प्रस्थान 30:36 - परमेश्‍वरए ताँ तमु क्युइर

³⁶ चु धुप क्हेमैंए ल्हागिर बेल्‍ले पबित्र तल् त्हुम्। छतसि चए तिबाँ त्हुल् तल्‍ले तोंसि च्हौदे ङ टिबै पबित्र तम्बुर ठिम थेंबै मुदुसए ओंसों थेंन्।

प्रस्थान 30:36 ပူးပေါင်းရင်းမြစ်များ

प्रस्थान 16:34

याहवेहजी मोशाने बिब् धोंलेन् च मन्‍न खोंयोंइ बिले तरिगे बिसि हारूनइ ठिम थेंबै मुदुसए ओंसों मन्‍न थेंइ। च मन्‍न यहवेइ फैबै बाछा मुँबै युमा ङ्हि ओंसों थेंइ।

प्रस्थान 25:22

चर्न ङ क्हिने त्होब्मुँ। ठिम थेंबै मुदुसए क्हा फिर्बै करूबमैंए म्हाँजोउँइँले इस्राएलथेंमैंए ल्हागिर ङए ताँन् ठिममैं क्हिलाइ पिंब्मुँ।

प्रस्थान 27:21

पबित्र तम्बुर ठिम थेंबै मुदुसए उँइँर्बै पर्दाए बैरु हारून नेरो चए च्हमैंइ याहवेहए उँइँर च बत्तिमैं ङेसउँइँले न्हाँग समा लुँरिल् लल् त्हुम्। इस्राएलीमैंए पुस्ता-पुस्ता समा खोंयोंन् बिलै चु के लल् त्हुब्मुँ।

प्रस्थान 30:35

लिंब थाँ खबै छ्युगु बनेब् धोंले धुप बनेद्। च धुप पबित्र तरिगे बिसि चजै या कोंन्।

प्रस्थान 30:6

चु धुप म्रोबै क्ल्ह्‍यो ठिम थेंबै मुदुसए ओंसों च्योथेंबै पर्दाए ओंसों थेंन्, चर्न ङ क्हिने त्होब्मुँ।