प्रस्थान 30:12 - परमेश्‍वरए ताँ तमु क्युइर

¹² “क्हिइ इस्राएलीमैं च्योमा चमैंए न्होंर्बै ताँनइ ह्रोंस सोल् योंरिगे बिसि याहवेहलाइ सै फोल् त्हुब्मुँ, छलमा चमैंए फिर दुःख खरिब् आरे।

प्रस्थान 30:12 ပူးပေါင်းရင်းမြစ်များ

भजनमैं 49:7

खाबज्यै या सै फोसि अरू म्हिलाइ खाल् आखाँ, छलेन ङलाइ जोगेमिंन् बिसि खाबज्यै या परमेश्‍वरलाइ सै फोल् आखाँ।

प्रस्थान 30:11

याहवेहजी मोशाने बिइ,

मत्ती 20:28

छलेन म्हिए च्ह या अरूमैंउँइँले सेवा योंबर युब आङिं, दिलेया सेवा लबर नेरो ल्‍हें म्‍हिमैंए पापउँइँले फ्रेमिंबर ह्रोंसए ज्यु पिंबर युब् ग।”

मर्कूस 10:45

तलेबिस्याँ म्हिए च्ह मान म्हैबर युब आङिं, दिलेया म्हिमैं ल्होबर नेरो ल्‍हें म्‍हिमैंए पापउँइँले फ्रेमिंबै ल्हागिरि पापए सै फोबर ह्रोंसए ज्यु पिंबर युब् ग।”

१ तिमोथी 2:6

खीजी ह्रोंसलाइन पिंसि क्रूसर पापए छे फोमिंसि म्‍हिमैं पापउँइँले फ्रेमिंइ, छले परमेश्‍वरजी ताँन् म्हिमैंइ खोंयोंइ आनुबै छ्ह योंरिगे बिबै प्रमाण ठिक त्हेर उँइँमिंइ।