैं लमिंन्।

यूहन्‍ना 17:19

चमैं क्ह्रोंसेंन्बै पबित्र म्हिमैं तरिगे बिसि ङ चमैंए ल्हागिर ह्रोंसलाइ पबित्र लम्।

१ थेसलोनिकी 5:23

शान्ति पिंबै परमेश्‍वरजी ताँन् सैर क्‍हेमैंलाइ पबित्र लमिंरिगे, धै ङ्योए प्रभु येशू युबै त्हेर क्हेमैंए ज्यु, सैं, खों, बेल्‍ले छ्याँब नेरो खोट आरेब तरिगे।

यहूदाइ प्‍ह्रिबै प्ह्रिछ्या 1:1

येशू ख्रीष्‍टए के लबै म्हि ङ याकूबए अलि यहूदाउँइँले परमेश्‍वरजी खोसि त्‍हाँबै म्‍हिमैंलाइ जय मसीह मुँ। परमेश्‍वर आबाजी क्हेमैंलाइ म्हाँया लइमुँ, धै येशू ख्रीष्‍टजी क्हेमैंलाइ रक्षा लथेंइमुँ।