प्रस्थान 3:8 - परमेश्‍वरए ताँ तमु क्युइर

⁸ छतसि चमैं मिश्रीमैंए योउँइँले फ्रेसि च ह्‍युलउँइँले छ्याँब नेरो थेबै ह्‍युलर, अथवा ङ्‍हे नेरो खुदु ल्हें योंबै ह्‍युलर पखबर ङ तयुइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।

प्रस्थान 3:8 ပူးပေါင်းရင်းမြစ်များ

उत्पत्ति 11:5

झाइले म्हिमैंइ बनेबै सहर नेरो धरर ङ्ह्‍यो‍बर याहवेह क्युरु युइ।

उत्पत्ति 11:7

छतसि खो, ङ्यो क्युरु ह्‍यासि चमैंइ घ्रिइ पोंबै क्युइ घ्रिइ आक्हिरिगे बिसि चमैंए क्युइ खलबल लवाले।”

उत्पत्ति 15:13

च लिउँइँ याहवेहजी अब्रामने बिइ, “क्हिए प्हसेमैं आगुए ह्‍युलर बसैं ह्‍यासि टिब्मुँ, च ह्‍युलर्बै म्हिमैंए केब्छैंमैं तब्मुँ, छले प्लिब्ब्रा बर्ष समा चमैंइ ल्हें दुःख योंल् त्हुब्मुँ बिसि खैलसेया मैंथेंन्।

उत्पत्ति 15:14

दिलेया क्हिए प्हसेमैं खाब् ह्रेंमैंए केब्छैं तब्मुँ, च ह्रेंर्बै म्हिमैंलैया ङइ निसाफ लब्मुँ। लिउँइँ चमैं त्होंखमा ल्हें मारा-मुइ किंसि खब्मुँ।

उत्पत्ति 18:21

तारे ङइ थेबै ताँ अनुसार चमैंइ लबै केमैं क्ह्रोंसेंन् ङिंब् उ आङिं बिसि ङ्ह्‍योबर ङ क्युरु ह्‍याब्मुँ। आङिंस्याँ ङइ सेब्मुँ।”

उत्पत्ति 43:11

झाइले चमैंए आबाइ चमैंने बिइ, “छ आलै आत बिस्याँ छ लद्: चु ह्‍युलर्बै छ्याँ-छ्याँबै सैमैं, लिंबै थाँ खबै फोबै छ्युगु, च्हौदे, क्वे खुदु, छ्याँबै मसला, मुर्रा, पेस्ता नेरो बदाम च म्हिए ल्हागिरि क्हेमैंए नेंदोंर झोंसि बोमिंन्।

उत्पत्ति 46:4

क्हिने बालु ङ मिश्रर ह्‍याब्मुँ, धै क्हिलाइ खैले बिलेन ङइ धबै एसि पखब्मुँ। धै क्हि सिमा योसेफए योइ क्हिए मि हुमिंब्मुँ। धै ह्रोंसए यो क्हिए मिर थेंब्मुँ।”

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

भजनमैं 12:5

“आखाँम्मैं लुडिवाइमुँ, धै ङ्हाँदुमैंइ दुःखए सो हेंइमुँ। छतसि तारे ङ रेब्मुँ, धै चमैंए न्होह्रों लब्मैंउँइँले ङइ चमैं जोगेमिंब्मुँ,” बिसि याहवेहजी बिमुँ

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 34:8

याहवेहजी कति ल्हें ल्हयो खमुँ बिसि ह्रोंसैन म्हैसि क्होद्। खीए प्हलेर्न ग्वार योंबै म्हिइ आशिक योंमुँ!

भजनमैं 91:15

चइ ग्वार ह्रिमा ङइ चलाइ ज्वाफ पिंब्मुँ; चए दुःखर ङ चने बालु तब्मुँ; चए दुःखउँइँले ङइ फ्रेमिंब्मुँ, धै चलाइ थेब् लब्मुँ।

प्रस्थान 12:41

प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 12:51

याहवेहजी इस्राएलीमैंलाइ टोलि-टोलि लसि मिश्रउँइँले च त्हिंइर्न तेसि पखइ।

प्रस्थान 13:5

याहवेहजी क्हेमैंने कनानी, हित्ती, एमोरी, हिव्वी नेरो यबूसीमैंए ह्‍युल अथवा ङ्‍हे नेरो क्वे खुदु बगेबै ह्‍यु‍लर पखब्मुँ, च ह्‍युल खीजी क्हेमैंए खेमैंने पिंम् बिसि ओंसों बाछा फैल, छतसि चु म्हैंनर चु चाड म्हाँदिद्।

प्रस्थान 3:17

ङइ क्हेमैंलाइ मिश्रर्बै दुःखउँइँले ‍तेसि छ्याँब नेरो थेबै ह्‍युलर अथवा ङ्‍हे नेरो खुदु ल्हेंयाबै ह्‍युलर पखबर ङइ बाछा लइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।’

प्रस्थान 34:11

ङइ क्हिने बिबै ताँ म्हाँदिद्। ङइ क्हिए उँइँर्न एमोरी, कनानी, हित्ती, परिज्जी, हिव्वी नेरो यबूसीमैं ल्हाब्मुँ।

प्रस्थान 5:23

ङ क्हिए मिंर पोंबर फारो ङाँर ह्‍याबै त्हेसेरो चइ चु म्हिमैंए फिर झन् दुःख पिंइमुँ। दिलेया क्हिजी ह्रोंसए म्हिमैंलाइ च दुःखउँइँले आफ्रेमिंइमुँ।”

यूहन्‍ना 3:13

स्वर्गउँइँले युबै म्हिए च्ह बाहेक अरू खाबै या स्वर्गर आह्‍याइमुँ।

यूहन्‍ना 6:38

ह्रोंसए सैंर्बै ताँ पूरा लबर ङ स्वर्गउँइँले युब आङिं, ङलाइ कुल्‍मिंबै आबाए सैंर मैंबै केमैं पूरा लबर ङ युब् ग।