प्रस्थान 3:7 - परमेश्‍वरए ताँ तमु क्युइर

⁷ झाइले याहवेहजी बिइ, “मिश्रर मुँबै ङए म्हिमैंइ योंबै दुःख ङइ म्रोंइमुँ। धै के ल्हैदिबै चिब्मैंइ दुःख पिंमा चमैंइ ग्वार ह्रिबै या ङइ थेइमुँ। चमैंइ दुःख योंब ङइ सेइमुँ।

प्रस्थान 3:7 ပူးပေါင်းရင်းမြစ်များ

उत्पत्ति 16:11

याहवेहए दूतइ चने बिइ, “क्हिइ प्हसे नोइमुँ क्हिइ च्ह घ्रि फिब्मुँ। चए मिं इश्माएल थेंनु, तलेबिस्याँ याहवेहजी क्हिए दुःख म्रोंइमुँ।

उत्पत्ति 18:21

तारे ङइ थेबै ताँ अनुसार चमैंइ लबै केमैं क्ह्रोंसेंन् ङिंब् उ आङिं बिसि ङ्ह्‍योबर ङ क्युरु ह्‍याब्मुँ। आङिंस्याँ ङइ सेब्मुँ।”

उत्पत्ति 21:17

दिलेया परमेश्‍वरजी कोलो क्रोब थेइ। धै परमेश्‍वरए दूतजी स्वर्गउँइँले हागारने बिइ, “ओ हागार, क्हिए फिर तो दुःख तइ? क्हि आङ्हिंन्, तलेबिस्याँ कोलो क्रोब परमेश्‍वरजी थेइमुँ।

उत्पत्ति 29:32

लेआइ प्हसे नोसि च्ह घ्रि फिइ। “क्ह्रोंसेंन याहवेहजी ङए दुःख म्रोंइमुँ। तारे ङए प्युँज्यै ङने म्हाँया लब्मुँ।” छ बिसि चइ च च्हए मिं रूबेन थेंइ।

उत्पत्ति 31:12

“धै खीजी बिइ, ‘ङ्ह्‍योत्ति! बगलाए फिर क्रेबै ताँन् बुग्यामैं पेटारे, थोप्ले नेरो छिर्केमिर्के मुँ। तलेबिस्याँ लाबानइ क्हिए फिर लबै के म्रोंसि ङइ छ लब् ग।

उत्पत्ति 31:42

ङए आबाए परमेश्‍वर, ङए बाज्यु अब्राहाम नेरो इसहाकए परमेश्‍वर ङने बालु आरेस्याँ क्ह्रोंसेंन क्हिइ ङए यो क्होत्तेन् कुल्मिंमल। दिलेया ङइ योंबै दुःख नेरो ङइ लबै के खीजी म्रोंइ। छतसि खीजी तल् म्हुँइँसर क्हिलाइ हौदिब् ग।”

भजनमैं 106:44

दिलेया चमैंइ ओरदै ग्वार ह्रिब थेसि खीजी चमैंए दुःख ङ्‍ह्‍योइ।

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 142:3

ङए सैं च्योंब् तमा ङइ तो लल् त्हुम् बिब क्हिजी सेम्! ङ प्रबै घ्याँर म्हिमैंइ ङए ल्हागिर ङो चुइमुँ।

भजनमैं 145:19

खीने बालु ङ्हिंब्मैं ताँनए सैंर मैंब खीजी पूरा लमिंम्; चमैंइ हुइब खीजी थेमुँ धै चमैंलाइ जोगेमिंम्।

भजनमैं 22:24

तलेबिस्याँ आगुइ ह्रुगुदिसि दुःख योंबै म्हिलाइ खीजी ल्होमिंम्, हेलै या आल, खीजी ह्रोंसए मोंडा छाबै म्हिमैंउँइँले आलो, चइ ल्होमिन् बिसि ग्वार ह्रिमा खीजी थेम्।

भजनमैं 34:4

ङइ याहवेहने ग्वार ह्रिमा खीजी ङलाइ ज्वाफ पिंइ धै ङलाइ ङ्हिंन् लबै ताँन् सैमैंउँइँले ङ फ्रेमिंइ।

भजनमैं 34:6

दुःख योंबै म्हिइ याहवेहने ग्वार ह्रिमा खीजी चए ताँ थेमिंइ धै चए ताँन् दुःखउँइँले फ्रेमिंइ।

भजनमैं 35:22

ओ याहवेह, चमैं ङए बिरोधर पोंब क्हिजी थेइमुँ; छतसि आपोंल्‍ले आटिमिंन्! ओ थेब प्रभु, ङउँइँले ह्रेंगो आतमिंन्!

भजनमैं 9:14

यरूशलेमर्बै तगररि ङइ क्हिए मिं थेब लरिमा क्हिजी ङलाइ जोगेमिंबइले ङ सैं तोंसि चर टिल् योंरिगे बिसि ङ कालए सुँउँइँले फ्रेमिंन्।

प्रस्थान 1:11

छतसि मिश्रीमैंइ इस्राएलीमैंलाइ बेल्‍ले गारो के ल्हैदिबै चिब्मैं त्हाँइ। धै चमैंइ फारोए ल्हागिर पिताम नेरो रामसेस बिबै म्ल्ह नारिमै खुथेंबै सहरमैं बनेइ।

प्रस्थान 1:8

झाइले मिश्रर योसेफलाइ ङो आसेबै म्रुँ घ्रिइ शासन लबर होंइ।

प्रस्थान 22:23

क्हेमैंइ लुडिसि चमैंइ ङने ग्वार ह्रिमा ङइ चमैंए ताँ थेब्मुँ।

प्रस्थान 33:13

क्हिए म्हाँया ङए फिर मुँ बिस्याँ, ङइ क्हिलाइ ङो सेल् खाँरिगे धै क्हिए उँइँर छ्याँबै केमैं लसि क्हिलाइ सैं तोंन् लल् खाँरिगे बिसि ङलाइ क्हिए घ्याँ उँइँमिंन्। चु ह्रें (जात) क्हिलन् ग बिसि मैंमिंन्।”

प्रस्थान 5:10

छबिमा मिश्री के ल्हैदिबै चिब्मैं नेरो इस्राएली नाइकेमैं ह्‍यासि म्हिमैंने बिइ, “‘तारे ङइ क्हेमैंलाइ पराल आपिं,’ बिसि फारो म्रुँइ बिइमुँ।

प्रस्थान 5:6

च त्हिंइर फारोइ मिश्री के ल्हैदिबै चिब्मैं नेरो इस्राएली नाइकेमैंने छ बिबर ल्हैदिइ:

चेला चिब्मैंए केमैं 7:34

मिश्रर मुँबै ङए म्‍हिमैंए दुःख ङइ म्रोंइ, चमैं क्रोबै या ङइ थेइ। छतसि चमैंए दुःखउँइँले फ्रेमिंबर ङ तयुइमुँ। तारे ङइ क्हि मिश्र ह्‍युलर कुलब्मुँ।’

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।